رۊبار ٚ شأرستان

رۊبار ٚ شأرستان
کلي اطلاعات
رسمي نام :	رۊبار ٚ شأرستان
کشور :	ایران
اۊستان :	گيلان
بخشان :	مرکزي بخش، رحمت آباد ؤ بلۊکات، فاراب، خۊرگام
شأران :	رۊبار، رۊستم آباد، تۊتکابن، لؤشان، مانگيل، جيرينديه، بره‌سر
دهستانان :	کلشتر، نسايي رۊستم آباد، کلسيايي رۊستم آباد، جيرينديه، کليشم، خۊرگام، دلفک، بلۊکات، رحمت آباد، دشتويل
محلي نام :	رۊبار، رۊوار
شأرستان بؤستن ٚ سال :	۱۳۳۸
مردۊم
جمعيت	۱۲۶٬۳۱۵ نفر
زوان:	گیلکي، رۊباري لئجه أمرأ
مذهب:	شيعه
طبيعي جۊغرافي
پيلئکي:	۲۵۷۴ کيلۊمتر مربع
بۊلندي درىا جه :	۱۰۵۰ متر
شأر ٚ اطلاعات
فرماندار :	هۊشنگ عباسقلي زاده
سؤغات :	زىتۊن، بج، صابۊن، نمد، محلي لباس
وبجيگا :	رۊبار ٚ فرمانداري

رۊبار ٚ شأرستان، ايته جه گيلان ٚ شأرستانان ايسه ؤ أ اۊستان ٚ نسا مئن قرار بيگيته ؤ گيلان ٚ پيله‌ترين شأرستان ني ايسه. أ شأرستان ۲,۵۷۴ کيلۊمتر مربع مساحت دأره ؤ اۊن ٚ مرکز ني رۊبار ٚ شأر ايسه.

رۊبار ٚ نام

أ ناحيه دۊرۊن رۊخانان زيادي نهأ ؤ هأن ٚ وأسي اۊن ٚ نام-أ رۊبار بنأده کي گده اۊن ٚ معني رۊخانان ٚ سامان ايسه.

جۊغرافي مؤقعيت

رۊبار ٚ شأرستان ايته جه ۱۷ ته گيلان ٚ شأرستانان ؤ پيله‌ترين شأرستان ني اۊشان ٚ مئن ايسه. أ شأرستان کلسيا جه رشت ؤ سياکل شأرستانان، نسا جه ألمۊت ٚ منطقه، خۊرتاو ٚ جه سياکل ٚ شأرستان ؤ خۊرخۊس ٚ جه شفت ٚ شأرستان-أ رسئه. أ ناحيه خۊ فراوان زي باغان ٚ وأسي کي اۊن ٚ محصۊلان ٚ کیفيت ني خئلي بۊجؤره معرۊف ايسه.

رۊبار ٚ شأرستان کۊهستاني ناحيه مئن قرار دأره ؤ اۊن ٚ آو ؤ هأوا خۊشک ؤ نیمه خۊشک ؤ مديترانه‌اي ايسه، هأن ٚ وأسي زي داران اۊیه خؤب رؤشد کۊنئده. أ شأرستان ايسپي رۊ ورجأ بنا بۊبؤسته ؤ ايسپي رۊ دائمي وا مسير ٚ مئن کي مانگيل ٚ وا نام ٚ أمرأ ني معرۊف ايسه قرار دأره ؤ هأ مؤضوع باعث چأگۊدن مانگيل ٚ بادي قۊوتگا ۱۳۷۰ سال ٚ دۊرۊن بۊبؤسته.

کشوري تخسيمان

رۊبار ٚ شأرستان چار ته بخش دأره:

• ۱. مرکزي بخش
• دهستانان:
  • کلشتر ٚ دهستان
  • نسايي رۊستم آباد ٚ دهستان
  • کلسيايي رۊستم آباد ٚ دهستان
• شأران: رۊبار، رۊستم آباد، مانگيل، لؤشان

• ۲. فاراب ٚ بخش
• دهستان­ان:
  • جيرينديه دهستان
  • کليشم ٚ دهستان
• شأر: جيرينديه

• ۳. خۊرگام ٚ بخش
• دهستانان:
  • خۊرگام ٚ دهستان
  • دلفک ٚ دهستان
• شأر: بره‌سر

• ۴. رحمت‌آباد ؤ بلۊکات ٚ بخش

• دهستانان:
  • بلۊکات ٚ دهستان
  • رحمت‌آباد ٚ دهستان
  • دشتویل ٚ دهستان
• شأر: تۊتکابن

جمعيت

أ شأرستانˇ جمعيت ۱۲۶,۳۱۵ نفر ايسه کي أ تعدادˇ جه ۶۹,۶۲۰ نفر شأري منطقه‌ئن ؤ ۵۶,۶۹۵ نفر رۊستائانˇ دۊرۊن ساکن ايسده.

زوان ؤ مردۊم

رۊبارˇ شأرستان ويشتر مردۊم گيلک ايسن ؤ به گيلکي زوؤن، گالشي(دیلمي) گۊیش ؤ رۊباري لئجه أمرأ گب زنده. رۊباري ايته جه گيلکيˇ هشت‌ته أصلي لئجه گيلانˇ دۊرۊن ايسه.

دئني جيگایان

• هرزویلˇ سرو

• آسمانسرا قله

• مارلیکˇ دئباره تپه

• اسکابنˇ تاريخي رۊستا

• آماردلۊ جؤردي

• لؤشانˇ دئباره پۊرد

• مانگيلˇ بادي قۊوتگا

• ايسپي‌رۊ سد

• کلشترˇ چشمه

• تالشدر دامان

• لاکۊشابˇ آبشار

• داماشˇ تۊريستي دهکده

• سلانسرˇ منطقه

• امامزاده صالح خاصکول

• امامزاده اسماعیل قاسم، محمود

• امامزاده ابراهیم کیابادˇ مئن

• امامزادگان ابوالحسن، ابوالمحسن و ابوالفضل فیلده مئن

• امامزادگان حمزه و یوسف شیرکدهˇ مئن

• سیّد طاهر شمامˇ دۊرۊن

• سید طاهر و سید طیّب پایده دۊرۊن

• امامزاده عسکربن جیرنده دۊرۊن

• امامزاده محمد حنفیه(قلقلي)، بیورزینˇ رۊستا

• امامزاده سیداشرف الدین ابن موسی کاظم چمل قدیمˇ رۊستا

• امامزاده روح‌الله، خۊرگام، نوده

• سیدحسن گندمي، سمام

• امامزاده احمد و محمد، ناوه

• امامزاده طاهر خرمکوه، خره‌پۊ رۊستا دۊرۊن

• امامزادگان سه فرزندان موسی کاظم، فیلده رۊستا

• امامزاده محتشم، اسطلخ جان

• امام زاده پیر محمد

تاتاييان

• 

  ايسپي رۊ سد

• 

  مانگيلˇ بادي قۊوتگا

• 

  هیۊلای دؤسرˇ جام، لۊور مۊزه

• 

  ايته جه گردنبندان مارلیک

• 

  ايتأ ريتۊن یافت بۊبؤسته آمآردلۊ جه کي صد سال قبل ميلاد شين ايسه.

• 

  داماش جیرندهˇ تۊريستي دهکده

• 

  لؤشانˇ خشتي پۊرد