Wikipedia:قأوه دیکؤن/گیلکی نویسی/گیلکی نیویسی دابدستۊر

Wikipedia جي
پرش به ناوبری پرش به جستجو

ویکیپدیا مئن هو رسم‌الخطیه کاراکشنیم کی گیله‌وا مجله مئن بنویشته بنه. ای رسم‌الخط دابدستوره ائره جی بینین.

ورگ (بحث) ‏۸ مهٔ ۲۰۱۵، ساعت ۱۱:۵۷ (UTC)


چنته زاکون، نویشتن‌ئبه[دچينواچين]

وچأن أمی ور (سیاهکلرود مئنه گونم) ایته (بون تر بنویشته نئه) کلماته جمع دبسنیم، مفعولی کونیم ؤ فشرده چانیم.
خأسم بودؤنم ایشانه گیله وا رسم الخط همرأ چور شأنه نویشتن؟! مه چی! چند تأ شئه دؤنم ولی همأ نودؤنم. ممنون
جمع دبسئن
1. کلماتی که به (ه) ختم بونن، جمع دبسئن ره ( ه ) وئیرنیم ؤ ( أن ) گلأدنیم
وچه » وچأن
2. کلماتی که به ( ی ) ختم بونن، جمع دبسئن ره ( ی ) وئیرنیم ؤ ( ئن ) گلأدنیم
چابکسری » چابکسرئن
3. کلماتی که به ( أ ، الف ) ختم بونن، جمع دبسئن ره ( أ ، الف ) وئیرنیم ؤ ( أن ) گلأدنیم
وشنأ » وشنأن
4. کلماتی که به ( و ) ختم بونن، جمع دبسئن ره ( و ) وئیرنیم ؤ ( ؤن ) گلأدنیم
لاکو » لاکؤن
5. دئباخی موارد جمع دبسئن ره ( ان ) جی کارأکشنیم
دار » داران
مفعولی گوتن
1. کلماتی که به ( ه ) ختم بونن، مفعولی گوتن ره (ه) وئیرنیم ؤ ( أ ) گلأدنیم
وچه » وچأ (پسر را / به پسر)
2. کلماتی که به ( ی ) ختم بونن، مفعولی گوتن ره (ی) وئیرنیم ؤ ( ئه ) گلأدنیم
کی » کئه (کی رو / به کی)
3. کلماتی که به ( أ ، الف ) ختم بونن، مفعولی گوتن ره نیاز به چیزی ندأرن
سینا » سینا (سینا رو / به سینا)
4. کلماتی که به ( و ) ختم بونن، مفعولی گوتن ره (و) وئیرنیم ؤ ( ؤ ) گلأدنیم
لاکو » لاکؤ (دختر را / به دختر)
دئباخی موارده مفعولی گوتن ره ( ه ) گلأدنیم
اون » اونه (او را / به او)
فشرده چاتن
1. کلماتی که به ( ه ) ختم بونن وچه موسؤن (=پسر) فشرده چاتن ره ( ه ) وئیرنیم ؤ دأریم
اول شخص مفرد ره ( أم ) گلأکنه » وچأم : وچه هیسم
دوم شخص مفرد ره ( أی ) گلأکنه » وچأی : وچه هیسی
سوم شخص مفرد ره ( ئه ) گلأکنه » وچئه : وچه هیسه
اول شخص جمع ره ( أیم ) گلأکنه » وچأیم : وچه هیسیم
دوم شخص جمع ره ( أین ) گلأکنه » وچأین : وچه هیسین
سوم شخص جمع ره ( أن ) گلأکنه » وچأن : وچه هیسن
2. کلماتی که به ( ی ) ختم بونن شی موسؤن (=اهل) فشرده چاتن ره ( ی ) وئیرنیم ؤ دأریم
اول شخص مفرد ره ( ئم ) گلأکنه » شئم : شی هیسم
دوم شخص مفرد ره ( ئی ) گلأکنه » شئی : شی هیسی
سوم شخص مفرد ره ( ئه ) گلأکنه » شئه : شی هیسه
اول شخص جمع ره ( ئیم ) گلأکنه » شئیم : شی هیسیم
دوم شخص جمع ره ( ئین ) گلأکنه » شئین : شی هیسین
سوم شخص جمع ره ( ئن ) گلأکنه » شئن : شی هیسن
3. کلماتی که به ( أ ) ختم بونن وشنأ موسؤن (=گرسنه) فشرده چاتن ره ( أ ) وئیرنیم ؤ دأریم
اول شخص مفرد ره ( أم ) گلأکنه » وشنأم : وشنأ هیسم
دوم شخص مفرد ره ( أی ) گلأکنه » وشنأی : وشنأ هیسی
سوم شخص مفرد ره ( ئه ) گلأکنه » وشنئه : وشنأ هیسه
اول شخص جمع ره ( أیم ) گلأکنه » وشنأیم : وشنأ هیسیم
دوم شخص جمع ره ( أین ) گلأکنه » وشنأین : وشنأ هیسین
سوم شخص جمع ره ( أن ) گلأکنه » وشنأن : وشنأ هیسن
4. دئباخی کلمات ره دأریم
اول شخص مفرد ره ( م ) گلأکنه » خوبم : خوب هیسم
دوم شخص مفرد ره ( ی ) گلأکنه » خوبی : خوب هیسی
سوم شخص مفرد ره ( ه ) گلأکنه » خوبه : خوب هیسه
اول شخص جمع ره ( یم ) گلأکنه » خوبیم : خوب هیسیم
دوم شخص جمع ره ( ین ) گلأکنه » خوبین : خوب هیسین
سوم شخص جمع ره ( ن ) گلأکنه » خوبن : خوب هیسن
5. کلماتی که به ( و ) ختم بوننه دقیق نودؤنم چور فشرده وکنن، پس فعلا فشرده چانؤنیم.
لاکو هیسه » لاکو هیسه
بخساد 14 مه 2015، ساعت 03:45 (IRN)
هوتؤ تی شومارهٰ‌نˇ سر آؤجادئنم:
جمع دوستن
  1. أمنم لاجؤنˇ مئن هیتؤ دأنیم. اینˇ وأسی کی کلمه صورت عوضأنبون، ای جور کلمهٰ‌نه ایتؤ جمع دودنیم: وچه+ ٰ +نیم‌فاصله+ن=وچهٰ‌ن. (می کیبوردˇ مئن shift+v « ٰ» نویسنه. تی شئه ندؤنم. ایسه او کیبوردˇ گیلکی کار کی تمنأبون دئه أمی موشکل حل بنه.
  2. اینم أمه لاجؤنˇ مئن دأنیم. اینم ایتؤ کؤنیم (مثلن چابوکسری): چابوکسری+نیم‌فاصله+ئن=چابوکسری‌ئن. البته هیتؤ چابوکسریئن نی بنویسی دوروسه.
  3. مثلن پا. بنه: پا+ ٰ +ن=پاٰن.
  4. هوتؤ کی بنویشتی دوروسه.
  5. اونم بسته به اینکه «ؤن» یا «ان»ˇ همره جمع دودنین، هوتؤ بنویس جؤن.
مفعولی گودن
  1. اینم هنده چون قراره کلمه سرˇشکل عوضأنبون ؤ خؤندنکس قاطی نکونه، وچه+ ٰ=وچهٰ. خؤنه+ ٰ=خؤنهٰ.
  2. هوتؤ کی بنویشتی دوروسه.
  3. اینم هوتؤ.
  4. اینم هوتؤ.
دخشاردن
  1. خأ ایتؤ نویشتن: وچهٰ‌م. وچهٰ‌ی. وچئه (وچه‌ره:وچه‌که). وچهٰ‌یم. وچهٰ‌ین. وچهٰ‌ن.
  2. هوتؤره کی بنویشتی.
  3. هوتؤره کی بنویشتی.
  4. هوتؤ.
  5. لاکؤم، لاکؤی، لاکؤ، لاکؤیم، لاکؤین، لاکؤن.
ورگ (بحث) ‏۱۴ مهٔ ۲۰۱۵، ساعت ۰۸:۱۹ (UTC)
ممنون
أمی ور «چاتم=درست کردم» هیسه ولی «چاتأم=درست کرده ام» و یا «بؤتم=گفتم» / «بؤتأم=گفته ام»
ایشانه چوته شأنه نویشتن؟!
بؤتم » بؤتأم
بؤتی » بؤتأی
بؤگوت » بؤتئه
بؤتیم » بؤتأیم
بؤتین » بؤتأین
بؤتن » بؤتأن
بخساد 14 مه 2015، ساعت 15:00 (IRN)
آقا شرمنده؛ این ده می تومؤناکونه
حتما خأن (UTC) همرأ ساعت زأن؟ اگر آها، کویه جی شأنه فأمسئن الان (UTC) ساعت چنده؟
بخساد 14 مه 2015، ساعت 15:28 (IRN)
هوتؤ کی بنویشتی خؤبه بخساد جؤن. البته مو یکته سؤال دأنم. تو نویسنی بؤتم (گفتم) بازین یکجا نی نویسنی بؤتم (کردم). ایشؤن یک جور واگویه بنن؟ چون مو همیشک همه جا بشتؤسه‌بوم کی گونن بودم یا بؤدم.
راجه به ساعتم، تو نزئنی. خودش خودکار زئنه. تو خالی لازمه وختی تی پیغؤمه بنویشتی، اونˇ جیر چار بار تترج ~ بنی. ایتؤ: ~~~~
خودش هم تی نؤم ؤ هم تاریخ ؤ هم ساعته نویسنه.
ورگ (بحث) ‏۱۵ مهٔ ۲۰۱۵، ساعت ۰۷:۲۷ (UTC)
اویندر که آمو زندگی دریم ایشان یکجور ادا بونن. مو همه جا بؤشؤ ندأرم ولی کلأچئه مئنم گونن بؤتم(کردم).
به ایشتؤوسن نیه حتما خأن او شخص جی بخای که تره ره او کلمأ بیشکافه. مو خؤره تا چند ماه پیش فکر گوتم شبکه باران مئن استء گونن «هیسه» (در واقع اسأ فکرشو نؤتم که حداقل ای مورد سر أمی گویش همرأ تفاوت بدأره) ولی وختی کاغوذ سر بنویشته بؤبؤ «ایسه» تازه بفأمسم که تفاوت نئه.
خلاصه کلا أمی ور ویشتر «ت» هورن تا «د».
مثلا » دکتن / وکتن / چاتن / دؤتن (پوشیدن،ریختن) / گوتن(کردن،گفتن) / گیتن / فوتن / گِنتن / ...
«د» ره دأریم » شؤندن / هوردن / شوردن / ...
Baxsad (بحث) ‏۱۵ مهٔ ۲۰۱۵، ساعت ۱۱:۲۶ (UTC)

رسم الخط[دچينواچين]

ورگ جؤن تی رسم الخط مین جدید وا بینویسیم ایسلام یا یسلام (اسلام)- ایران یا یران (ایران)

چره ۀ شوا واسی خوب نیه؟

رۀشت

کۀلۀ

زیویشۀر

چره ع ره حذف نوکونیم دورسسته که باخی زوانؤن گیلکی مئن پور تأثیر ببنن مثلن (ظ ، ذ ، ص و ...) ولی ع ایته صدایه که کلا گیلکی مئن نیه فرق ع اوشون امره این مین ایسهه کی این چندشکله ولی او حرفؤن گیلکی مئن نأی ولی این کلا ایته صدایه کی تونیم امی دکشه حرفؤن امره اون جایه پور بوکونیم . مثلن ( معنی = مأنی - بعضی = بأضی - اعتراض = ئتراض - امتناع = ئمتنا) --شیخ (بحث) ‏۲۴ مهٔ ۲۰۱۵، ساعت ۱۰:۲۶ (UTC)


فوورشانئن (ضیابر) یا فووسَسَن بونه (از هم پاشیدن و متلاشی شدن کوکو یا ماهی هنگام سرخ کردن) ای واژه کم کمی دئه خو کاربرد از دس دأدره تونیم اولی مأنیه بیرون هکشیم ( از هم پاشیدن - متلاشی شدن) ؟؟!!

دومی این کی گیلکی دئه نیاز پیدا کأره کی سرواژه سازی بوکونه.

(BBC)

(DNA)

(جَهَک : جریان همخوانی کتاب)

ولی اونه واگویه وا چو ببؤن مثلن ( کمونیست کارگرؤن حئزب):

کˇکˇحˇ

کۀکۀحۀ

کأکأح

کی‌کی‌حی

کؤ کؤ حؤ

کوکوح

کوکوحو

کاکاحا

؟؟

--شیخ (بحث) ‏۲۴ مهٔ ۲۰۱۵، ساعت ۱۰:۴۱ (UTC)


شیخ
هو ایران خأ نویشتن. چون دئه افراد ذهن عادت بوده. مشکلی‌م ایجاد نکؤنه. الف اول کلمه بخؤنده نبنه. مگر اینکه در کل باعث ببون یک جور دیگه واگویه ببون.
ۀ شوا وأسی خوب ایسه یا نأ مو ندؤنم. اما شوا أگه گیلکی نویشتن مئن نشؤن بدأ ببون کل أمی کلمات دفرمه بنن. چون ۹۰درصد حرفؤن مئن شؤا دأنیم. هین ولسی بنا به سنتی که دأنیم هر دو ته حرف مئن أگه أ/ئ/ؤ ننأبون، ۹۰درصد با شؤا بخؤنده بنه ؤ خالی ۱۰درصد با ساکن.
ع یا ای جور حرفؤنه نشأنه یک شبه حذف گودن. کاش قبل از ای مباحث بشی انی تاریخ خطه گیلکی مئن مطالعه بکونی. مثلن بشی نشریهٔ «دامؤن» کی سال ۵۷ تا ۶۰ منتشر بنأبو بخؤنی ؤ اوشؤن بحثؤنه راجه به خط بینی. یا گیله‌وا بحثؤنه کی سال ۷۱ تا ۷۳ مطرح ببؤبو. ای گبؤن امروز ؤ دیروز شی نیه. أمنم منیم هیتؤ کتره‌یی هرچئه حذف بکونیم. خیلی همت بکونیم چن ته پیشنهاد بدیم که اونم گمؤن نکونم هی کس عمل بکونه. هوتؤ کی بوتم همه میل عجیبی دأنن که خوشؤن‌ئبه خط شخصی بدأرن!
یعنی چی سرواژه‌سازی؟! هر ملتي ؤ هر زوانی أگه یکچی بدأره که لازم ببون اونه مؤختصر بکونه، تي قؤلی سرواژه چاکؤنه. او سرواژه ني بنه هو زوان شی و باخی مردوم هونه گونن. بی.بی.سی اینگیلیسي جي بمأ. ناواله أمی الفبا مئن «بی» یا «سی» ندأشتیم. پ.ک.ک ني هيتؤ. سی.آی.ئی ني هيتؤ. الؤن أمه کو عبارت ئبه نیاز دأنیم سرواژه چاکونیم؟ هرجا لازم بو چاگوده بنه. الفبا نی دأنیم. مثلن عبارت «مرکز ایده‌پراکنی نالازم مانی معصومی». گیلکی مئن خأ ایتؤ سرواژه چاگودن این‌ئبه: م.ا.ن.م.م. چوتؤ خأ اینه واگویه گودن؟ ایتؤ: میم.ألیف.نون.میم.میم. یا: مانمم.
ورگ (بحث) ‏۳۰ مهٔ ۲۰۱۵، ساعت ۱۲:۳۴ (UTC)


أمه نهاىي تصميم[دچينواچين]

بلأخره گيلکي کيليدتأخته ؤ خط آماده بۊبؤ. همته زأکؤنˇ جي خأنم کي تا تينن اي خطˇ جي بنويسن تا بۊتؤنيم أمي کاره ىکدس چاکۊنيم.

ورگ (بحث) ‏۱۱ اوت ۲۰۱۵، ساعت ۱۳:۱۰ (UTC)


رسم الخط ویکی پدیا گیلکی بر اساس گیله وا بو که بعد از اینکه ورگ خو خطه پیشنهاد بدا بدون نظرسنجی ای خطه معیار بنا! و ایجور که معلومه بعضی زاکان دلخورابون.حالا مو مدیر جی خوانم یکته نظر سنجی بین (خط ورگ و گیله وا ) بنه تا حداقل کاربران انتخاب بکونن! مهم نیه کی معیار بونه مهم اینه به نظر جمع بی اعتنایی نبو! ای نظر سنجی مین مزایا و معایبه دو خطه مطرح بکونن و به مدت زمان مشخص هرکی رای بیشتری بارده برنده بونه!-شیخ (بحث) ‏۲۲ اوت ۲۰۱۵، ساعت ۰۸:۳۶ (UTC)

جغله'ن، (دامؤن، شىخ، امين، بخساد) شمه مؤافقين که ويکي مئن هي خطه کاراکشيم که در واقع گيلوا خطه با چنته اصلاح ؤ ائره معرفي بۊبؤ؟
شمه فکر کؤنين خأ ىکته ولگ اختصاص بديم اي کيبؤرد ىا خطه؟ ىا دستۊرالعملي که تازه کارگيرؤنه بۊگؤ چۊتؤ خأ نيويشتن؟
ائره بحث بۊکۊنيم.
ورگ (بحث) ‏۳۱ اوت ۲۰۱۵، ساعت ۱۰:۳۶ (UTC)
مي ور بئسي ىکجۊر نويشتن خىلي تۊنه گيلکئه ياوري بؤنه. مۊ آها مؤافقم! مۊ خؤره خۊ هخسا کۊنم هۊجۊر گه ورگ خۊ وبسايتˇ مئن بؤتئه (علي-رقم اينکه خؤره خۊ ور فکر کۊنم ورگˇ پيشنهادي اسلۊب جا دأشت هنده بهترابۊ مخصۊصن مفعۊلي حالتˇ سر و دئباخي جا'ن) پيش بۊشۊم البته اگر اي خطئه شيمي مئنأ تصويب وکئه يأ! اسأ ايته بؤگؤم بهتره! مهم ىکي بؤؤنه هرچي شيمي مئنأ تصويب وکئه آمۊ هۊنˇ همرأ دشتأکنيم ؛)
اينکه زۊرازۊري تازه کارگيرأکانه بؤگيم حتمن خأ ايته نويشتن! خۊجير نيه. شأنه اۊشانکانه پيشنهاد دأن که آقا ىه چنين خطي نئه با ىه چنين مشخصاتي؛
صددرصد خأ ىته ولگ اي کيبؤردˇ ره اختصاص دأن ؤ اونˇ مئن حالتان (اعم از شيوه جمع دبسئن، مفعولي گۊتن، دشاردن و ...) همه' تشريح گۊتن واسه هر گۊيشي (اعم از رشتي ؤ لاهيجاني ؤ رامسري ؤ ...).
مۊ دئبار ىه جاىي بؤته-بؤم اي بۊجؤر "مذاکره-کننده" ره بيىيم "چکن-کشي"ˇ جي استفاده بؤنيم که طرف بؤگۊت نأ! چکن-کش بار منفي دأره!
ايتفأ گۊنم آقا اي بۊجؤر بيىيم "بحث گۊتن"ˇ ره "چکن کشئن"ˇ جي استفاده بؤنيم! آخه بحث گۊتن ني ىجوراىي بار منفي دأره؛ منفي در منفي! مثبت
ائره بحث بۊکۊنيم = ايرأ چکن بکشيم :)
بخساد (بحث) ‏۳۱ اوت ۲۰۱۵، ساعت ۲۳:۳۷ (UTC)


مۊ ورگˇ خطˇ همرأ مؤافقم ولي هۊجۊر گه سۊهئل بؤگۊت ايجبار خۊب نيه. شأنه نمنمه اعضاىه قاىنا بؤنيم (دامؤن)


خؤ پس شمه مؤافقين. ايسه چي بۊکۊنيم؟ ىکته ولگ چاکۊنيم ؤ اؤره همه چئه تؤضيح بديم؟ مي نظر اينه همه چئه ببريم ویکی‌پدیا:گيلکي نيويشتن مئن جمأکۊنيم. ىک جۊر سربس بۊبۊن که هرکي هأنه بۊشۊن اؤره همه چئه بۊخؤنه.
منم مؤافقم که نخأ اجبار بدأريم. اينکه خؤدمؤن اي خطره کاراگيريم کفاىت کؤنه. باور بۊکۊنين، اي هألنگ، ىکته پيلئه هألنگه گيلکي به.
ورگ (بحث) ‏۱ سپتامبر ۲۰۱۵، ساعت ۱۳:۱۷ (UTC)


چانيم
عالي! جمعأنيم
کار خاصي اگر أمي جي برهنه بؤگۊ انجأم بديم
بخساد (بحث) ‏۱ سپتامبر ۲۰۱۵، ساعت ۱۹:۵۶ (UTC)
اللهم صل علی محمد و آل محمد!
D:
خؤ پس ویکی‌پدیا:گيلکي نيويشتن مئن ىکته رانماىˇ جامع خأ چاکۊنيم. اينه مۊ پى گينم. شمه شيمئه پؤرؤژه'ن ؤ اۊ وانيويسؤني که گردن بىتين فعلاً پيش ببرين. خۊشبختانه نيما ني داماشˇ وانيويسˇ سر بؤلدؤزري کار کأدره. غربˇ گيلؤن ضعف دأشتيم که خۊشبختانه نيما بمأ. مأمد نويدي ني بمأ ولي فعلاً هيتؤ خۊشئبه ويکيپديا مئن گردˇگيج خؤرده دره فعلاً ني گۊمأبؤ مألۊم نئه از کؤره سر در بأره! D:
ورگ (بحث) ‏۱ سپتامبر ۲۰۱۵، ساعت ۲۳:۴۹ (UTC)


مۊ سرآخر نفهمسم چيکار کأدرين! --شیخ ‏۲ سپتامبر ۲۰۱۵، ساعت ۱۳:۵۸ (UTC)
شىخ؛ هيچي دئه. قرار بۊبؤ أمه هي أمئه پيشنهادي خطأ جي بنويسيم ولي اينه اجراري نۊکۊنيم. ىعني هرکي تازه بمأ ويکيپديا مئن اينه بۊگؤىم که ايتؤ-ايتؤره ؤ بئتره تۊنم هي خطأ جي بنويسي.
اينم قرار بۊبؤ که ویکی‌پدیا:گيلکي نيويشتن مئن راجه به اي خط ؤ نيويشتنˇ داب ؤ دستۊر رانما چاکۊنيم.
ورگ (بحث) ‏۳ سپتامبر ۲۰۱۵، ساعت ۱۰:۱۵ (UTC)