فريدۊن پۊررضا
| فریدون پوررضا | |
|---|---|
 | |
| أصلي نام | فریدون پوررضا |
| دفن ٚ جيگا | قطعه هنرمندان ، تازه آباد رشت |
| کار | خانشگر، نيويشتنکس، پژۊهشگر |
| کار گۊدن ٚ سالان | ۱۳۳۹_۱۳۹۰ |
| همسران | منیر پوررضا |
| زاکان | ۷ |
فریدون پوررضا ایته رشتی خأندنکس بو. پوررضا، دردشتی، غولام‌حوسئن بنان و سعادتمند قمی ورجه ايرانی آوازه باموته و 1528 گالشی، علی بهکيشِ همره تعزيه‌خانی‌يه سراگيته.
شيش سال بعد، راديو گيلان ِ خانندگی امتحانِ مئن اوّل ببؤ و خو کاره به عنوان خاننده سراگيته. 1545 نی خو کاره تلويزيونِ همره شورو بئوده و هو سال يه‌ته نمايش‌نامه بنويشته تئاتر ئبه کی لشت‌نشا سينما سالونِ مئن اجرا ببؤ.
پوررضا، گيلان‌نامه و باخی نشريه‌ئنِ مئن پور مقاله بنويشته دأنه. جهانگير اشرفی و دوکتر علی عبدلی ايلجارِ همره، موسيقی گيلان و مازندران ِ جومأ گودن‌ئبه نق داشت کی گيلکی واوين، اين ِ کار بو.
فریدون پوررضا در ۲۳ فرودین ۱۳۹۰ درگذشت
زندگی شُمار
[دچينواچين]ای سياهه، گيله‌وا ماه‌نامه جی هگيته ببؤ کی پوررضا واسی يه‌ته يادگارنامه مونتشر بئوده بو.
1506، کورچ ما 19: لشتِ نشا مئن به دونيا بمأ.
1511: اينِ پئر، اينِ مأرِ جی سيوا بونه و فريدون خو يلِ مأرِ دسِ جير باموته بونه.
1514: خو درسه لشتِ نشا، ناصرخسرو مدرسه مئن سراگينه.
1520: مدرسه مئن، آوازه زمزمه گودنه سراگينه.
1523: خو ابتدائی درسه تمنأ کونه و خو پئر آرايشگری مغازه مئن کار کونه.
1524: شونه تهران تا دردشتی، سعادتمند قمی و بنانِ محضر جی، آوازه باموجی.
1527: وگردنه خو شهر (لشتِ نشا).
1527، نوروزما 5: مونير پوررضا همره عروسی کونه.
1528: تعزيه‌خانی‌يه علی بهکيشِ همره سراگينه و يه‌ته نمايش‌نامه نويسنه کی لشتِ نشا سينما سالونِ مئن اجرا بونه.
1529، دياما 17: پوررضا اولين زأک، فريبرز به دونيا هنه.
1530، دياما 16: اينِ دومين ريکه، رحمت به دونيا هنه.
1531: لشتِ نشا نمايشی جرگه‌ئنِ همره هم‌کاری کونه و زيباکنار و لشتِ نشا مئن اجرا کونه.
1532، دياما 6: اينِ تک دتر، فريده به دونيا هنه.
1534، تيرما 25: پوررضا سومين ريکه، فرهاد به دونيا هنه.
هی سالِ مئن، راديو گيلانِ خانندگی امتحانِ مئن شرکت کونه و اوّل بونه و خو کاره راديو مئن سرأگينه.
1535: راديو گيلانِ مئن، اولين فولکلور ترانهٰ اجرا کونه.
نواب صفا هدايت و راهنمايی همره، گيلانِ دهاتؤنِ جی، محللی ترانه‌ئنه جومأ کونه.
1537: راديو ايرانِ مئن، شما و راديو برنامه مئن دو دفأ برنامه اجرا کونه.
1537، دياما 6: فريدونِ چارمين ريکه، فرشيد به دونيا هنه.
1538: راديو صدای ايرانِ برنامه‌ئنِ مئن شرکت کونه.
1540، پنجيک دوم: پنجمين ريکه، فردين به دونيا هنه.
«صدای ايران»ِ آوازی برنامه‌ئنِ مئن شرکت کونه.
1541: به صورت پاپ ترانه اجرا کونه.
1541، پنجيک دوم: ششمين ريکه، فرداد به دونيا هنه.
1542، اريه‌ما سوم: اينِ هفتمين ريکه، امير به دونيا هنه.
1545: خو هم‌کاری‌يه تلويزيونِ همره سرأگينه و چن‌تا ترانه اجرا کونه.
1550: به عنوان «پژوهشکر آواهای بومی»، شونه لندن. ای سفرِ مئن، سيمين دانشور، محيط طباطبايی، منوچهر آتشی، دکتر محمود عنايت، دکتر محمود افشار و چن‌تا ده دانشگا تهرانِ اوستادؤن پوررضا همره ايسأ بون.
1562: انقلابِ پسی، خو اولين کونسرته رشتِ سينما انقلابِ مئن نئنه.
1565: شيرازِ مئن کونسرت برگوزار کونه.
1567: اداره ارشادِ جی، شونه جوموری آذربايجان و اؤره عارف بابايوف (موسيقی‌دان) دينه و اونِ کلاسِ سر، شوشتری آواز خانه.
اينِ اولين آلبوم، می گيلان، پخشأ بونه. گيلان‌نامه مئن تحقيقی مقاله نويسنه و گيله‌وا ماه‌نامه و همشهری روزنامه همره موصاحبه کونه.
1568: جهانگير اشرفی و علی عبدلی همره، گيلان و مازندرانِ موسيقی جومأ گودنِ مئن ايلجار کونه و گيلکی آوازؤنه، ای مجموعه مئن، هممه‌تهٰ اجرا کونه.
1569: «انجمن موسيقی گيلان»ِ هيأت موديره مئن عضوأ بونه.
1570: اينِ مأر و برأرزه و برأرزه زن، مينن.
1572: مونير خانم، پوررضا يار و همسر، مينه.
همدانِ مئن کونسرت اجرا کونه.
1573: گيلِ لو، اينِ دومين نوار مونتشرأ بونه.
آلمانِ مئن برنامه اجرا کونه کی اؤره گيلکؤن و ايرانی‌ئن، ای کونسرتِ جی پور استقبال کؤنن.
1574:«پس از باران (وارشِ پسی) سريالِ مئن، تيتراژ و متنِ مئن آواز خؤنه.
1575: پس از بارانِ موسئقی نوار بيرين هنه و هی سالِ مئن، کشورِ فيلمؤن و سريالؤنِ موسئقی مئن، اوّلأ بونه.
1576: يادگار امامِ تالارِ مئن (رشت) دو شؤ برنامه نئنه.
1576 کورچ ما 10: رشتِ شورای شهر، به عنوان «شهروند شايسته» فريدون پوررضا جی تقدير کونه.
1576، اريه‌ما 3: دانشگاه گيلانِ مئن، «همايش بازشناسی نهضت جنگل» برگوزار بونه و فريدون پوررضا، ناصر مسعودی همره ای همايشِ مئن موسئقی اجرا کونن.
1577: رشتِ يادگار امامِ تالارِ مئن، مواد موخددرِ همره موبارزه گودنِ واسی، کونسرت نئنه.
1577: آواز مه سريالِ مئن، اول و آخرِ تيتراژِ مئن اجرا کؤنه و کاروان موسئقی برنامه مئن شرکت کونه.
1577، شريرما 6: لشتِ نشا فرنا تالارِ مئن، لشتِ نشا مردوم پوررضا واسی بوزورگداشت گينن و اينأ جی استقبال کونن.
1577، آول ما 12: به عنوان «بازرس موسيقی گيلان» دؤجين بونه (اداره کلّ ارشادِ جی) 1578، کورچِ ما 16: گيلان بهتر هفته‌نامه همره موصاحبه کونه.
1578: جهانگردی هفته واسی، نياورانِ کاخ (تهران)ِ مئن برنامه اجرا کونه.
«شورای فنی و آموزش‌های آزاد موسيقی» مئن کی ارشاده وابستهٰ، عوضوأ بونه.
جام جمِ موسئقی برنامه مئن هنه و اجرا کونه.
«ششمين جشنواره موسيقی نواحی» مئن (کرمان) اينأ جی تقدير بونه.
1578، شريرما 9: «نکوداشت پيش‌کسوتان موسيقی گيلان» برنامه مئن، اينأ جی تقدير بونه.
1579، نوروزما چارم: ديلمان‌شناسی همايش مئن، هيأتِ داروانِ مئن عوضو بونه.
1579، تاوسؤن: ديلمان‌شناسی همايشِ مئن شرکت کونه و آواز خانه.
1579، اريه‌ما 16: «موسيقی فولکرولیک گيلان» کتابه تأليف کونه کی يه‌ته تحقيقی طرحه.
آلبوم و آهنگؤن
[دچينواچين]فريدون پوررضا، نزديک به نيم قرن ايسه کی گيلکی موسئقی مئن فعاليت کودن دره و تا هسا، حدود 469 تا ترانه (فولکلور و غيرفولکلور)، اجرا بئوده دأنه يا دوواره‌خانی و دوواره‌ساجی بئوده. ای ميانه، 280 تا ترانهٰ دوواره تنظيم بئوده و دووراه‌خانی بئوده و 100تا ترانهٰ خودش تنظيم بئوده.
پوررضا ترانه‌ئن، نوار و سی‌دی سر، هممه‌ته گيلکؤنِ خانه مئن دره. با اون‌که خيلی از ايشؤن هرگيز به صورت آلبوم بيرين نمأن. امما در کولل، پوررضا آلبومؤن و ترانه‌ئنه ايتؤ شأنه نام بردن:
بد نيه ايشؤنأ نی بخانين
[دچينواچين]- از برکه به دريا (پوررضا زندگی‌نامه، خو بنويشته، به فارسی)
- يادگارنامه‌ی فريدون وررضا (گيله‌وا ويژه‌نامه راجه به پوررضا)
- پوررضا اينترنتی ويژه‌نامه