هاىنريش بؤل
| هاىنريش بؤل | |
|---|---|
 | |
| أصلي نام | هاىنريش تؤدؤر بؤل |
| مرگ | ۱۶ ژۊئيه ۱۹۸۵ (۶۷ سال) کرؤىتزأؤ، نؤردراىن-وستافلن، خۊرخؤسي آلمؤن |
| دفن ٚ جيگا | تولد ٚ محل ٚ نزيکي |
| کار | رؤمان‌نيويس، شاعر |
| همسران | آن‌ماري |
ایمضا .jpg) | |
هاىنريش تٚؤدؤر بؤل (آلمؤني مئن: Heinrich Theodor Böll؛ ۱۹۱۷ ٚ دسأمبر ٚ ۲۱ ٚ بچئر — ۱۹۸۵ ٚ ژۊئیه ٚ ۱۶ ٚ بؤمۊرده) آلمؤني نويسا یأ اٚدبي نؤبل ٚ جاىزه ٚ وأىئه‌کس هيسه. اۊن ٚ آثار ٚ ويشترين جنگ-ه (خۊصۊصاً دۊوؤمي جهاني جنگ) أ اۊن ٚ دۊرۊسابؤ-پسي آثار-ه توجه دأره.
زيندگي
[دچينواچين]هاىنريش بؤل ۲۱ دسأمبر ٚ ۱۹۱۷، کؤلن ٚ شأر ٚ مئن، ىته کاتؤليک أ صۊل‌مۊج (پاسيفيست) گۊد ٚ مئن دۊنیا بۊمأ. اۊن ٚ گۊد نازيسم ٚ اٚرأ مۊخاليف بؤن أ هاىنريش-أني ۱۹۳۰ دهه مئن حاضر ونکت هيتلري جوؤنؤن ٚ سازمؤن-ه گلأکه.[۱] بيس‌سالگي، ديپلؤم-ه هأىته‌پسي ىته کيتاب‌فۊرشي مئن شاغل بؤبؤ ىأ ايمه کؤلن ٚ دؤنشگه مئن آلمؤني مۊطالعات أ کلاسيک ٚ رشته-أ بؤخؤند. دۊوؤمي جهاني جنگ گه دکتنأسأ، خدمت ٚ دؤني ورماخت ٚ ره اعزام بؤبؤ ىأ لهستؤن، فرانسه، رؤماني، مجارستؤن أ شؤروي جبهه‌أن ٚ مئن-أني بئسأ.
سال ٚ ۱۹۴۲ بؤل، آن‌ماري سش ٚ همرأ ايزدواج بؤگۊد. اۊشؤن سۊته وچه بيأردن أمما اۊشؤن ٚ أوولي وچه، کريستؤف، سال ٚ ۱۹۴۵ مريضابؤ ىأ بؤمۊرد. آن‌ماري چنته اينگيليسي أثر ٚ وگأردنئن آلماني‌ئه ره بؤل-ه بال بزأ دأره.
بؤل جنگ ٚ زمت چار وار مجرۊح بؤبؤ ىأ تيفۊس بگيت. نهایتاً آوريل ٚ ۱۹۴۵ آمريکا یجؤنأبؤ ايالات ٚ اٚسير بؤبؤ یأ جنگي اؤسرا اؤردۊگه-أ مۊنتقل بؤبؤ. [۲]جنگ ٚ دۊرۊسابؤ پسي، خۊ زنکه همرأ کؤلن ٚ مئن، شأري گه اۊن ٚ ۸۰٪ جنگ ٚ دؤني دؤسۊسه بؤ، ايقامت دؤجئه یأ خۊ خانواده ٚ نججاري ديکؤن ٚ مئن شاغل بؤبؤ. سال ٚ ۱۹۵۰ ىسال ٚ ره با آپارتمؤنؤن أ ساختمؤنؤن ٚ سرايشمأري مسئۊل ٚ عؤنوؤن، آمار ٚ ايداره مئن مشغۊل بؤبؤ أمما اي شؤغل ٚ جي راضي نؤبؤ ىأ بيلأخره تصميم بگيت ريسک بؤنه ىأ نويسایي گألأ بىره.[۳]
بؤل وختي گه ۳۰ ساله بؤ تمام‌وخت نويسا وکت. اۊن ٚ أوولي رؤمان با «قطار مؤقؤ سر برسئه» ٚ نؤم پۊر دنگ ٚ فنگ أ جيرجؤر زأن ٚ جي سال ٚ ۱۹۴۹ چاپ بؤبؤ چۊنگه اۊن چنته داستؤن هي داستؤن ٚ پيشي ني بنويشته بؤ گه منيس اۊشؤن-ه چاپ-ه برسأنه. هي سال، اۊن ۴۷ ٚ جرگه جلسه-أ گه آلماني نويساٰن ٚ جي مؤتشکل بؤ دعوت بؤبؤ.[۴] سال ٚ ۱۹۵۱، ۴۷ ٚ جرگه ٚ أدبي جاىزه-أ «سيا گۊسۊند» ٚ دؤني درىافت بؤگۊد. سال ٚ ۱۹۵۶ ايرلند-ه سفر بؤگۊد أ ىسال ٚ پسي کيتاب ٚ «ايرلند ٚ رۊز ٚ په ىادداشتؤن»-ه چاپ-ه برسأدنئه.
ايمه رؤمانان، پأچ ٚ قصصه'ن، راديؤوي نمایشنؤمه'ن هاینريش بؤل ٚ شي تتريج واتينأدأن بؤبؤ.
هاینريش بؤل خؤره یأ خۊ همسر ٚ خرۊج-ه کاتؤليک کليسا جي ۱۹۷۶ مئن اعلام بؤگۊد. اۊن ۱۹۸۵ ٚ ژۊئيه مئن بؤمۊرد أ خۊ تولد ٚ محل ٚ نزيکي دفن بؤبؤ.
کيتابؤن ٚ ليست
[دچينواچين]- قطار مؤقؤ سر برسئه (۱۹۴۹)
- سيا گۊسۊندؤن (۱۹۵۱)
- آدم، کۊیه هيسأ بي؟ (۱۹۵۱)
- حتی یه کليمه-أني نؤگۊت (۱۹۵۳)
- خؤنه‌اي بي‌سرپرست (۱۹۵۴)
- جوؤني سالؤن ٚ نؤن (۱۹۵۵)
- ايرلند ٚ رۊز ٚ په خاطرات (۱۹۵۷)
- بيلیارد سأت نؤ ؤ نيم (۱۹۵۹)
- یته دلقک ٚ عقاید (۱۹۶۳)
- سيفایي جرگه ٚ جي (۱۹۶۴)
- مأمۊريت ٚ ايتمام
- (۱۹۶۶)
- یته زۊنؤنه ٚ ديم جمع ٚ مئن (۱۹۷۱)
- کاترينا بلؤم ٚ چيکأشؤ آبٚرۊ (۱۹۷۴)
- أمنيتي شبکه (۱۹۷۹)
- ميراث (۱۹۸۲)
- زۊنؤنه'ن رۊخؤنه ٚ چۊم‌دکف ٚ مئن (۱۹۸۵)
- فيرشته تمأزأ (۱۹۹۲)
- تفاق (۱۹۸۱)
- راهب (۱۹۸۲)
سربس
[دچينواچين]- ↑ Michael H KATER; Michael H Kater (30 April 2006). Hitler Youth. Harvard University Press. pp. 24–. ISBN 978-0-674-01991-1. Retrieved 26 August 2012.
- ↑ Conard, Robert C. (1992). Understanding Heinrich Böll. Columbia: University of South Carolina Press. ISBN 978-0-87249-779-5.
- ↑ Steinhauer, Harry (1984). Deutsche Erzählungen. University of California Press. p. 423. ISBN 0-520-05054-1. Retrieved 20 July 2014.
- ↑ Magill, Frank N., ed. (2013). The 20th Century A-GI: Dictionary of World Biography, Volume 7. Routledge. p. 349. ISBN 978-1-136-59334-5. Retrieved 29 June 2014.