خؤنه
خؤنه 
|
.JPG)
خؤنه ایته ساختمؤن ایسه که آدمی یا باخيˇ آفریده‌انˇ واسی (سکˇ مورسؤن) سرپنا ایسه[۱]. خؤنه تینه ىکته کؤتامˇ موسؤن پور ساده ببون یا ایلات و عشایرˇ سرپنا مورسؤن ببی یا یکته پیچیده ساختمؤن ببی که اينˇ سيستم پور پیچیدهٰ[۲][۳]. او اجتماعی واحد که یکته خؤنه مئن زیندگی کؤنن، خؤنواده دوخؤنده بنه.{سربس خأنه امما ندأنه!} معمولن خؤنواده تعدادی آدم ایسن که همدیگرˇ امره فامیل ایسن هرچند که یکته خانواده تینه دیگر اجتماعی گروه‌ؤن ببن یا حتی بی نسبت آدمؤن ببن.
خؤنه ديريني
[دچينواچين]طرح
[دچينواچين]اولي چي که خؤنه ان ٚ مئن در نظر گيته بۊنه اينه که معمار اۊ کسؤني واسي که خأنن خؤنه مئن زيندگي بۊکۊنن چندته اۊتاق در نظر گينه. اۊ چي که الؤن اۊنه "طراحي داخلي" دۊخؤنن الؤن ىکته پۊر طرفدار دانشگایي رشته ایسه که خؤنه ديرینىه در نظر گينه. اگر بخأىم طراحي داخلي پىه بگيريم فنگشۊيىه رسنيم که ىکته چيني روش ايسه که خؤنه ا به چن قسم تقسيم کؤنه ؤ آب، باد، وارؤن ؤ ديگر طبيعي پارامترؤن ٚ امره در نظر گينه که ىکته خؤنه مئن کؤره عشق ٚ جا، کؤره استراحت ٚ جا، کؤره قۊدرت ٚ جا ؤ ديگر چيزؤن ایتؤ چيؤن ٚ مۊرسؤن تينه ببي. فنگشۊيي گۊنه که هرجايي خؤنه مئن تینه آدمي حال ٚ سر اثر بدأري؛ هرچن که علم اونه قبۊل ندأنه.
وابينؤن
[دچينواچين]ويشتر خؤنه ان چندته پيله اۊتاق دأنن که چندته تخصصي توابع دأنن ؤ چندته کوچتاى اۊتاق که تينن ديگر دلاىل ٚ واسي چاکۊده بۊبؤبن. اۊشؤن تينن شامل زندگي/خۊردن ٚ جا، خۊتن ٚ جا ىا شۊردن ؤ دميشتن ٚ جا ببن. بعضي خؤنه ان گرم ٚ اؤ، سرپۊشيده اسطلخ، سرپۊشيده بسکتبال ٚ زمين ؤ ديگر چيؤن دأنن. سنتي کيشاورزي جوامع ٚ مئن اهلی حىوانؤن ٚ جا، کرک ؤ گئو مورسؤن تينه آدمؤن ٚ خؤنه امره مشترک ببي. معمۊلي خؤنه ان ٚ مئن، معمولن خۊتنه اۊتاق، حمام، آشپزخؤنه ؤ ىکته نشيمن اۊتاق هنأ. قدیمه آمريکايي خؤنه ان چارضلعي بؤن که ىکته سردي دأشت که خؤنه وسط هنأبۊ ؤ چارته اۊتاق اون ٚ دؤر گۊدن. چيزي که الؤن اۊنه اضافه ببؤ ىکته گاراژ ايسه.
خؤنه داخلي تاريخ
[دچينواچين]تا الؤن خئلي کم دؤنيم که چۊتؤ داخلي معماري پيشرفت بؤده اما شأنه سراگيتن ٚ واسی قديمي پناگاهؤنه در نظر گيتن. باخي نظرىه ان گۊنن که اولي معماري اصۊله خأ اۊ خؤنه اني مئن که چۊب ؤ ولگ ؤ گل ٚ امره چاگۊده ببؤ یاتتن. یا شأنه اولي کۊمه اني که بشر بساته مئن داخلي معماریه یاتتن[۴]. فيليپ تابؤر گۊنه که هۊلنده خؤنه ان که 17مي قرن ٚ پسي بساته بۊبؤنه شأنه به عنوان بیس امروزي خؤنه ان به حيساب اردن: "تا اؤره که امه خؤنه ايده جي سۊراغ دأنیم، اي خؤنه ان هۊلندئنه خؤنه ایسن که ايجۊر خؤنه دخؤنده بنه. اي ايده مربۊط به اولي ربع قرن 17مي قرن ٚ مئن ايسه که هۊلند ٚ مئن بي نظير سرماىه تجمع پىدا کؤنه ؤ اي باعث بنه که مردۊم خۊشؤنه خؤنه واسي خرج بۊکۊنن."[۵]
عمومي اۊتاقؤن
[دچينواچين]وسطا قرۊن ٚ مئن مردۊم ويشتر خۊشؤنه فعالىتؤن ؤ مراسمؤنه خۊشؤنه خؤنه مئن گینن. هيتؤ ني خؤنه ويشتر مردۊمه جا فاميل، بستگؤن، کارکۊنؤن ؤ مىمؤنؤن ؤ هيتؤ کسؤن بۊبؤ. اۊ کسؤن ٚ سبک زينديگي جمعي بۊ ؤ به چيزؤني پيله سالؤن اجرا واسي، ناهار خۊري ؤ نشست ٚ جا ؤ همديگر ٚ امره خۊتنه جا نىاز داشتن.[۶]
اتصالي اۊتاق
[دچينواچين]پؤنزهؤمي ؤ شؤنزهؤمي قرنˇ مئن که ايتالىا رؤنسانسˇ دؤره بو، پالازؤ خؤنه اي بۊ که پۊر اۊتاق بؤن که همديگره وصل بؤن. بر خلاف ديگر خؤنه ان هدف پالازؤن ٚ اۊتاقؤن هرته ديگر اۊتاقؤنه امره چندته در ٚ امره راه داشتن. اي درؤنه سيستمه رابطن ايوانز به نؤم "ادجؤىند" نؤم بئنه که ىکته گسسته ماتريس به نظر هنن اما در کل پىوسته ايسن[۷]. اي که اجازه دئنه هر کسي ىکته اۊتاق ٚ مئن آزادي امره بشي ديگر اۊتاق مئن باعث بنه که شخصي حريم جه بىن بشی.
سربس
[دچينواچين]- ↑ Shelter By Lloyd Kahn. Shelter Publications, Inc., May 1, 2000.
- ↑ Schoenauer, Norbert (2000). 6,000 Years of Housing (rev. ed.) (New York: W.W. Norton & Company).
- ↑ "housing papers" (PDF). clerk.house.gov. Retrieved December 18, 2012.
- ↑ Hill, Jonathan, “Immaterial Architecture”, New York: Routledge, 2006.
- ↑ Tabor, Philip, "Striking Home: The Telematic Assault on Identity". Published in Jonathan Hill, editor, Occupying Architecture: Between the Architect and the User.
- ↑ "Manor House". Middle-ages.org.uk. May 16, 2007. Retrieved January 4, 2012.
- ↑ Evans, Robin “Translations from Drawing to Building: Figures, Doors and Passages” London: Architectural Associations Publications 2005