قالب:ویکیپدیا:دؤجین‌ببؤ وانیویس/ماه ۲۰۱۳/۰۹
يوليسيس سايمن گرانت (1885-1822 م. 1459–1396 گیلکی) آمريكا هیجدهؤمی رئيس‌جؤمور بو. گرانتˇ اصلی نام هيرام بو. اون 27 آوريل 1822 اؤهايؤ مئن ايتا سوتالˇ كؤگا مئن بيچه ببوسته. اونˇ پئرˇ نام جئس روت گرانت و اونˇ مارˇ نام حنا سيمپسون بو. گرانت 22 آگوست سال 1848 جولی دنتˇ امره ازدواج بوگوده.
اون خو جوانی زمات بشؤ حشرومايه‌دار (ارتش)ˇ دورون و آمريكا و مكزيک جنگˇ مئن خدمت بگوده و آمریکا داخلی جنگˇ مئن آمريكا چكنه بوبوسته و شا گوفتن كی ا جنگˇ دورون، پيله نقش آمريكا پيروزی مئن داشتی. سال 1864، اؤرلندˇ عملياته ضدˇ نسايي‌ئن سراگيفته كی ايتا خونی و چتين عمليات بو و پور كسان بكوشته بوبوستيد. گرانت بِتانسته شورشيانه دشكنه و اوشانˇ پايتخت، ريچمؤنده بنه‌بر (موحاصره) بکونه و بگیره و ژنرال رابرت لی نسايي‌ئنˇ چكنه، ژنرال گرانته تسليم ببؤسته و آپوماتوكس دادگاه مئن دادگاهی بوبوسته. ژنرال گرانت ايتا جؤموری‌خا بو و خوره رياست‌جؤموری واستی كانديد بگوده و سال 1868 م آمريكا رئيس جؤمور ببوسته و سال 1872 هنده دؤجين ببوسته. اون خو رياست جؤموری مئن، پانزدهؤمی لايحه (سياهانˇ حقˇ رای) کؤنگره مئن تصویب بگوده و سياهانا حقˇ رای فدا. و هتويی كوكلاس كلانˇ تشكيلاتˇ امره مقابله بوگوده و اوشانˇ تشكيلاته فگوردانه.