Wikipedia:کارگيرؤنˇ بلته

Wikipedia جي
(مسير عوضاؤدن Wikipedia:هساىي تفاقؤن أجي)
بوؤز: گردسن، وامج

:ايلجار (ائره کارگيرؤن کسؤنأجي برنامه دچئنن تا ايلجار بۊکۊنن ؤ ىکته مؤله مئن چنته وانيويسه گردن بگيرن.)


سلام.

ائره قراره کسؤنأجي گب بزنيم ؤ همديگره کۊمک بۊکۊنيم تا تازه کارگيرؤن (کاربرؤن) کم-کم آماده بۊبۊن تا بۊتؤنن ويکيپديا مئن کار بۊکۊنن.

خأ هلنگ به هلنگ ؤ آرؤم-آرؤم پيش بشيم.

اولي هلنگ اينه: شمه تينين ويکيپديا مئن، هرجا که تشخيص بدأىن لازمه، دچينواچين (edit)ˇ سر بزنين تا اۊ صفحه قابلˇ تغىير بۊبۊن ؤ بازين اۊ صفحه چيزؤنه حذف بۊکۊنين ىا ىک چي اضافه بۊکۊنين ىا ىکچئه عوضأکۊنين.

مثلاً مۊ الؤن اي وؤتهاضافه کأدرم.

دومي هلنگ: أگه اۊن چي که اضافه کأدريم، مي وؤتˇ مۊسؤن ىکته پىغؤمه ؤ ربطي به مقالات ندأنه، اۊنˇ جير خأ امضا بۊکۊنيم تا بقيه بۊدؤنن کي اينه بنويشته. پس منم وختي مي بنويشته تمنأبؤ، اين جير ايتؤ امضا کؤنم: ~~~~.

اي چار ته علامت، به صورتˇ خۊدکار تبديل بنه به مي امضا.

ايسه شمأرم هرته خأ اي بحثˇ مئن شرکت بۊکۊنين ؤ مي جوابه بدين، خأ "دچينواچين"ˇ سر بزنين ؤ بازين، مي بنويشته جير خؤدتؤنˇ وؤته اضافه بۊکۊنين ؤ امضام بزنين.

ورگ (بحث) ‏۳۱ اوت ۲۰۱۵، ساعت ۱۲:۴۱ (UTC)

سلام Mirza (بحث) ‏۳۱ اوت ۲۰۱۵، ساعت ۱۴:۲۷ (UTC)


علىک برار - آمۊزش خأني ايسم تي خدمت. --شیخ (بحث) ‏۳۱ اوت ۲۰۱۵، ساعت ۱۴:۳۷ (UTC)


مي نظر اينه که ائره يکته وانويس کاربرؤنˇايلجاره أمرأ (مخصوصا تازه واردؤن) بنويسيم و کاربرؤن کم-کمى خؤ نوشته' وارد بکۊنن. تا هم مىل و علاقه به ايلجاره زياد ببه هم تازه واردؤن کم-کم ويکيپديا نويسيه ياد بگيرن. مي نؤر يکته وانويس ضروري ايسه که تا ايسه بنويشته نۊبؤ.

مثلا: ايران يا داماشˇگيلان يا ملوانˇانزلي يا گيلکي ادبيات يا کاسپي سامؤن يا ... پيشنهاد بدين زاکان.--شیخ (بحث) ‏۳۱ اوت ۲۰۱۵، ساعت ۱۵:۰۴ (UTC)

سلام جاغالان ... سوال اول : کؤن رسم الخط أمرأ بینیویسیم ؟ گیلوا یا ورگ ؟ سوال دوم : من ایته صفحه چکودم، خایم ایته کادر سمت چپ چکونم چی کدیه واستی بزنم ؟ سوال سوم : اشکال دَره ایته صفحه نیم کاره بنی بعد بأیی اونه کامل بکؤنی ؟ راحی نئه کی صفحه ویکی میان ثبت ببه ولی نمایش فنده ؟ MirzaKoochak (بحث) ‏۱ سپتامبر ۲۰۱۵، ساعت ۰۰:۱۰ (UTC)


سلام به Mirza ؤ MirzaKoochak؛
ممنۊنم که آؤجا بدأىن ؤ بمأىن گيلکي ويکي مئن. هۊتؤ که تينين بىنين، مۊ اولˇ مي پىغامي که الؤن نيويشته درم، شيمه کارگيري (کاربري) نؤمه بأردم. تينين بشين دچينواچينˇ مئن تا مطمئن ببين.
اي کار ىکته پيلئه فاىده دأنه. اي کار، ىعني أمئه پىغامˇ مئن،أمئه مؤخاطبˇ نؤمه أردن باعث بنه اۊ مؤخاطب ئبه "دۊخؤن" (Notification) هأنه. الؤن شمئبه م اۊ جؤرˇ جؤر، شيمئه کارگيري نؤمˇ ورجه، خأ رنگˇ سۊرخˇ همره ىکته عدد بمأبۊن.
امما چۊتؤ خأ ىکته کارگيرˇ نؤمه نيويشتن؟ حتماً خأ هۊ قاعده ؤ دابˇ همره بنويسيم که مۊ بنويشتم: [[کاربر:X|Y]]. امما لازم نئه اي کاره دستي بۊکۊنين. شمه تينين خئلي راحت، اۊ نؤمي که خأنين (ىا هر نؤمي که خأنين) بنويسين، بأزين اۊ نؤمه هاىلايت بۊکۊنين (ىعني انتخاب بۊکۊنين) ؤ بازين اي جؤر "پيوند"ˇ کيليده بزنين (از سمتˇ راست چأرؤمي) تا ىکته کادر وابۊبۊن که اؤره خأ بنويسين: کاربر:... سۊ نؤقطه جا اينˇ کارگيري نؤمه بنويسين.
امما اينم شيمئه جوابؤن:
  1. راجه به اينکه کۊ خطˇ همرأ بنويسيم،بشين ائره' بۊخؤنين: قأوه-ديکؤن/گيلکي نيويسي. (در کل قأوه-ديکؤن اينˇ وأسي چاگۊده بۊبؤ که هر چي خأنين بۊگؤىن ىا هر پيشنهادي دأنين اؤره مطرح بۊبۊن.)
  2. راجه به کادر ؤ اي چيزؤن هنۊز عجله نۊکۊن. به وقتش اۊنˇ سرم گب زئنيم. قراره ويکيپديا مئن ىک سري کادر چاکۊنيم.)
  3. هيچ اشکالي ندأنه أگه ىکته صفحه نصفˇ کاره چاگۊده بۊبۊن ؤ بازين بأى اؤنهتکميل بۊکۊني. اصلاً شاىد اي فاصله مئن ديگران بمأن ؤ اۊنه تکميل بۊدن.
  4. تا اؤره که مۊ دؤنم نشأنه ويکي مئن اي جۊر ولگ چاگۊدن که هي کس نۊتؤنه بىنه.
  5. راستي اينم بۊگؤم که هر وخت بمأىن ويکيپديا مئن، اۊ جؤر، هر کي شيمئه گبˇ ولگˇ مئن پىغؤم بنأبۊن شيمئبه پىغؤم هأنه. هر کس هر جا شيمئه کارگيري نؤمه دۊخؤنه، اۊ جؤر شيمئبه پىغؤم هأنه. هر وختم خأ بۊدؤنين از آخري باري که ويکي بمأىن چه اتفاقاتي دکته ؤ کيئن کؤره دچينواچين بۊدن،سمتˇ راستˇ منؤ جي بشين آخري تغييرؤنˇ مئن.
  6. شمأره ىاد دبۊن، هرچي نيويشته درين، قبلي بنويشته'نه حذف نۊکۊنين. مگر اينکه غلط بۊبۊن. اۊنم اول درخاست بۊکۊنين که خأ حذف بۊکۊنين.
  7. تمرينˇ وأسي، هرته خأ پىغؤم بنين حتماً مأ شيمئه پىغؤمˇ مئن دۊخؤنين (مي کارگيري نؤمه بنويسين).
  8. منم شىخˇ همره مؤافقم. تينيم همه با هم أمه تمريناته داماشˇ مئن پيش ببيم. ايتؤ هم اي وانيويس (مقاله) کاملترأبنه ؤ هم همه ىاد گينيم چي خأ گۊدن. (دامؤن! تنم بئه ائره بحثˇ مئن شرکت بۊکۊن.)

ورگ (بحث) ‏۱ سپتامبر ۲۰۱۵، ساعت ۱۰:۱۲ (UTC)


درود به ورگ والباقه ریفقان من نانم هنوز ایه با بینویسم یا نه!!!! پس الده زاکانا کویه تانم بیدینم؟ هتو مره دگرا دگرا خورم... ناجه دارم خب یاد بیگیرم.ایتا سوال مقاله جغیر از اون چنتا مطلب تانه در مورد چیزای دیگرم ببه؟؟شیمی قوربان بشم.

Mamad navidi


Mamad navidi جؤن؛
زحمت بکش اي مطالبي که بنويشتيم از اول تا آخر بۊخؤن. هي صفحه مي منظۊره.
تۊ کۊرأ-کۊرأ گردي برأ؟ D:
تي بنويشته'نˇ جيرم امضا بزن: ~~~~

Varg سلام، آقا چوتو شه مقاله‌ئه به ترجمه انگیلیسی یا فارسی اضافه کودن ... مثلا اگه أن مقاله-https://glk.wikipedia.org/wiki/%D8%AF%D8%A7%D9%85%D8%A7%D8%B4%CB%87%DA%AF%DB%8C%D9%84%D8%A7%D9%86- بخأم به فارسی اضافه بکؤنم چی وا بکؤنم !؟ MirzaKoochak (بحث) ‏۱ سپتامبر ۲۰۱۵، ساعت ۱۲:۴۷ (UTC)

MirzaKoochak؛
تي منظۊره نىتم! ىعني چي اضافه بۊکۊني؟ ىعني اينکه هرکي اۊ نؤمˇ سر بۊشۊن خۊدکار هداىت بۊبۊن به داماشˇگيلان؟
أگه تي منظۊر اينه که کافيه بشي اۊ صفحه مئن که خأني هداىت بۊبۊن به اصلˇ وانيويس، اؤره تغيير مسيرˇ سر بزني ؤ اؤره که هاىلاىت بۊبؤ تي اصلˇ وانيويسˇ نؤمه بنويسي. دقت بۊکۊن که در اي حالت اؤره خأ باقيˇ محتويات حذف بۊبؤبۊن (در واقع مؤنتقل بۊبؤبۊن به تي اصلˇوانيويس).
اگرم تي منظۊر اينه که ىکته وؤته ىکته وانيويسˇ جي ببري ىکته وانيويسˇ ديگه، کؤپي ؤ پىست!
ورگ (بحث) ‏۱ سپتامبر ۲۰۱۵، ساعت ۱۳:۲۱ (UTC)


MirzaKoochak

خأني پىوند هأدي؟ سۊتۊن سمتˇراست ، "زبان ها"جير اؤره بنويشته ""افزۊدن پيوندها"" اۊنˇسر کليک بکۊن بعد اۊنˇنؤم ىکته زوانˇميأن بنويس و خؤد به خؤد به تمام ويکيؤن لينک هأدنه.--شیخ (بحث) ‏۱ سپتامبر ۲۰۱۵، ساعت ۱۸:۰۰ (UTC)



سلاو برأرؤن. MirzaKoochak کي هيسه؟ خالي ميرزا مؤتا هيسه، ايشؤن کي هيسن؟ :) فۊضضۊلي ترکسه درم. برأر Mamad navidi سلاو. هيۊۊۊۊۊۊۊۊۊۊۊۊۊۊۊ -- Dămun Lөtrij – Kөläcë – Kăspi Sămön (بحث) ‏۲ سپتامبر ۲۰۱۵، ساعت ۰۶:۱۱ (UTC)


آقا Mamad navidi ويکيپديا مئن گۊمأبؤ!  :))

ولله! دئه اينˇ جي خبري نئه.

ورگ (بحث) ‏۲ سپتامبر ۲۰۱۵، ساعت ۱۰:۱۹ (UTC)

Damun.latrij مؤتا أم آبرار ... فعلا دو راهی میان ایسام کی جه أیته نام کاربری استفاده بکؤنم یا اؤیتائه استفاده بکؤنم ! MirzaKoochak (بحث) ‏۲ سپتامبر ۲۰۱۵، ساعت ۱۰:۲۶ (UTC)


جغله'ن، حتما ويکيپديا پنج ته اصل ؤ سۊتۊنه بۊخؤنين. اي کؤمک کؤنه به صۊرتˇ دخشارده همه چئه بۊدؤنين. هي کس سؤالي ندأنه؟ نخأنين چنته وانيويس گردن بگيرين که تا آخرˇ ماه اۊشؤنˇ سر کار بۊکۊنين؟
ورگ (بحث) ‏۳ سپتامبر ۲۰۱۵، ساعت ۱۵:۰۰ (UTC)


MirzaKoochak خا هۊ مؤتا چي ايراد دأره مگه؟

ورگ ولله مۊ اي ما چن وخته أندي درگيري دأرم خؤره ده وأکتم. شرمنده. مي هخسأىه کۊنم حتمن.-- Dămun Lөtrij – Kөläcë – Kăspi Sămön (بحث) ‏۷ سپتامبر ۲۰۱۵، ساعت ۰۵:۲۸ (UTC)


خا چشم. از ان ببعد امضا کونم ولی اون علامتا نتانم پیدا کودان کیبورد رو!!!!!


Mamad navidi ؛

آبرار کيبؤرده انگليسي بکۊن بعد ىکته کيليد نأي بفل عدد 1 که اینه (~) چارتا اۊنه بزني امضا کؤنه! --شىخ (بحث) ‏۷ سپتامبر ۲۰۱۵، ساعت ۱۲:۳۹ (UTC)

ويکيه بال بزنيم[دچينواچين]

نگار نجاتی ؤ MirzaKoochak ؤ ورگ ؤ Baxsad ؤ Damun.latrij ؤ AminSanaei ؤ Sicaspi ؤ رهنما ؤ Aligorkhane ؤ Azedaar ؤ محک

زاکؤن بيىم هنده اي ويکيه بال بزنيم. هر کي نئسأ اۊنه خبرأکۊنيد. هر کي در حؤزه خؤ تخصيص فعاليت بکۊنه. اصلا لازم نيئه همه وانويس بنويسن. تؤنن فني کار بکۊنن. هر کي بلد نيئه تؤنه مۊديرؤن ˇ جي واپۊرسه. بيىد اي ويکيه رؤنق بديم. چؤن أمۊ فقط ايرانˇميئن ايسأىم و هيچ جاى جهان مرجع تؤليد ˇ علم به أمي ماري زوان وؤجۊد ندأنه. بيىد أمي ماري زوانه پيله بکۊنيم و ميراثي، أمأنيؤن(آىندگان) ˇ واسي بنيم که دو فرده ايشؤن نگۊن أمي پئرؤن چندي بيخيال بۊن. شاىد مۊتخصص نبيم امما تۊنيم ويکي فارسي ؤ ويکي انگليسي جي ترجؤمه بکؤنيم. اگر حال اي کار هم ندأنيم حداقل بحثؤن ˇ ميئن شرکت بکۊنيم ؤ أمي نظره اعلام بدأريم تا هم ويکي کارؤن سريعتر پيش بشي هم بهتر. خأ ياور جديد جذب بکؤنيم . شيمئه رفقان ˇ بگيد ؤ تشويق بکۊنيد که ائره بيين. نأجه دأنم اؤشؤني که نئسأن وأگردن و اۊشؤني که ايسان با قۊدرت به ويکي نويسي ادامه بدن.--شىخ (بحث) ‏۱۴ سپتامبر ۲۰۱۵، ساعت ۱۸:۱۴ (UTC)

خا-- Dămun Lөtrij – Kөläcë – Kăspi Sămön (بحث) ‏۱۵ سپتامبر ۲۰۱۵، ساعت ۰۴:۳۹ (UTC)

تي دا. || ورگ (بحث) ‏۱۵ سپتامبر ۲۰۱۵، ساعت ۰۸:۱۴ (UTC)
بىنيم چي وکنه
بخساد (بحث) ‏۱۵ سپتامبر ۲۰۱۵، ساعت ۲۳:۲۴ (UTC)
شىخ، مۊوافقم و اينگيليسي ويکيپدىا وانيويسؤنه ترجۊمه' خىلي پيشنهاد کؤنم.--ما هان (بحث) ‏۱۸ سپتامبر ۲۰۱۵، ساعت ۱۱:۳۷ (UTC)
مي نظر اينه که أمئه بال زئن ؤ کار تينه Wikipedia:گردˇکله/ايلجار مؤتمرکز بۊبۊن. ايتؤ هرکي دؤنه اؤکته چي سر کار کأدره. بأىم هنده هۊ برنامه' پيش ببريم ؤ وانيويس گردن بگيريم. || ورگ (بحث) ‏۲۸ سپتامبر ۲۰۱۵، ساعت ۱۲:۳۶ (UTC)

Gilaki is missing[دچينواچين]

Gilaki is missing from this page:
https://meta.wikimedia.org/wiki/There_is_also_a_Wikipedia_in_your_language
More than 100 languages are now listed.
Thank you, Varlaam (بحث) ‏۹ فوریهٔ ۲۰۱۶، ساعت ۰۳:۰۶ (UTC)

Is this a good place for this request? Varlaam (بحث) ‏۱۶ فوریهٔ ۲۰۱۶، ساعت ۱۹:۰۸ (UTC)

سلام مجدد[دچينواچين]

ورگ ؤ Baxsad ؤ نگار نجاتی ؤ AminSanaei سلام مجدد بر جغله'نز. ويکي خيلي شۊل کۊن سفت کۊن دأنه. يعني يه ساله حدۊا بخۊته. مۊ وگرسم هنده أمأ يته کارگيري نؤمˇ ديگرˇ أمرأ (شيخˇ سابق). گه آى.پي بلاک گۊدن خۊراکه مۊلتي أکأنته ويکي ميئن :))). بيين هنده وانويس مشخص بکۊنيم ؤ سر ماه تحويل بديم ايسه يا دۊته يا سۊته. هنده گردأگيريم ؤ وگردؤنيم به رۊزهاى اؤجش. مي پؤرؤژه'ن فعلا فني نيه أمأ ترنسليت مي اؤلويته. اؤلويتˇ دؤوؤم فارسي رۊباتؤنه ويته رم (اصلاحˇ نوشتار مخصۊصا). در حالˇ حاضر مأمد أميني لاهيجي دستي به سر ؤ رۊش بکشئم ؤ چؤدم ماه شؤˇ چارده :)). هانس کريستيٚن أندرسؤن هم تقريبي تمنأ کأرم تا برسم به ويکتؤر هؤگؤ. دؤ چيز. يته بخساده خأنيم بشدت ولي قأر بؤده. ورگˇ دسˇ جي ناراحته احتمالا...اۊ قضايا که خۊدمؤن بهتر دؤنيم رسم الخطˇ سر اتفاق دکته. يته ديگه'ني حتما آخري دچينواچينؤن رسم الخطˇ ميئن هينن ده گه دۊواره نکأليم أز نؤ چاکؤنيم؟ يته ديگه حاج ماهانˇ جي خأنم وگرد دگرد بزني هفته اي ده ته نم نمى اي آت آشغالؤنه حذف بکۊني تا أمي ويکي جۊلف (Depth) جؤر بشؤن. فرمۊلˇ جۊلفأني تعداد کاراکترˇ کلˇ وانويسؤن بر تعدادˇ وانويسؤن ايسه. هرچي جۊلف ويشتر ويکي قوي تر ؤ پۊربارتر.--Pirsharafshah (بحث) ‏۳۰ آگؤست ۲۰۱۶، ساعت ۲۱:۱۵ (UTC)