زن، زيوش، أزايي

Wikipedia جي
«زن، زيوش، أزايي» ايته جه ايران ٚ ۱۴۰۱ اعتراضان ٚ أصلي شۊعاران
«زن، زيوش، أزايي» شۊعار ٚ طراحي، اۊتريش ٚ وين ٚ مئن

زن، زيوش، أزايي (کۊردي مئن: ژن، ژیان، ئازادی؛ فارسي مئن: زن، زندگی، آزادی) ايته سياسي ؤ ايجتماعي شۊعار ايسه. أ شۊعار-أ أوول وار کۊرد ٚ مۊوارز ٚ زناکان، کلسيايي کۊردستان ٚ مئن بدأده ؤ بأزين ني اۊن-أ جنگ ٚ مئن کي داعش ٚ أمرأ بۊ بۊگۊتد.[۱] أ شۊعار گلف گلف باخي اعتراضان ٚ مئن ني بيشناوسته بۊبؤ.

ايران ٚ دۊرۊن مهسا أميني بۊکۊشته بؤستن ٚ پسي کي ارشاد ٚ گشت ٚ مأمۊران ٚ دس اتفاق دکته ؤ ايران ٚ ۱۴۰۱ اعتراضان ني اۊن ٚ دۊمبال رؤخ بدأ، معترضان أ شۊعار-أ جيگره بزئد. هأتؤني مردۊم أ شۊعار-أ مهسا أميني مراسم ٚ مئن سقز ٚ دۊرۊن ني بۊگۊتد ؤ أ شۊعار سريع ايران ٚ همه ته شأران ؤ خيابانان ٚ مئن ديپيچکسه.[۲]

أفغانستان ٚ زناکان ني خۊشان ٚ اعتراضان ٚ مئن أ شۊعار-أ کارأگيتد ؤ ايراني‌ئن ٚ اعتراضان ٚ جه حيماىت بۊگۊدئد. «زن، زيوش، أزايي» شۊعار-أ ايراني‌ئني کي باخي کيشوران ٚ مئن ايساده ني ايستفاده بۊگۊدئد ؤ ۲۵ سپتامبر ۲۰۲۲ مئن، فرانسه ليبراسيؤن ٚ رۊجنامه أ شۊعار-أ فارسي زوان ٚ أمرأ خۊ أوولي ولگ ٚ مئن بنأ.

أ شۊعار ٚ جه پۊر استقبال بۊبؤسته ؤ اي سري ايراني ؤ خارجي جامعه‌شيناسان اۊن-أ تحليل ؤ تحسين بۊگۊدئد.

سربس[دچينواچين]

  1. {یادکرد وب|عنوان=Women. Life. Freedom. Female fighters of Kurdistan|نشانی=https://www.cnn.com/2019/01/27/homepage2/kurdish-female-fighters/index.html%7Cوبگاه=CNN%7Cتاریخ=2019-01-28%7Cبازبینی=2022-09-30%7Cکد زبان=en|نام=Words by Sarah Lazarus Photographs by Sonja|نام خانوادگی=Hamad}}
  2. {یادکرد وب|عنوان=ژن، ژیان، آزادی: از مردی تنها در سلول انفرادی تا خیابان‌های ایران|نشانی=https://www.bbc.com/persian/articles/cqq6yev5kxwo%7Cوبگاه=BBC News فارسی|تاریخ=2022-10-14|بازبینی=2022-10-15|کد زبان=fa}}