از كيلومتر ها فاصله، أنزلي برج ساعت نمايان ایسه و طبق بینوشتان در تاريخی کتابان و سفرنامان خسروخان گرجیگيلان حاكم اونا درسال ۱۲۳۰ هجری - قمری برابر ۱۸۱۵ ميلادي و ۱۱۹۴ شمسي از آجور چاگوده.
هدف از چاگودن ا بنا، دريا ديده بانی و هم به منزلیه فانوس دريائی بو. تا دريا نودران شب میئن ساحلا با موشاهدیه روشنائی در بوجوره منار، شناسائی و خوشانه شناوره به داخل كانال برسانن، روی هه اصل، ایته چراغ اونه بوجور روشن و نگهبانی در اویه به كشيك دان ایسایی. در سال ۱۳۰۷ شمسی پس از تعمیر ا برج ایته ساعت چهار سو اونه بوجور بناده. شهرداری ا ساعتا از كشور آلمان بهه بو و نصب بوگودوبو.
أنزلي مناره
متأسفانه سال‌ها بو كه ده اونه ساعته زنگ به گوش نرسئی و ساعت از كار دکفته بو تا اونکه در سال ۱۳۶۹ شمسی شهرداری قديمی ساعته كه فرسوده بسته بو عوضا گوده و ایته الكتريكی ساعت اونه جاسر بنا. بولندیه منار ۲۸ متر ؤ تا بالكن ۲۰ متر ایسه.
