قالبˇ گب:جرگه'ن ۲

اي ىکته گبˇ ولگه راجه به صفحهٔ قالب جرگه'ن ۲.
لؤطف بۊکۊنين گبˇ ولگؤنˇ مئن چار ته کۊچˇ مدˇ همرأ امضا بۊکۊنين (~~~~). شيمئه وؤته، گبˇ سراخر ؤ جير اضافه بۊکۊنين. کيليک بۊکۊنين تا ىکته تازه وابينه سرأگيرين. ويکي نيويسي سرأىتنˇ ئبه رانمايي هأگيرين ؤ هر سؤالي دأنين قأوه ديکؤنˇ مئن واپۊرسين.	أدب ؤ تربيته رعاىت بۊکۊنين خؤرؤم شأروند ببين شخصه فنترکين تازه کارگيرؤنˇ همره تۊندي نۊکۊنين ؤ ايشؤنˇ هوا بدأرين

شىخ؛

مۊ ايشؤنه گيلکيتر چاگۊدم تا اؤره که اي زوانه شناسنم. چن جا هنۊز ايشؤنˇ سر بحثه. نهاىي نئه. تينيم هرته سر تک-تک گب بزنيم. مثلاً:

1. مزقؤن در واقع بنه ساز.
2. ىا ارتباطات مي نظر اينه که بئتره رسانه'ن بۊبۊن امما اۊ طرف هنده ىکته رسانه'ن بنأى.
3. ىا راجه به روانشناسي ىکته ايده دأنم که نۊدؤنم دۊرۊسه ىا نأ.
4. ىا پيلئه کسؤن چره فرهنگ ؤ هۊنرˇ مئن دره؟ تاريخ ىا زيويششناسي ني تينه پيلئه کس بدأره.
5. مسألهٔ ديگه اينه که اي تقسيمبنديه کؤره جي بأردي؟ اينکه آىا هنده شأنه بئتر جرگه چاکۊدن؟

ورگ (بحث) ‏۲ سپتامبر ۲۰۱۵، ساعت ۰۰:۱۷ (UTC)

ورگ

1. هۊ موزيک خۊبه!
2. ارتباطات دوروسته ده!
3. خىلي ممنون از اينکه تي ايده' مطرح بؤدي! :))
4. نه اون مخصوص علم تاريخ يا زيويش شناسي ايسه. افراد که ويکي مين اوشونˇويسين مقاله چاوده بونه پيله کسن ده! فرهنگ و هۊنر مين طبه بندي بۊنن!
5. ويکي فارسي جي! فارسي جرگه'ن

دوته نؤکته!

• ويکي فارسي أيله ترين ويکي آرامي خط ايسه پس امي الگو خا اون ببي نه انگليسي! هي کاره بؤدين اينفوباکس سمتˇراسته ده!
• گيلکي ويکي خا وانويسؤني پيله بکونه که مختص گيلان ايسه. وگرنه امو چه نيازي به مقاله لويي شانزدهم دأنيم وقتي بهتر ناى؟ امو خا هي چي راجه به گيلانه مئاله بنويسيم که مثلا ويکي فارسي آدم بگيري و يکته پرؤژه راه تاوده که گيلکي مقاله'ن ترجؤمه بکونه. مو خأسسم گيلان يک جۊر اي جرگه'نˇمين بارم ولي هيچ جۊر نشاس! تيني اينه جابه جا بکۊني! چره مو گونم اي رده خا اي جرگه'ن مين بوموني؟ چون ويکيؤني که رسميت ندانن يکته کشور مين خا خو منطقه و مقاله'نه بولد بکوني. مثل ويکي کوردي يا آذري!

مۊ گت ولگ / تمرینی مين اؤ جؤر باردم! که فقط اي رده حضور منحصر به فرد بداري! ولي اگه تيني گيلانه يکجور بار هره!

امو خا بازين تمام مقاله'ني که مربوط به گيلانه اين رده' بزنيم و اينه پيلا بکونيم.--شیخ ‏۲ سپتامبر ۲۰۱۵، ساعت ۱۵:۳۲ (UTC)

شىخ؛

1. ارتباطات چي جي ترجمه بۊبؤ؟
2. مي ايده اينه: گيلکي مئن أمه ىکته کلمه دأنيم که هم تن ايسه ؤ هم رۊح ؤ روان: جؤن. روانشناسي در واقع هي جؤن-شناسي ايسه. چۊن جؤن گيلکي مئن اؤره' که تن ؤ روان ىا تن ؤ ذهن ىکي بنن. ولي گمؤن نۊکؤنم دۊرۊس ببۊن اي پيشنهاده عملي بۊکۊنيم. چۊن خئلي مردۊمˇ ذهنيتˇ جي دۊره. روانشناسي ؤ روانکاوي دئه جادکته. خۊدم هنۊز مطمئن نئم.
3. خؤ هرکي که سرشناس ؤ نؤمي ببۊن، بيلأخره ىکته هي جرگه'نˇ مئن فعاليت دأنه دئه. ىا تاريخدؤنه ىا دؤکتؤره ىا سياستمداره ىا نقاشه ىا عکاسه! مگه هي کسه دأنيم که هأي نؤمي ببۊن؟
4. شديداً پيشنهاد کؤنم اينگيليسي ويکيه ملاک بگيري. ىکته نيگا تؤدي بىن خۊشؤنˇ گتˇولگˇ مئن چقد ساده جرگه'نه بنأن. البته بازين خال بزئن به همته جرگه'ن (پؤرتالؤن). تۊ که اي زحمته کشئه دري، بئه مرحمت بۊکۊن خؤرؤم اي اينگيليسئنˇ کردˇکاره فأندر(!) بىن چۊتؤ خۊشؤنˇ مؤحتوا کلاسه بندي ؤ جرگه بندي بۊدن. ماني! آرشيو گۊدن ؤ کلاسه دبستنه أمه خأ اۊشؤنˇ جي بامۊجيم. سراخره شأنه شؤن قالبؤن ؤ اينفؤباکسؤنه فارسي جي هأىتن امما استانداردؤنه اشتباهه أگه اۊشؤنˇ جي هأگيريم.
5. تي دومي نؤکته همره مؤافقم. راسه گۊني. ولي چۊن أمه گيلکيم، گيلان هۊنقد مؤهمه که مازرۊن. خؤدت پى بگير اينه.
6. -شناسي پسونده سيوا ننويس. هي جۊر چيزؤنˇ وأسي گۊنم فارسئه نخأ اؤلگۊ گيتنا! فارسي مئن صد ساله گردˇگيج خؤنن نۊدؤنن سيوا بنويسن ىا دچکنئه. هر بيس يال به سر عوضأبنه ايشؤنˇ نظر. اي سيوانيويسي تبم ده سالˇ شئه. ولي أمه دؤنيم که logy پسونده. -شناسي ني پسونده. خۊ قبلي کلمه همره ىکته تازه کلمه چاکؤنه. تۊىم کلمه مرکب) ولي مؤستقل. پس سيوا ننويس جؤن.

ورگ (بحث) ‏۳ سپتامبر ۲۰۱۵، ساعت ۱۰:۳۱ (UTC)

جرگه'نˇ واسي اينگيليسي ويکيپدىائه ملاک بگيريد. چرخه دۊواره که نوا اختراع بۊکۊنيم!--ما هان (بحث) ‏۴ سپتامبر ۲۰۱۵، ساعت ۱۷:۵۸ (UTC)

مي نظر اينه که اينگيليسي جرگه'ن منطقيتره. اۊشؤنˇ تجرۊبه عمليتر و واقعيتره امما فارسؤنˇ شي ويشتر آکادميک ؤ غىرواقعي ايسه.

أمه تينيم مئنه' بگيريم.

مثلاً:

1. جؤغرافي ؤ جيگه'ن، خۊش ئبه تينه ىکته اصلˇ جرگه بۊبۊن. چۊن هم مؤهمه ؤ هم تا ىک سطح جيرتر شني ىک عالم جيرجرگه دأنيم. تازه جؤغرافي دئه بۊندانش (علم پايه) نبنه ايتؤ. اي چيزؤن أمره تؤدئنه ىکسري بحثؤنˇ مئن که فاىده ندأنه.
2. ىا أمه خأ ىکته جرگه بدأريم "مردۊم ؤ آدمؤن" که اۊنˇ مئن راجه به تمدنˇ اۊ قسمتؤن گب بزنيم که فرهنگ نئن: ليواس، غذا، مؤد ؤ...
3. رياضي خأ بۊبۊن: رياضي ؤ مأنطق (فارسي مئن وختي خأنن رياضي ؤ مأنطق باني رياضي مئن تؤفير بنئن أولئه گۊنن رياضيات!)
4. دين خأ بۊبۊن: دين ؤ باورمندئن.
5. فلسفه بئتره بۊبۊن فلسفه ؤ وير.
6. طبقˇ اۊ پيشنهادي که أمه هأدأىم، داش (-) خالي اؤره هأنه که ىکته کلمه مئن أولي وابين "ه" همره تمنأبنه (جامئه-شناسي مۊسؤن)؛ ىعني اؤره که دچکسن امکان ندأنه داشˇ همره اي کاره کؤنيم. پس ايشؤن خأ دشکسه بنويشته بۊبۊن: بۊندانش، کاردانش، زمينشناسي، زيويششناسي، زوانشناسي، روانشناسي ؤ...
7. سياسي دانشؤن ؤ پيلئه کسؤن ىکته کلمه نئن. دۊ ته کلمه'ن پس خأ سيوا بنويشته بۊبۊن. (وصفي ترکيب ايسن)
8. راجه به ارتباطات سراخر تؤضيح ندأى که چيسه ؤ رسانه'نˇ همره چي فرقي دأنه؟
9. هۊنر چيسه که باخي هۊنرؤنˇ ورجه بمأ؟
10. مجسمه سازي ؤ اجرا هؤنر ؤ... چي بنه؟ ايشؤن شنن هۊنرˇ جير؟

ورگ (بحث) ‏۵ سپتامبر ۲۰۱۵، ساعت ۱۴:۳۶ (UTC)

مۊ الؤن ويکي انگليسي پۊرتالؤنه نگاه کأدرم. اگر بخوايم ابتدايي جرگه'نه چاکۊنيم بۊنه اين خالؤن. اگر بخواىم بسط بديم خيلي طويل و عريض بۊنه و چؤن ويکي گيلکي کوج ايسه اي دوومي مين نگونجنه. اولي مين هم ده جرگه بندي ضعيف و مختصري ايسه. بهتر هو فارسيه با کمي تغيير.--شیخ ‏۵ سپتامبر ۲۰۱۵، ساعت ۱۵:۳۲ (UTC)

ورگ؛

1. بۊن دانش محسوب بۊنن! نبونن؟
2. اون جامعه شناسي مين طبقه بندي بۊنه.
3. منطق یکجور میان رشته ای فلسفه و ریاضی ایسه فکر کؤنم.
4. زيرشاخه دين ايسه ده بره.
5. وير در علوم مختف تقسيم بندي بونه . مثلا جامعهشناسي - سياست - فلسفه و...
6. اوکي
7. اوکي
8. حذفؤدم. چؤن اينه موستقيم فارسي جي ترجمه بودم هينه ويسين گيلکي ويکي ويسين چندته خال زيادي داشت و شانه تکنولوژي مين دسته بندي گودن.
9. هونر يکته خال فرهنگ جي ايسه.
10. اها

• اگر موافقيد اينه بنيم گتˇولگˇسر!--شیخ ‏۵ سپتامبر ۲۰۱۵، ساعت ۱۸:۳۳ (UTC)

شىخ؛

1. مي نظر نأ! چۊن وختي گۊنيم جؤغرافي ؤ جيگه'ن (که اينم دؤنيم که به هر حال خأ کشورؤنˇ نؤم ؤ شهرؤنˇ نؤم ؤ اي جۊر جيگه'نه هي جرگه مئن ببريم) چندان بۊندانش نئه. مۊ گۊنم اي تقسيمبندي (کاردانش ؤ بۊندانش ؤ...) بنيم ديمه ؤ هرچي اصلˇ جرگه دأنيم ليست بۊکۊنيم.
2. نأ برأ! تا اؤره که مۊ راجه به جامعه-شناسي دؤنم ايتؤ نئه. تينيم چن نفر که جامعه-شناسي بۊخؤندنˇ جي واپۊريم. ولي اينگيليسي ويکي مئن که ايتؤ نئه. جامعه-شناسي هؤره جي بمأ.
3. أهأ. منطق هم رياضياتˇ مئن دره ؤ هم فلسفه مئن. چۊن فلسفه ني منطق ؤرياضياتˇ همره تۊشکه بۊخؤرده. مثلاً مۊ الؤن ىکته کتاب خؤنده درم لاىبنيتسˇ جي راجه به سينگۊلاريتي. رياضياتي ؤ فلسفي ايسه. هۊتؤ که بۊتم أمه خأ ىکته ليست بدأريم اصلˇ جرگه'نˇ جي. اي ليستˇ مئن ىکته فلسفه ؤ وير بدأريم ؤ ىکته ني رياضي ؤ مأنطق. اينم چيزي ايسه که پيلئه ويکيئنˇ مئن رعاىت بنه. مأنطق ويشتر رياˇي شئه. فارسي مئن چۊن ايشؤنه ندأشتن به اي صۊرت ايشؤنˇ تماىؤزه ايتؤ نشؤن دئنن: رياضي ؤ رياضيات!
4. نأ. همته باورمندئن دين نئن. دين، الهيات (Theology) دأنه. هنده تأ ارجاع دئنم اينگيليسي ويکئه.
5. اي وير فرق کؤنه. تفکر! Thinking. خۊ تاريخه دأنه. مثلاً آقاىˇ آرامش دۊسدار ىکته کتاب دأنه "امتناع تفکر در ایران". اينˇ منظۊر اين نئه که ايرانئن وير نۊدن. ىا جؤغرافي ؤ پزشکي ؤ رياضي ندأشتن. گۊنه وير ندأشتن. اي وگردنه به فلسفه. هۊتؤ که أمه جؤغرافي دأنيم ؤ جؤغرافي فلسفه ىا حتی علمˇ فلسفه. ايشؤن، فلسفه جرگه مئن درن نأ جؤغرافي ؤ... جرگه مئن.

ورگ (بحث) ‏۷ سپتامبر ۲۰۱۵، ساعت ۱۳:۲۸ (UTC)

ورگ؛

بره مۊ مننئم مطابق مىل شخصي شۊمۊ ىا باخي زاکؤن پيش بشۊم. أگر تۊ بۊن ˇ جي اي تقسيم بندي أمرأ مۊشکل دأني خؤ ىکته تقسيم بندي ديگه بر اساس هرچي که تي مىله چاکؤن. مۊ اي تقسيم بنديه ئرائه بدأم هزارته مۊشکل بىتين مۊنم هر دفأ چاؤدم. اي تقسيم بندي أگر خؤب نيه مۊ که زۊر نگۊنم هين ˇ جي کأرأکئشيم بشين ىکي ديگه چاکۊنين. --شىخ (بحث) ‏۷ سپتامبر ۲۰۱۵، ساعت ۱۵:۵۹ (UTC)

مۊ گۊنم هچي دس نبۊريم، هي خالؤنه تغيير هدأىم ؤ بنأيم، بسط ني نخأنه؛ هي وسسه. هۊ اينگيليسي ويکيپدىا سر خالؤنه بنأيم. --ما هان (بحث) ‏۱۱ سپتامبر ۲۰۱۵، ساعت ۰۵:۵۵ (UTC)

شىخ؛ مؤشکل دأشتنˇ گب نئه. کاري که تۊ بۊدي خؤبه. ولي به هر حال لازمه اۊنˇ سر بحث بۊکۊنيم ؤ اينˇ اشکالؤنه چاکۊنيم تا بئتر بۊبۊن. الؤن منم أگه پيشنهاد بدئم بقيه حق ندأنن نظر بدئن؟ حق دأنن دئه. ايتؤ کم-کم کار صئقل خؤنه ؤ بئتر بنه.

پس هنده اي آخري موارده توجه بۊکۊن.

ورگ (بحث) ‏۱۴ سپتامبر ۲۰۱۵، ساعت ۰۱:۱۲ (UTC)