مهدی میخچی

محمد مهدی میخچی ایته از نوازنداگان با سابقه تنبک بو، کی در سال ۱۳۱۳ در محله مسجد صفی رشت بودونیا بومو. محمد مهدی میخچی فرزند حاج علی اکبر میخچی و نوه کریم خان میخچی بو کی ایته از بازرگانان بنام و معتبر بو.

فعالیت هنری[دچينواچين]

اون جِه هشت سالگی ضرب زِئِنه جِه گوش دِئن به گرامافون یاد بیگیفته و روی میز ضربب زِئی. نوجوانی مِئن ایته تنبک تهیه بوگوده و با ایشتابِستِن ضرب اوستاد تهرانی جِه رادیو، به یاد گیفتِنه تنبک زِئن بدون اوستاد مشغول بوبُسته. میخچی، سال ۱۳۲۱ با موسیو یرواند ماردروسیان کی ایته از اوستادان موسیقی بو آشنا بوبُسته، و بعد از این کی به دبیرستان بوشو شاگرد اوستاد محمود مرتضوی بوبُسته.

سال ۱۳۲۸ با کیهان دیوان بیگی و محمد انکشافی آشنا بوبُسته و بِتانِستِه به انجمن ملی موسیقی گیلان وارد بِبه و ردیف موسیقیِ، جِه اوستاد حسن یزدانپرست و ریتمَ، جِه اوستاد رکن الدین نژند یاد بیگیفته.

اون شهریور سال ۱۳۳۲ در کنسرتی، ویولن نوازی حسین روزرخِ با خو تنبک نوازی یاری بوگوده. اون هَتو سال ۱۳۳۴ هم کنسرتی به رهبری رکن الدین نژند در چالوس با صدای شاپور جفرودی دَشتی. میخچی سال ۱۳۳۸ وارد ارکستر رادیو رشت به رهبری غلامرضا امانی بوبُسته و با اوستادان فریدون فروزانفر و حسین آمنین همکاری بوگوده و جه سال ۱۳۳۹ با اوستاد فریدون پوررضا همکاری بوگوده و در هَه سال در کنسرت اوستاد غلامحسین بنان که سه شب مِئن بو، بِدرخشه.اون هتو با هنرمندانی میثل اوستاد یاحقی و اوستاد بنان اَمره، همکاری بگوده.

میخچی بعد از انقلاب، با این کی خو بینایی از دست بِدا بو در کنسرت گیل چاووشان کی در اسفند سال ۱۳۶۹ در سینما انقلاب رشت اجرا بوبُسته؛ آنچنان بِدرخشه کی مردم اونه تا دقایقی طولانی دست بِزِئید. اون هَتو سال ۱۳۶۸ فومن مِئن، در کنگره به یاد میرزا ارکستری به رهبری بهمن شکیبی یاری بوگوده.

سال ۱۳۸۹ در همایش دوستداران گیلانی مکتب ذوالفنون کی رشت مِئن برگزار بوبُسته ، لوح سپاسی با امضای زنده یاد اوستاد جلال ذوالفنون به خاطر نیم قرن فعالیت میخچی در عرصه موسیقی اونه اهدا بوبُسته.