اسکاتلند (اينگيليسي مئن: Scotland، اسکاتلندي گیلي مئن: Alba) ایته کشور و ایته بخش جه پیله بريتانيا ايسه. اسکاتلند بريتانيا کلسیا میان نهأ. اون ٚ مرز و حدود نسا جه اينگيليس أمرأ، و دئه بقیه مرزان آتلانتیک اقیانوس و کلسيا دریا (North Sea) خورتاو جه ایرلند دریا ایسه. اسکاتلند صارا پور جزایر جا شکل بیگیفته کی اوشانه شومار به هفتصدو نود جزیره فرسه کی شامل کلسیا جزایر و هیبرید جزایر ایسه. ادينبرا، اسکاتلند پایتخت و اۊن ٚ دومین پیله شهر بعد گلاسکو ایسه.
هجدهمین میلادی قرن میان اسکاتلند روشن فکران و دانشمندان جیگا بو.
اسکاتلند تجاری، علمی و صنعتی تحولات باعث بوبوسته کی بندر گلاسکو اسکاتلند پیله شهر بِبه. آبردین اسکاتلند سومین پیله شهر ایسه کی ایتا پیله صنعتی شهر ایسه. اونه پیله ذخائر نفت و گاز باعث بوبوسته کی اۊرۊپا پایتخت نفت لقب بیگیره و اۊرۊپا ايتحاديه ویشتره خو نفت ذخایره آبردین میان دره. اسکاتلند حکومت و تشکیل پادشاهی به قرون وسطا اوایل واگرده و تا سال ۱۷۰۷ ادامه دَشتی و بعد اَ تاریخ ضمیمه اینگیلیس خاک بوبوسته.
سال ۱۶۰۳ میان، جئمز پنجم اسکاتلند پادشاه و ایرلند و اینگیلیس شاه بوبوسته و هر سه حکومت ایتا حکومت واحد بوبوستید.و هتو بو کی اسکاتلند سیاسی ایجایی اینگیلیس مره شکل بیگیفته و پیله بریتانیا پارلمان جانشین اسکاتلند و اینگیلیس پارلمان بوبوسته، ولی اسکاتلند قوانین تغییر نوگوده وسابقه زمات مَنستن بمانسته و اسکاتلند قوانین اجرایی و حقوقی اینگیلیس مره سیوا بوبوسته.
