Wikipedia:دؤجئه وانويس/۲۰۱۹/۱۱
.jpg)
کیانۋ چارلز ریوز ايتأ کانادايی بازيگر، کارگردان، مزقان‌دان ؤ خانشگر ايسه. کيانۋ بازيگري أنˇ شين ويشتر ماتريکسˇسۊتائي مجمۊعه دۊرۊن، نئؤ نقشˇ أمرأ، سرعت (۱۹۹۴)، نۊقطه-ايشکن، برام استؤکرˇ دراکۊلا، بيل ؤ تدˇ خۊرۊم گردˇ گيج، شيطانˇ وکيل‌مدافع، کؤنستانتین ؤ جان ويکˇ گردأگيفته معرۊف ايسسه.
زيوشˇ أوائل[دچينواچين]
کیانۋ ریوز بیرۊت، لبنانˇ پایتختˇ دۊرۊن به دۊنیا بامؤ. اۊنˇ مار پاتريشيا تیلؤر، لباسˇ طراح ؤ اۊنˇ پئر، سامۊئل نؤلين زمين‌شناس بۊ. ريوزˇ مار اينگيليسي بۊ ؤ اۊنˇ پئر هاوايي شين بۊ ؤ ايرلندي ؤ پۊرتغالي ؤ چيني نژادانˇ جه بۊ.
۲۰۱۱ ژانويه ما دۊرۊن کیانۋ ريوز ايتأ جه برنامه‌ئان بی‌بی‌سی شبکه مئن ايتأ گب‌ؤ‌گۊفت دشتي ؤ خۊ گبان مئن به خۊ تبار اينگيليسي ايشاره بۊگۊده ؤ بۊگۊته کي اۊ زمات کي کۊچي زاک بۊ اۊنه مار اۊنه اینگيسي کارتۊن ؤ برنامه نهي کي بيدينه ؤ به کمدي برنامه (The Two Ronnies) هم ايشاره بۊگۊده ؤ بۊگۊته کي دئن هأ اينگيسي برنامه‌ئان باعث بۊبۊسته با أن کي خۊ زاکي زمات ايتأ اينگيليسي زوؤنˇ کشور مئن نۊگذرانده ولي بتانسه أ زوان جه هۊ سن بيجير بامۊجه و روان گب بزنه.
ريو خۊ أولي فعاليت هۊنر دۊرۊن بازي کۊدن دمن یانکیز (Damn Yankees) مئن کي ايتأ تئاتر بۊ شرۊع بۊکۊده. ریوز زماتي کي ۱۵ سال دشتي رومئو و ژولیت دۊرۊن نقش مرکۊتیؤ أمرأ صحنه جؤر بۊشؤ. ريوز خۊ أولي تلويزيؤني نقش بي‌بي‌سي تلويزيؤني شبکه دۊرۊن ايتأ کمدي سریال أمرأ شرۊع بۊکۊده کي هنگین اين (Hangin' In) نام دشتي ؤ هأ نقش باعث بۊبۊسته کي کیانۋ ریوزˇ نام، مردۊم مئن جا دکفه و هأ معرۊفي وستي کۊکا کۊلاˇ شرکت ريوز خۊ محصۊلات تبلیغ ره بخاسته ولي ريوز أ دعوت قۊبيل نۊکۊده. کيانو هۊ سال دۊرۊن ايتأ کۊتاه درام کانادا فيلمˇ ملي هيئت ره کي اۊنه کار چأگۊدن ؤ توزیع مۊستند ؤ فلم ايسه بازي بۊکۊده. هأتؤيم کیانۋ تئاتران «برد فراسر» (Brad Fraser's) و «ولف بؤی» (Wolfboy)، تورنتو شهر مئن ایفای نقش بۊکۊده و سال ۱۹۸۴ دۊرۊن مردۊم جه به عنوان بخترین کانادایی نوجوانˇ بازيگر انتخاب بۊبۊسته.
بعد موفقیتاني کي ريوز تئاتر ؤ تلويزيؤن مئن کسب بۊکۊده اۊنه جه دعوت بۊبۊسته تا بيل ۊ تد خۊرۊم گردˇ گيجˇ فلمˇ مئن بازي بۊکۊنه ؤ کيانۋ خۊ درخشان بازي واسي أ فلمˇ دۊرۊن کي اۊنه نوجواني مئن هم بۊ به ايتأ بين‌المللي رؤجا تبديل بۊبۊسته. أ فلمˇ بۊفرۊختنˇ رکؤرد خئلي بۊجۊر بۊ و هأن باعث بۊبۊسته کي دۊوۊمي نۊسخه جه أ فلم چأگۊده ببه و کیانۋ ریوز اۊنˇ دۊرۊن بازي بۊکۊنه...دۊمباله