Wikipedia:دؤجئه وانويس/۲۰۱۸/۰۲
دوکتور ممدˇ معین ۹ اردیبهشتˇ ۱۲۹۷ رشت مین ایته خانوادیه روحانی جا به دونیا بومو . اون كه خو خانواده اولی زای بو اونˇ بابا بوزورگ - شيخ ممد تقيی معين العلما- "محمد" ایسمˇ اونه رو بنا . اونˇ پئر شيخ ابوالقاسم، علوم‌دينی طلبه بو . ممد به فاصلیˇ پنج روز خو پئر و مارا جی دست بدا. و بعد اوشانˇ مرگ ، اونˇ تربيت و مراقبتا اونˇ بابا بوزرگ ، معين العلما گردن بیگیفته .
بعدˇ ان که مكتبخانان به مدرسان ایمروجی تبدیل ببستده ، ممدا کلاس سوم ابتدایی مئن قوبول بوگودده و سالˇ 1304 ه.ش موفق ببسته خو مدرک قبولیه پایان ابتدایی دوریا فیگیره و ایدامیه درس خواندن واسی تئران بوشو. بعدˇ ان که واردˇ تئران ببو مدرسیه دارالفنون مئن تو دوریه ادبی ایسم نیویسی بوگوده و سالˇ 1310 ه.ش دوم متوسطه دوریا تومانا گوده و بتانسته خو مدرک ا دوریا هم فیگیره و بعدˇ اون تئرانˇ مدرسیه عالی دارالمعلمين ، شوبیه فلسفه و ادبيات مئن ایسم نیویسی بوگوده و همش جه شاگردانˇ مومتاز به حیساب امویی . ا مودتˇ مئن اون به حدی فرانسه زوانا یاد بیگیفته بو كه اوستادان فرانسوی ورجه درباریه "لرد بايرون" شاعر مشهورˇ اینگليسی سخنرانی بوگوده و اونˇ تسلط بون به فرانسه زوان باعثˇ تعجبˇ دیگران ببو.
اون خردادˇ 1313 ه.ش با نیویشتن ایته رساله به فرانسه زوان با موضوع شعر "لوكنت دوليل و مكتب پارناس" موفق ببسته ادبيات و فلسفه ليسانسا با نمریه مومتاز فیگیره. اون بعدˇ ایته تحقیقی رساله درباریه "خواجه حافظ شيرين سخن" بینیویشت و ایضافه بر ا دوتا كیتاب "روان‌شناسیˇ تربيتی" و "ايران از آغاز تا اسلام" اینگیلیسی به فارسی جا ترجمه بوگوده.و سالˇ 1318 به سمت معاونت ایداریه دانشسراهان مقدماتی و دانش سرايی عالی دبيری منصوب ببسته....دۊمباله