حبیبوللا بدیعی
Naväzande o musiqidän, Savädku šin, Šamsə šohar. 1528 Diləmi (1333 Hejri Šamsi), rädiyo šumärə 6 orkeste banä bana. I orkest tä 1531, har jumə šo, rädiyo men barnämə ejrä kud.
حبيب‌اله بديعی، پيله آهنگ‌ساج و موسيقی‌دان و ويولون‌زن، علی‌موحمدِ زاک، 1507، آول ما نوزده (4 فروردين 1312 خورشيدی)، سوادکو شهرِ مئن، يه‌ته هونردوس خانواده مئن به دونيا بومأ.
زاکی
[دچينواچين]اينِ پئر منطقه مئن خرده‌مالک بو و دوتار زی. دوساله بو کی اينِ خانواده بوشؤن ساری. بديعی خودش وختی شاپور بهروزی امره گب زه دره (1561 گالشی)، گونه: شيش سال داشتم. امی خؤنه جؤری طبقه، يه‌ته قديمی کوکی گرامافون داشتيم. اون ِ صفحه‌ئن ِ مئن، قمر و بديع‌زاده و تاج اصفهانی و صبا ويولونِ جی کولّی صفحه نهأ بو، از جومله اوستادِ زنگِ شوتور. ويشتر يواشکی شؤم جؤری طبقه و جوری کی ديگرؤن نفهمن، اوشؤنه گوش دأم.
حبيبِ پيلِ برار خوره يه‌ته ويولون جورأ گوده بو و يه‌ته ارمنی ساززنِ ورجه ياد گيته دبو. ولی دو سه سالی کی بوگذشته، خسته بوبؤ و بنأ ديمه. حبيب، گاگلف بی‌اجازه و يواشکی، خو برارِ ويولونه دسأ گيت و چيزايی زی. اين ِ برار سرآخر فهمنه و وختی حبيب ِ علاقهٰ دينه، ويولونه هدئنه حبيبه.
درس و تحصيل
[دچينواچين]بديعی، خو ابتدايی مدرسهٰ، دو سال ساری مئن بخانده و بازون بوشؤ تهران و خو درسه ادامه بدأ. موتوسطهٰ توماما کودن پسی، تهرانِ دانشگا مئن، زمين‌شناسی رشته مئن ليسانس هگيته.
موسئقی
[دچينواچين]1521 جی، 3 سال دوکتور لوطف‌اله موفخم پايان ورجه و دو سال صبا ورجه ويولونه ياد بئيته و يک سالأ نی چينگوزيان ِ ورجه کی قفقاز ِ شی بو، کلاسيک موسئقی‌يه ياد بئيته.
صبا مردنِ پسی، راديو تصميم بئيته کی اوستادِ بوزورگداشتِ واسی، اين ِ معروف اثر «زنگِ شوتور»ه پخشأ کونی. امّا ای قطعه جی ضبط‌بوبؤ نوسخه نداشتن. قرار بوبؤ کی صبا شاگردؤن ِ جی، چن نفر ای آهنگه بزنن و هرته کی بختر بو، هونه راديو مئن پخشأ کونن. کی او قطعه‌ای دؤجين بوبؤ و حتا به نام صبا پخشأ بو کی بديعی شی بو!
بديعی، 1524 جی، ارتش ِ موسئقی برنامه امره به عونوان تک‌نواز همکاری گود و يک سال بعد، ابراهيم منصوری اورکستِ مئن بوشؤ.
عروسی و خانواده
[دچينواچين]بديعی، 1526، «ولگرد»ِ فيلمِ مئن، قوامی و شمس ِ صدا ويولونِ امره همراهی بئوده و هی فيلمِ ساتنِ مئن بو کی پيله خاننده، شمس ِ امره آشنا بوبؤ و چن زمات بازون، کسن امره عروسی بئودن.
باخی کارؤن
[دچينواچين]سال 1538، راديو موسئقی شؤرا مئن عوضوأ بؤ و سال 1541 تا 1546، راديو موسئقی اداره مئن، رييس بو.
مرگ
[دچينواچين]بديعی، 1566 گالشی سال، قلبی مريضی واسی بمرده و کرجِ ايمام‌زاده طاهرِ ورجه دفنأ بؤ. ای پيله‌کسِ جی، دستگاهی موسئقی مئن، 200تا قطعه ويشتر باخی بمانسه.