مرکزي آمريکا ايته منطقه ايسه آمريکا قاره مئن گه مکزيک ٚ نسا جه تا کؤلومبيا کلسيا-یأ شامل به. مرکزي آمريکا خۊرتاو کارائيب ٚ دریا ؤ اۊن ٚ خۊرخۊس ني آرام ٚ اۊقیانۊس نهأ.
مرکزي آمريکا ايته باريک ٚ خۊشکي ايسه گه کلسيايي آمريکا ؤ نسايي آمريکا-یأ ايجايي وصل-أ کۊنه. مرکزي آمريکا مئن هفت‌ته کيشور نهأ ؤ بليز، کاستاريکا، السالوادؤر، گۊاتمالا، هؤندۊراس، نيکاراگۊئه ؤ پاناما کيشوران-أ شامل به. سيوا جه بليز گه اۊن ٚ رسمي زوان اينگيليسي ايسه، مرکزي آمريکا ؤ اۊن ٚ کيشوران ٚ رسمي زوان ايسپانيايي ايسه ؤ مردۊم أ زوان ٚ أمرأ گب زنئده.
مرکزي آمريکا ۵۲۴ هيزار کيلۊمتر مۊربع (۲۰۲ هزار مایل مۊربع) پيلئکي دأره ؤ نزيک ۰٫۱ درصد جه زيمي مساحت-أ تشکيل دنه. مرکزي آمريکا ۲۰۰۹ ميلادي سال ٚ مئن ۴۱,۷۳۹,۰۰۰ نفر جمعيت دأشتي. أ منطقه جمعيت ٚ أمبستي ني ۷۷ نفر ايته کيلۊمتر مۊربع مئن بۊ.
- ↑ ناشر: World Bank Open Data. زمان بازیابی داده‌ها: ۲۲ اؤکتؤبر ۲۰۲۴.
- ↑ ذکر شده در: جئونیمز. زبان اثر یا نام: اينگيليسي زوان. تاریخ انتشار: ۲۰۰۵.
.svg)
