هشتپر

Wikipedia جي
پرش به ناوبری پرش به جستجو
هشتپر
ایته تصویر هشتپر جی
Hashtpar
رسمي نام هشتپر
کشور ایران Flag of Iran.svg
ايالت گیلان
قدیمی نامؤن هشتبر، کرگانرود، تالش
تلفونˇ پیش‌شوماره ۰۱۳
مردوم/جوغرافی
جمعیت ۵۴٬۱۷۸ نفر
زوان تالشي
موختصات خورتابˇ ۳۷٫۸۰۰۸° ′ - کلسیا ۴۸٫۹۰۳۷° ′
زمات UTC +3:30
بولندی (دریا جی) ۵۴ متر
شهرؤن


هٚشتپٚر ىا هٚشتبٚر کي اۊنˇ رسمي نام تالش ايسه ايته جه گيلانˇ شأران ؤ تالشˇ شأرستانˇ مرکز ايسه. هشپر گيلانˇ پنجؤمي پيله شأر ايسه. أ شأر ۵۴ متر جه دریا بۊلندي دره. هشتپر، گيلان باخي شأران مأنستن جه تۊريستي نظر پۊر مۊهم ايسه. أ شأر، خاوياري ماهيانˇ چأکۊدنˇ مئن گيلان ؤ ايرانˇ دۊرۊن أول ايسه ؤ هأتؤ ني جه اۊنˇ کشاورزي محصۊلان شأ به بج ؤ کيوي اشاره گۊدن کي اۊنˇ محصۊلان به اي سري کشوران ني صادر به. کرگانرۊدˇ رۊخان کي گيلانˇ خۊرخۊسˇ پيله رۊخان ايسه جه أ شأرˇ مئن گۊذره ؤ هشتپرأ به دۊ ته بخش تقسیمأ کۊنه.

تارئخ[دچينواچين]

ألکساندئر خؤدشکؤ کي ايته لهستاني شاعر ؤ اسلاوشناس ؤ گيلانشناس بۊ، محمدشاه قاجار زمات رشتˇ دۊرۊن رۊسيه کؤنسۊلˇ مئن ايسا بۊ ؤ هشتپر أتؤ تؤصيف بۊگۊده: کرگانرۊدˇ مرکز هشتپرˇ شأر ؤ اۊنˇ والي بالاخان ايسه کي تالشˇ قشۊنˇ فرمانده محسۊب به. چار دهه بعد سردار امجد کي بالاخانˇ نوه بۊ ناصرالدين شاه قاجارˇ زمات اتاقسرا عمارت بنا بۊگۊده کي ايته مدرنˇ سازه بۊ ؤ به هشتپرˇ نماد تبديل بۊبؤسته. هشتپرˇ شأر جه گر فاصله دشتي ؤ اۊ زمات مردۊم به بندري شأران ؤ بازاران نياز دشتيدي تأ رۊسيه أمرأ تجارت بۊکۊنيد هأنه وأسي اي سري شأران حويق، ليسار ؤ شفارۊد مأنستن دریا ورجأ چاکۊده بۊبؤستيد اما چؤن أ شأران هشتپر جه پۊر فاصله دشتيد ايته ايپارچه ؤ پيله شأر تشکيل نۊبؤسته ؤ تالشˇ شأرستانˇ اقتصادي مرکزانˇ مئن فاصله دکفته.

رابینؤ کي رشتˇ مئن بريتانيا سرکؤنسۊل بۊ راجع به تالش أتؤ بينيويشته: کرگانرۊدˇ بازار، گرˇ ورجأ نئهأ ؤ ۶۰ ته دۊکان ؤ ۱۵ ته چۊبي کۊلبه دره ؤ تالشˇ خانان اۊىه زيوش کۊنيدي.

۱۲۸۶ˇ سالˇ دۊرۊن مشرۊطهٰ انقلابˇ تفاقانˇ وأسي اتاقسرا عمارت تٚش بزئن ؤ کرگانرۊدˇ خانانˇ حکۊمت تۊمانه بؤسته ؤ هشتپر سۊ ته دهه وأسي جه رؤنق دکفته ؤ اداري مرکزان ويشتر به ساحلي شأران منتقل بۊبؤسته. تأ دۊوؤمي جهاني جنگ، ساحلي شأران تالشˇ منطقه مرکز بؤن ؤ ايران ؤ رۊسیه جه طريق أ شأران تجارت گۊديد. ويشتر مدرسه'ن، امنيه'ن، بلديه'ن گمرک ؤ تلگراف خانه ؤ باخي دؤلتي اداران ساحلي شأرانˇ مئن فعاليت گۊدید کي گمرک تا ۱۳۳۶ هم فعاليت گۊدي. بعد أنکي رۊسیه ۱۳۲۰ شهريور دۊرۊن گيلان اشغال بۊگۊده ايته تازه راشي أنزلي ؤ آستارا مئن چاکۊده کي أ اۊتۊبان بعد چاکۊدن ايته پۊرد کرگانرۊدˇ رۊخانˇ سر، جه هشتپرˇ مئن گۊذر گۊدي ؤ باعث بۊبؤسته کي هشتپر دۊوارده رؤنق بيگيفته ؤ دؤلتي اداران جه ساحلي شأران به هشتپر منتقل ببه. بعد أ تفاقان تالش ۲۲ مرداد ۱۳۲۳ دۊرۊن به ايته شأرستان، شفارۊدˇ بازارˇ مرکزيت أمرأ تبديل بۊبؤسته. اۊ زمات هشتپر خأىلي کۊچي تر بۊ ؤ جه ايته رديف دۊکان ؤ اي سري چۊبي خانه'ن تشکيل بۊبؤسته بۊ کي هۊ پۊرد ورجأ کي رۊسان چاکۊدن قرار دشتيدي. ‌‌‌‌‌‌‌‌اما گلف گلف هشتپرˇ شأر پيله تر بۊبؤسته ؤ پۊر رؤنق بيگيفته ؤ هأنه وأسي ۱۳۲۶ˇ سالˇ دۊرۊن، تالشˇ شأرستانˇ مرکز جه شفارۊد به هشتپر منتقل بۊبؤسته ؤ شمس اميري فرمانداری أمرأ خۊ فعاليت شرۊع بۊگۊده.

هشتپرˇ نام[دچينواچين]

سردار امجدˇ عمارت اتاقسرا عمارت هشتپرˇ مرکزˇ مئن چاکۊده بۊبؤسته ؤ به أ شأرˇ نماد تبديل بۊبؤسته. اتاقسرا عمارت هشت ته پيله در دأره ؤ تالشي زوؤن دۊرۊن ني به در «بٚر» گيدی ؤ مردۊم أ عمارت هشت بٚر دۊخانديد. چؤن اۊ زمات أ عمارت پۊر معرۊف ؤ مدرن بۊ، مردۊم کل اۊنˇ دؤر ؤ بر ني هشت بر گۊفتيدي ؤ گلف گلف أ نام کل شأر ره استفاده بۊبؤسته ؤ أ شأر هشتبر نام بيگيفته ؤ زمات گۊذر مئن ؤ واجه چرخستن وأسي هشتبر به هشتپر تبديل بۊبؤسته. تازگئن أ شأرˇ رسمي نام تالش بنأييد ولي مردۊمˇ مئن هۊ هشتپر ويشتر رائج ايسه.[۱]

جمعیت[دچينواچين]

هشتپر دۊوؤمي تالشانˇ پيله شأر بعد لنکران ؤ گيلانˇ پنجؤمي پيله شأر بعد رشت، أنزلي، لاجؤن ؤ لنگرۊد ايسه. أ شهرˇ جمعيت مختلف سالان دۊرۊن أتؤ ايسه:

مردۊم[دچينواچين]

هشتپر، تالشانˇ پيله شأر ايسه. هشتپرˇ مردۊمˇ أصلي زوان تالشي ايسه ؤ گيلکي ني رائج ايسه. [۲] أ شهر مردۊم ويشتر سني ؤ اي سري ني شيعه ايسن. جامع، عباسیه، قاسمیه، صاحب زمان، ناله تربه، زینبه، حسینیه اعظم ؤ امام سجاد مٚزگيان شيعه'ن شين ايسه ؤ محمدیه مزگي ني سنيان شين ايسه. [۳][۴][۵]

دئني جيگان[دچينواچين]

  • سيادارانˇ جنگلي پارک
  • تالشˇ سۊرتمه
  • مريان ؤ نۊئه دي تارئخي رۊستا
  • قرۊقˇ ساحل کي ۳ کيلؤمتر هشتپر أمرأ فاصله دره.[۶]
  • گيسؤمˇ جنگلي پارک، هشتپرˇ نسا ۱۰ کيلؤمتري
  • کيشۊن بؤنˇ جنگلي پارک، هشتپرˇ خۊرخۊسˇ ۱۰ کيلؤمتري
  • جؤکندانˇ سل، هشتپرˇ کلسيا ۸ کيلؤمتري
  • سيد نيکي بۊقا، هشتپرˇ خۊرتاوˇ مئن
  • سردار امجدˇ عمارت
  • پارک شهرˇ مزقاني آونما

پارکان[دچينواچين]

  • پارک شهر
  • پارک قدس
  • پارک کودک
  • بوستان مادر
  • پارک سد ساحلی
  • کوی معلم
  • پارک سیاهداران
  • پارک ساحلی قروق
  • بام تالش

ايساني جيگان[دچينواچين]

  • هتل بزرگ تالش
  • هتل لیوادور
  • هتل راستین
  • هتل نگین

محله'ن[دچينواچين]

بازار، مسگران، گلسرخ، سد ساحلی، کاروانسرا، شهربانی، سعدی، تختی، بهشتی، معین، قدس، دانش آموز، فرهنگیان، پاسداران، بیست متری، طاهری، گیلک محله، تی تک بزرگ، طولارود، بسیجیان، سید رضی، سید نیکی، کرد محله، تره تنگده، شیلو، ریک، هره دشت

بئداشت ؤ ساقي[دچينواچين]

بيمارستانان[دچينواچين]

  • جنرالˇ بيمارستان
  • نۊراني شهيدˇ بيمارستان
  • دکتر طاهري خصۊصي بيمارستان

شٚو تأ رۊجي درمانگان[دچينواچين]

  • شفا درمانگا
  • فرهنگيان درمانگا
  • امام علي النقي درمانگا
  • تأمين اجتماعي درمانگا

کتابخانه'ن[دچينواچين]

  • ۱۷ شهریورˇ کتابخانه، پارک شهرˇ مئن
  • امام رضا کتابخانه، میدان امامˇ مئن

دانشگان[دچينواچين]

  • دانشگاه آزاد اسلامی واحد تالش
  • دانشگاه پیام نور مرکز تالش
  • دانشگاه علمی کاربردی تالش
  • دانشگاه سما واحد تالش

سربس[دچينواچين]

  1. http://www.gilanmiras.ir/talesh.htm |title=نسخه آرشیو شده |accessdate=۲۹ اکتبر ۲۰۱۷ |archiveurl=https://web.archive.org/web/20080919095338/http://www.gilanmiras.ir/talesh.htm |archivedate=۱۹ سپتامبر ۲۰۰۸ |dead-url=yes }}
  2. سایت شهرداری تالش
  3. http://www.taleshen.ir/joqrafiyaye%20farhangi.htm%7Cتاریخ بازدید=۲۱ ژوئیه ۲۰۱۳}}
  4. http://www.tatha.fagig.com/tati%20talesh2.htm%7Cتاریخ بازدید=۲۱ ژوئیه ۲۰۱۳}}
  5. رهنمایی، محمدتقی، علل نفوذ زبان‌های ترکی و گیلکی در تالش، فصلنامه تحقیقات تالش، شماره ۲ - زمستان ۱۳۸۰.
  6. http://isna.ir/fa/news/92093020658/کشف-یک-کشتی-احتمالا-قاجاری