خۊمام

Wikipedia جي
پرش به ناوبری پرش به جستجو


خۊمام
ايته تاتايي خمامˇ جه

کلي اطلاعات

رسمي نام : خمام
کشور : ایران Flag of Iran.svg
اۊستان : گيلان
شأرستان : خۊمامˇ شأرستان
بخش : مرکزي بخش
محلي نام : خۊمام
شأر بؤستنˇ سال : ۱۳۲۹
مردۊم
جمعيت ۲۰٬۸۹۷ نفر (۱۳۹۵)
جمعيتˇ تراکؤم: ۳۳۵
نفر بر کیلومتر مربع
زوان: گيلکي
مذهب: شيعه
طبيعي جۊغرافي
پيلئکي: ۱۶۰ کيلۊمتر مربع
بۊلندي درىا جه : ۱۷− متر
آو ؤ هأوا
سالانه دما ميانگين: ۱۵٫۸ درجه سانتيگراد
سالانه وارش : ۱۳۹۷ ميلي‌متر
شأرˇ اطلاعات
شأردار : مۊسی فکۊر
سؤغات : گاب صۊندؤق
رشته خۊشکار
حصير
بج
کشتا
برنجي نان
حصيري محصۊلان
تلفؤنˇ پيش‌شۊماره : ۰۱۳
اينترنتي ساىت : خۊمام نيۊز


خۊمام، ايته جه گیلانˇ شأران ايسه کي خۊمامˇ شأرستانˇ مئن قرار بيگيته دره ؤ اۊنˇ مرکز ني ايسه.

خۊمامˇ بانک مسکن

خۊمام، رشت و أنزلي راشي مئن کي دۊ ته جه گيلانˇ پيله شأران ايسده واقع بۊبؤسته[۱] ؤ شأ گۊتن کي گيلانˇ بین‌المللي ؤ ترانزيتي مسير، رشتˇ جه به سمت پيله‌ترين بندر کاسپينˇ گر جير یعنی أنزلي، جه خۊمام گۊذره و هأ مۊضۊع باعث بۊبؤسته کي خۊمامˇ پۊليس راه أ اۊتۊبان-ه، دوّمي پرترددˇ جاده گيلانˇ دۊرۊن معرفي بۊکۊنه. خۊمام جه کلسیا وَر جفرۊدبالا پلاژ-أ خۊره ؤ کاسپينˇ گر-ه متصل-أ به و ۱/۵ کيلۊميتر ساحلي نوار دأره. أ شأر جه خۊرخۊسˇ ور ني شیجانˇ دهنه‌سر رۊستا-یه منتهي به کي أ رۊستا ني أنزلي سل-ه متصل به. ۷ ته جه خۊمامˇ رۊستایان منطقه آزاد أنزلي حؤمه دۊرۊن قرار دأرده.

خۊمامˇ شأر، رشتˇ شأرستانˇ کلسيا ؤ رشتˇ ۱۵ کیلۊمتري مئن و أنزلي ۲۵ کیلؤمتري مئن قرار دأره. أ شأر تقریباً ۵۵ سال ایسه کي عۊنوان بخش-أ دارا ايسه ؤ اۊنˇ پيلیکي ۱۶۰ کیلؤمتر مربع ايسه.

جه شأرˇ قدیمي جيگان، مسجید جامع ایسه کي اۊنˇ تازه ساختمان أ پۊر خۊرۊم ايسه ؤ اۊنˇ تۊمام سارا سطح مۊزائیک کاري بۊبؤسته ؤ آقا سید حسن بۊقاٰ ورجأ کي مۊسی کاظمˇ زاکان جي ایسه قرار دأره کي عامیانه زوان مئن به (کۊچي) آسسانه مأرۊف ایسه و آقا سید سلطان بۊقاٰ دافچاه رۊستا مئن ؤ بابا حسن بۊقاٰ چؤکامˇ مئن کي اۊنˇ سارا دۊرۊن اۊتريشي مۊسلمان فاطمه ىحىايي (مارىا هؤف باىر) قرار دأره.

جمعیت[دچينواچين]

براساس ۱۳۹۵ˇ سالˇ سرايشماردن، خۊمامˇ شأرˇ جمعیت ۲۰٬۸۹۷ نفر[۲] ؤ خۊمامˇ شأرستانˇ جمعيت ۵۴٬۸۶۰ نفر ايسه.[۳] خۊمام ثبت احوال ایداره سال ۹۳ دۊرۊن راجع به خۊمامˇ جمعيتˇ رشدˇ آمار اعلام بۊگۊد کي أ شأرستانˇ جمعیت خئلي بۊجۊر بۊشؤ ؤ ۶۶،۲۳۶ نفر فأرئسه.[۴] خۊمام ۵۲ ته گیلانˇ شأرأنˇ مئن يازدهمي جه نظر جمعیت ایسه و اۊنˇ جمعيت جه اي سري شأراني کي شأرستانانˇ مرکز ايسده، رۊبار، شفت، رزوندي، ماسال و سیاکل مأنستن ني ویشتر ايسه.

خۊمام جمعيت هفتاد سال بۊگۊذشته دۊرۊن ۱۰ برابر بۊبؤسته. ۱۳۲۵ˇ سالˇ دۊرۊن، أ شأرˇ جمعیت ۲٬۵۱۳ نفر بۊ، ۱۳۴۵ˇ سال أ شأرˇ جمعیت ۳٬۰۶۷ نفر-ه برسه، ۱۳۵۵ˇ سال ۴٬۰۱۴ نفر، ۱۳۶۵ˇ سال ۷٬۸۱۴ نفر، ۱۳۷۶ˇ سال ۸٬۵۵۸ نفر، ۱۳۸۵ سال ۱۳٬۲۸۰ نفر ؤ ۱۳۹۰ˇ سالˇ دۊرۊن خۊمامˇ جمعيت ۱۷٬۱۰۶ نفر-ه برسه کي البته طبق برآورد جمعیتی، هسأ خۊمامˇ جمعيت ويشتر جه ۲۵٬۰۰۰ نفر ايسه.

خۊمامˇ وجه تسمیه[دچينواچين]

خۊمامˇ شأرˇ قدمت ویشتر جه ۱۰۰۰ سال ایسه، هأنه وأسي گۊتن أ شأرˇ أصلي نام، قديمˇ زماتˇ دۊرۊن ممکن نيه ولي حدسیات ؤ مختلف باوران درباره أ شأرˇ نام نهأ کي بيجيرتر اۊشان-ه بررسي کۊنيم.

  1. بعضیأن معتقد بيد کي قديمانˇ مئن أ منطقه دۊرۊن هر ته خانه آو شرب داشتنˇ وأسي کي مردۊمˇ رۊزمره نیاز بۊ، آبان-ه مخصۊصˇ خۊمˇ دۊرۊن فۊگۊديد ؤ اۊ دؤران ويشتر خانه‌ئان دۊرۊن أ خۊمان نهأبۊ، هأنه وأسي أ منطقه به خۊم‌آب ؤ گلف گلف به خۊمام تغيير پیدا بۊگۊده. اخيرا خۊمامˇ وردۊدي مئن، ايته آونما مجسمه نصب بۊبؤسته ؤ متشکل جه مختلف خۊمان ايسه کي اۊشان جه آو بيرۊن زنه ؤ اشاره به هأ مۊضۊع دأره.
  2. أ منطقه قديم قديمانˇ مئن به خۊبانˇ شأر معرۊف بۊ ولي گلف گلف خۊبان به خۊمام تغییر بۊکۊده.
  3. بعضیان معتقد ايسده کي خۊمام اوّل به صۊرت «خۊ مام» بۊ کي گيلکي زوؤنˇ دۊرۊن معني مي سامان دهه.[۵]

کشوري تقسیمان[دچينواچين]

خۊمامˇ شأرستان: أ شأرستان دۊ ته شأر، دۊ ته بخش ؤ چار ته دهستان ؤ ۴۴ ته رۊستا دأره.

۱.چاپارخانه دهستان: أ دهستان ۱۷ ته رۊستا دره ؤ اۊنˇ مرکز چاپارخانه روستا ايسه.

چاپارخانه دهستان روستاهان

پشتسان گورابجير، تازه آباد صدر، توكسر شيجان، جفرود بالا ، جفرود پائين، چاپارخانه روستا، دهنه سر شيجان، راسته كنار، تنبل محله، زيرده، شيجان ، غلامرضا باغ، فتاتو، فشتكه، گورابجير ، ميان محله.

۲.کته سرˇ دهستان: أ دهستان ۱۳ ته رۊستا دره، اۊنˇ مرکز ني کته سرˇ رۊستا ايسه. .

کته سرخومام دهستان روستاهان

اسماعيل آباد، اشمنانطا لم‌، برمچه بالا محله، برمچه پائين محله، تيسيه ، دافچاه ، كته سر ، كلاچاه، كوی شاه، لات ، مشكاپشت ، معاف محله.

۱.اشکيکˇ دهستان: أ دهستان ۵ ته رۊستا دٚره ؤ اۊنˇ مرکز اشکیکˇ رۊستا ايسه.

    • رۊستایان: اشکيک، مصردشت، خواچکين، تازه‌آباد خواچکين، بلسکله

۲.فرشکي دهستان: أ دهستان ۷ ته رۊستا دٚره ؤ اۊنˇ مرکز فرشکي رۊستا ايسه.

    • رۊستایان: جیرسر باقرخاله، جیرسر، فرشکي، میانکل، بیجرودکل، لـله‌کا، بیج

خۊمامˇ ديبارگی[دچينواچين]

خۊمامˇ رۊخان سابق پيله‌تر ؤ پۊر آو‌تر بۊ ؤ خۊمام هأ رۊخانˇ کۊمکˇ أمرأ گسکرˇ تاريخي شأر-ه متصل-أ بؤستي ؤ پيله لۊتکایان ؤ پاراخۊتان خۊمامˇ دۊرۊن پهلۊ گيفتید. ۴ ذیقعده ۱۲۷۱ مئن، کي ناصرالدین شاه حکۊمتˇ آخري سالان بۊ، ايته قرارداد بین ايران ؤ شؤروي دٚوٚسته بۊبؤسته کي مربۊط به چأگۊدن ايته کۊچي راشي بۊ ؤ أنزلي ؤ رشت متصل-أ گۊدي ؤ أرابه‌ئن شؤن آمؤن ره طراحي بۊبؤسته بۊ. اۊ زمات رۊسي کارگران ؤ مأمۊرانˇ شؤن آمؤن أ منطقه دۊرۊن ويشتر-ه بؤسته ؤ رۊسان، خۊمام دۊرۊن ايته راهدارخانه چأگۊدد ؤ اۊنˇ نام زاستاو بنأده. أ راهدارخانه بعدان به مدرسه تبديل بۊبؤسته.

خۊمام نهضت جنگل ؤ گیلانˇ شؤرایي جؤمۊري زمات، ايته نظامي شهر بۊ ؤ لشکریان جنگل أيه استراحت گۊديد ؤ جنگأن بسیاري ني أ منطقه دۊرۊن رؤخ بدأ.

خۊمامˇ تارئخˇ مئن، شؤن آمؤنان بسياري جه مختلف شأران ؤ کشوران به خۊمام رخ بدأ کي سبب انتقال ؤ راه پیدا گۊدن جدیدˇ دابان به أ منطقه بۊبؤسته ؤ ابتدا مکتبخانه‌ئان متعدد خۊمامˇ رۊستایان دۊرۊن چأگۊده بۊبۊسته کي تا هفتاد سال پيش دائر بۊ ؤ بعد به مدرسه تبديل بۊبؤسته. خۊمامˇ اوّلي مدرسه، مدرسه اتفاق بۊ کي ۱۳۱۲ˇ سالˇ دۊرۊن دائر بۊبؤسته ؤ کؤران ني أ مدرسه دۊرۊن پسران ورجأ تحصيل گۊديد ؤ به‌دليل فرهنگ بۊجؤري کي خۊمامˇ مردۊم دأشتيد خۊشان کؤران ني به مدرسه روانه گۊديد ؤ اۊشانˇ تحصيل أمرأ رئکانˇ ورجأ هئچ مخالفتي نۊبؤسته. حۊدۊد ۱۰۰ دانش آمۊز أ مدرسه مئن تحصيل گۊديد.

۱۳۲۳ سالˇ دۊرۊن مدرسهٔ اتفاق به نام دبستان مؤلوی در دؤ نؤبت صبح و عصر پسران ره به خۊ کار ادامه بدأ ؤ به صۊرت مدرسه‌ای ۶ کلاسه دربامؤ. ايته دبستان ني کؤران ره به نام مهستی زماتي کي آقای فریدۊن فرحبد خۊمامˇ اداره فرهنگ رئيس بۊ تأسیس بۊبۊسته کي بعد انقلاب اۊنˇ نام به «شهید صادقی» تغيير بۊکۊده ؤ أ رۊزان دۊ ته نوبت دۊرۊن با حۊدۊد ۴۰۰ ته علم آمۊج فعالیت کۊنه.[۶]

دئني جيگایان[دچينواچين]

دهنه‌سرˇ داري آلاچيق
ردیف نام مکان نوع مکان توضیح
۱ دهنه‌سرˇ سل طبيعي دهنه‌سرˇ سل متصل به أنزلي سل ايسه. أ سل پۊر جه لي زار ؤ سلˇ باقلا ایسه ؤ لۊتکا سواري، شیکار ؤ ماهي‌ گيتن جه أ سلˇ رائج تفريحان ايسه. زمسسان‌‌ئان دۊرۊن هزاران دریایی پرزن مخصۊصا کالگان به أ محل مۊهاجرت کۊنيدي. انواع ماهیان ؤ گیاهان أ سلˇ مئن نهأده.[۷]
۲ جفرۊدبالا تفريحي ساحل طبيعي - تفريحي جفرۊدبالا پلاژ ۱٫۵ کیلومتر طۊلˇ أمرأ، خۊمامˇ ساحلي نوار ايسه کي أنزلي تجاري منطقه مجاور قرار دأره.
۳ چؤکامˇ تاريخي عمارت تاريخي أ عمارت چؤکامˇ رۊستا مرکزˇ مئن واقع بۊبؤسته. مجموعه متعلق به ناصرالملک، نایب السلطنهٔ احمدشاه قاجار بۊ کي أ عمارت-ه به خۊ زای حسین علی خان قراگوزلو به ارث بنأ. أ مکان اۊنˇ تفريحگاه مختلف فصۊلˇ مئن بۊ. عمارت قدیمی باغ، قاجار و پهلوی دؤره أثران جه ايسه. اۊنˇ بنا در دۊ ته طبقه چاکۊده بۊبؤسته ؤ اۊنˇ ایوان مزین به چۊبي ستۊن‌ئان، سرستۊن‌‌ئان و نرده‌‌ئان ايسه.
۴ دهنه‌سرˇ داري آلاچيق تفريحي آلاچیقان کي پيله دارانˇ سر چأگۊده بۊبؤستد ؤ شیجانˇ دهنه‌سرˇ سل (مۊرداب) نزديک چأگۊده بۊبۊسته ايته جه خۊمامˇ دئني جيگایان ايسه.
۵ دکتر چمسازˇ تنديس دئني ايته سنگي مجسمه‌ جه دۊکتۊر کهن‌سال و خیّر خؤمام کي با کمک به بیماران و مستمندان، تبدیل به اسطوره اخلاق و انسانیت خۊمام و گیلانˇ دۊرۊن بۊبۊسته، ايته سکۊ رۊ خیابان تختي خۊمامˇ وۊرۊدی مئن مقابل منزل دۊکتۊر چأگۊده بۊبؤسته کي عۊمۊم ره قابل بازدید ایسه.
۶ امامزاده حسن (ع) مسجد ؤ بۊقا زيارتي - تاريخي أ بۊقا خۊمامˇ شأرˇ مئن واقع بۊبۊسته ؤ أتؤ کي مردۊم گده ؤ مطابق شجره نامه مؤجۊد بامؤ آقا سید حسن جه امام موسی کاظمˇ رئکان ايسه. أ بۊقا قديمي بنا تخریب بۊبؤسته ؤ اۊنˇ جا ساختمان جدید و مجللی چأگۊده بۊبۊسته. أ ساختمان شامل بقعه و شأر پيله مسجد در ۲ طبقه ايسه.

خۊمامˇ معرۊف فۊتبالیستان[دچينواچين]

سیامک عاشۊری (ملوان - استقلال رشت - سپاهان - پیکان)

مرتضی ابراهیمی (استقلال رشت - پگاه گیلان - استقلال تهران - مس کرمان - سایپا - داماش گیلان)

رسول میرطرقی (ملوان - استقلال اهواز - پگاه - مس کرمان - نفت آبادان - شهرداری اراک)

علی عشوری زاد (ملوان - پگاه - سایپا - استیل آذین - داماش)

هادی سهرابی (پگاه - داماش - مس کرمان)

محسن فروزان (پگاه - ملوان - گسترش فولاد تبریز - تراکتورسازی - گسترش فولاد تبریز - استقلال تهران - سیاه جامگان مشهد - راه‌آهن تهران - تراکتورسازی)

مهدی رحیم زاده (ملوان - گسترش فولاد - داماش)

احسان عبدی (ملوان - نساجی مازندران - آلومینیوم هرمزگان - نفت مسجدسلیمان - مس کرمان - صنعت نفت آبادان)

محمدهادی یعقوبی «حسام» (ملوان - گهردورود - ملوان - پیکان تهران)

محمد دادرسی (داماش گیلان - سپیدرود رشت)

سیدهادی موسوی (شیرین فراز کرمانشاه - سپیدرود رشت - چوکا)

افشین عشوری زاد (سپیدرود رشت)

مجید فارسی خمامی (نساجی قائمشهر)

وحید رفاهتی (ملوان بندرانزلی)

حافظ یعقوبی (داماش گیلان)

سامان حقگو (پگاه گیلان - سپاهان اصفهان - شهرداری هشتگرد - ملوان بندرکیاشهر)

سامان رفیعی (سپیدرود رشت)

  • خۊمام بانوان فۊتبالیست

سارا قمی مرزدشتی خانم سارا قمی ايتأ جه بانوان ميلّي‌پۊش خۊمامي ايسه کي تيم بانوان ملوان بندرانزلی دۊرۊن پنج دؤره به عنوان گلزن اوّل لیگ برتر بانوان مئن شناخته بۊبۊسته. سارا قمی هسأ تیم بانوان شهرداري بم دۊرۊن بازي کۊنه.

جۊر وا جۊر[دچينواچين]

خومام شهرداری


خۊمام نۊسۊج صۊندؤق چاکۊدن مئن رتبه اوّلأ جي اۊستان و به گفته عۊموۊم مردۊم، كل كشور مئن دأره.

سربس[دچينواچين]

  1. khomam-news.ir/1717/خمام/یخ دربهشت-خمام، از-عوامل-جذب-مسافر-و-توریست|عنوان =گزارش|ناشر =خمام نیوز|تاریخ بازدید = ۲۵ ژوییه ۲۰۱۵|تاریخ = ۲خرداد ۱۳۹۲}}
  2. http://www.sko.ir/Sarshomari1390/Shahrhaye_IRAN.xls%7Cعنوان=نتایج سرشماری سال ۱۳۹۰ | ناشر =معاونت برنامه‌ریزی استانداری خراسان جنوبی (به نقل از مرکز آمار ایران) |تاریخ =۱۹ اردیبهشت ۱۳۹۲ |تاریخ بازبینی=۱۹ اردیبهشت ۱۳۹۲}}
  3. درگاه ملی آمار ۱۳۹۰
  4. khoobankhabar.ir/جمعیت-بخش-خمام-تا-پایان-سال-94-به-بیش-از-81-ه-|عنوان = خبرها|ناشر =خوبان خبر|تاریخ بازدید = ۱۶ فوریه ۲۰۱۶|تاریخ = ۱۰ دی ۱۳۹۳}}
  5. khomam-news.ir/wiki/2-خمام-درباره|عنوان = مصاحبه ها|ناشر =خمام نیوز|تاریخ بازدید = ۲۴ ژوییه ۲۰۱۵|تاریخ = ۱۲ مرداد ۱۳۹۲
  6. khomam-news.ir/wiki/تاریخچه ی-خمام/درباره-خمام-2|عنوان = مصاحبه ها|ناشر =خمام نیوز|تاریخ بازدید = ۲۴ ژوییه ۲۰۱۵|تاریخ = ۱۲ مرداد ۱۳۹۲}}
  7. سازمان منطقه آزاد تجاري-صنعتي بندر انزلي