کرمان ٚ اۊستان
اوستان کرمان   
|
کرمان اۊستان، ايران ٚ پيلـه‌ترين اۊستان ایسه گه کرمان ٚ شأر اۊن ٚ مرکز ایسه. أ اۊستان، ايران ٚ نسا مئن قرار بيگيته دره ؤ ۱۳۹۵ سال ٚ مئن، ايران ٚ آمار ٚ مرکز ٚ أساس، ۳,۱۶۴,۷۱۹ نفر جمعيت دأشتي. کرمان، ويشتر جه ايران ٚ ۱۱ درصد مساحت-أ شامل به ؤ ۱۸۳,۱۹۳ کيلۊمتر مۊربع پيلئکي ٚ أمرأ، ايران ٚ أولي پيله اۊستان ایسه. کرمان، کيشۊر ٚ نؤهؤمي پۊرجمعيت ٚ اۊستان ني محسۊب به. أ اۊستان، ويشتر جه ۶۶۰ته ثبت بؤبؤسته ميللي أثر ٚ أمرأ، ايته جه ايران ٚ تاريخي اۊستانان ايسه. کرمان ٚ اۊستان، یۊنسکؤ لیست ٚ مئن هفت‌ته ثبت بؤبؤسته أثر دأره گه شاهزاده ماهان ٚ باغ، میمند ٚ صخره‌اي رۊستا، أرگ بم، لۊت ٚ کوير، دۊته کاروانسرا ؤ سه قنات اي سري جه أ أثران ايسد. کرمان ٚ اۊستان، صادراتی رۊتبه نظر ٚ جه، کيشۊر ٚ چاردهؤمي اۊستان ایسه. کرمان ٚ اۊستان، متنوع اقليم دأره ؤ لاله‌زار ٚ شأر گه ۲,۸۷۰ متر دريا سطح ٚ جه بۊلندي دأره، ايران ٚ بام ؤ جؤرترين شأر محسۊب به. هأتؤني بردسير ٚ شأر ۲۰۴۷ متر بۊلندي ٚ أمرأ، ايته جه ايران ٚ بۊلند ٚ شأرستانان ایسه. کرمان ٚ اۊستان خۊ اقليمي تنوع ٚ أمرأ، خۊرما ؤ پسته تؤليد مئن أول، آغۊز ٚ تؤليد ٚ مئن دۊوؤم، ؤ مۊحمدي گۊل ٚ تؤليد مئن ني دۊوؤمي رۊتبه-یأ، ايران ٚ اۊستانان ٚ مئن دأره. کرمان ٚ اۊستان، مۊختلف ورزشي باشگاهان ٚ أمرأ، ايته ورزشي قۊطب ايسه ؤ ؤ پيله ميللي کارخانه‌ئان ؤ صنعتان ٚ أمرأ، ايران ٚ مئن ايته صنعتي قۊطب ایسه. کرمان ٚ اۊستان ٚ مئن مۊهم ٚ دانشگاهان نهأده گه شأ کرمان ٚ پجشکي علۊم ٚ دانشگاه، رفسنجان ٚ پجشکي علۊم ٚ دانشگاه، رفسنجان ٚ وليعصر دانشگاه، ؤ شهيد باهنر دانشگاه-أ نام بؤردن.
کيشوري تخسيمان
[دچينواچين]
| ايران ٚ اۊستانان |
|
أردبيل، ألبۊرز، اصفهان، ايلام، بۊشهر، تئران، چارمحال ؤ بختياري، خۊرتاوي آذرباىجان، خۊرخۊسي آذرباىجان، کلسيايي خۊراسان، رضوي خۊراسان، نسايي خۊراسان، خۊزستان، زنجان، سمنان، سيستان ؤ بلۊچستان، فارس، قزوين، قؤم، کۊردستان، کرمان، کرمانشاه، کۊهگيلۊىه ؤ بؤىر أحمد، گۊلستان، گيلان، لؤرستان، مازندران، مرکزي، هؤرمؤزگان، همدان، ىزد |
سربس
[دچينواچين]- ↑ "جمعیت به تفکیک تقسیمات کشوری". مرکز آمار ایران (فارسي جه). Retrieved 29 October 2023.
{{cite web}}: Check date values in:|access-date=(help)نگهداری یادکرد:زبان ناشناخته (link) - ↑ "جمعيت کشور برحسب جنس در نقاط شهری و روستایی به تفکیک استان (۱۳۹۰)". مرکز آمار ایران (فارسي جه). Retrieved 29 October 2023.
{{cite web}}: Check date values in:|access-date=(help)نگهداری یادکرد:زبان ناشناخته (link) - ↑ "جمعیت برحسب جنس به تفکیک سن و استان در سال ۱۳۸۵". مرکز آمار ایران (فارسي جه). Retrieved 29 October 2023.
{{cite web}}: Check date values in:|access-date=(help)نگهداری یادکرد:زبان ناشناخته (link) - ↑ ذکر شده در: جئونیمز. زبان اثر یا نام: اينگيليسي زوان. تاریخ انتشار: ۲۰۰۵.