سوسن تسلیمی
تئاتر و سينما نابغه، يه‌ته معروف بازيگر، منيره و خسرو تسليمی دتر. بهمن 1328 هجری شمسی رشت مئن به دونيا بومو. اين ِ پئر و مار نی تئاتر مئن کار گودن.
سوسن تسليمی، هچين پنج ته فيلم ايران ِ مئن بازی بئوده کی هی‌ته مجوز هنگيته. امّا هی پنج‌تا فيلم وس بو کی اين ِ اسم ايران ِ سينما تاريخ ِ مئن، ثبتا بی.
هسا، سوئد مئن، کارگردانی کونه و انستيتو فيلم سوئد هيأت موديره مئن عوضو ايسه.
سوسن تسليمی خو اولين نمايشنامهٰ، يازده ساله‌گی مئن بازی بئوده، «عدل امين» ِ دبستان مئن. ای نمايشنامه مئن، اون ابوموسلم خوراسانی نقشه بازی گود!
Susan Taslimi
سال 1348 هجری شمسی، طبيعی ديپلوم هگيته. هو سال نی تهران «هنرهای زيبا دانشکده»، تئاتر رشته مئن قبولا بو و خو تحصيله سراگيته.
انقلاب پسی، اين ِ اولين فيلم توقيف بوبؤ. اين ِ دومين فيلمأ نی هيتو! «تئاتر شهر» ِ جی اخراجا بؤ. اين ِ سوّمی فيلم کی بهرام بيضايی امره بو، باشو غريبه کوچک بو کی اونم اوّل توقيفا بؤ.
وختی بيضايی خاست «شايد وقتی ديگر» فيلمه چاکونی، سوسن تسليمی بازی امره موخالفت بوبؤ و کولّی جان‌کنش ِ پسی، اين ِ بازی امره موافقت بئودن.
ولی اون‌قدر اين ِ پا جولو سنگ تودأن و اين ِ ره موشکلات و موانع به وجود بأردن کی ناچارا بو کی ايران ِ جی بشی.
بوشؤ سوئد و بلأخره سال 1991 ميلادی، بتؤنسه «مده‌آ» نمايشنامهٰ ببری صحنه سر. خودش کارگردانی بئوده و خودش بازی بئوده. چون هی‌کسه نداشت کی اون ِ موقابل ِ نقشؤنه بازی بکونی، همه‌ته نقشؤنه خودش، ماسک ِ امره بازی بئوده! اين ِ کار، سوئد مئن پيشرفت بئوده و هسا، سوئد مئن، خو هونره پيش برده دره. گرچه ايران يه‌ته خو خوروم هونرمنده دس جی بدأ، امّا سوسن تسليمی نااميدأ نوبؤ و خو هونره سوئد مئن نی نشان بدأ و پيشرفت بئوده.
سوسن تسليمی، ای سالؤن، سوئد ِ فرهنگ و هونرِ وزيرِ موشاور ايسه و سال 2002 مئن نی، «شخصيت مومتاز فرهنگی» جايزهٰ هگيته.
راجه به سوسن تسليمی به فارسی
Susan Taslimi
