پره سر
پَره‌سَر ايتأ جه گیلان شهران شهرستان رزوندي دۊرۊن ايسه. پره‌سر سال ۱۳۴۱ ه.ش مئن شهر بۊبۊسته و سال ۱۳۷۶ به مرکزیت بخش پره‌سر در بامۊ.[۱] اۊنه جمعیت طبق سرشماری سال ۱۳۹۰، ۷۸۲۶ نفر ايسه.[۲]
أ شهر ویشترين دما تابستان مئن °۳۴، و کمترين دما زمستان مئن °۳-، و اۊنه سالانه وارش میانگین ۱۴۴۰٫۶ میلی‌متر ايسه کي هواشناسي پیلمبرا ايسگا دۊرۊن اندازه بيگيفه بۊبۊسته.[۳] پیلمبرا اول ایسگای اقلیم‌شناسی استان گیلان دۊرن ايسه کي سال ۱۳۴۷ دۊرۊن چاکۊده بۊبۊسته.[۴]
پره‌سر جمعیتي نمۊدار
أ شهر جه لحاظ تاريخي پۊر دئباره ايسه و ويشتر مردۊم جه اقوام تالش و گيلک ايسيد و زوانان تالشي و گيلکي رائج ايسه.[۵]
أ شهر ايسم جه دۊته ترکیب (پره= ماهي گيفتن محل) و (سر= مکاني پسوند) تشکیل بۊبۊسته.
البته ايتأ ده نظريه هم وجۊد دأره و گيدي کي پره تالشي زوان دۊرۊن معني دامنه دهه و پره‌سر یعني شهري کي کۊه دامنه ورجه بنا بۊبۊسته و با توجه به أ مؤضؤع کي جه لحاظ جغرافيايي هم أ شهر کۊه ورجه قرار دأره تانه أ نظريه هم دۊرۊست ببه. أ شهر اي زماتم تالش دۊلاب نام دشتي کي ايتأ جه پنج تا قسمتان تالش بۊ.
رۊستا نؤکنده پره‌سر دۊرۊن هم ايتأ نيرۊگاه سيکل ترکيبي مشغۊل به فعالیت ايسه و نيرۊگاه برق‌آبي ارده هم رۊستاي ارده پره سر دۊرۊن وجۊد دأره.[۶][۷]
سربس[دچينواچين]
- ↑ تقسیمات سیاسی ایران
- ↑ قالب:یادکرد وب
- ↑ استان‌شناسی گیلان
- ↑ اداره کل هواشناسی استان گیلان
- ↑ Gernot L. Windfuhr- Central Dialects in Encyclopædia Iranica گویشهای مرکزی ایران- گ.ل. ویندفهر- دانشنامه ایرانیا http://www.iranicaonline.org/newsite/index.isc?Article=http://www.iranicaonline.org/newsite/articles/unicode/v5f3/v5f3a001.html
- ↑ وزارت نیرو - گروه مپنا - نیروگاه پره سر
- ↑ شرکت توسعه منابع آب و نیروی ایران - نیروگاه ارده