Wikipedia:دؤجئه وانويس/۲۰۱۹/۱۲
.jpg)
ادوارد تۊماس هاردي (اينگيليسي زوؤن أجي: Edward Thomas Hardy؛ ۱۵ سپتامبر ۱۹۷۷) ايتأ اينگيليسي بازيگر ايسه کي زمينه‌ئان سينما ؤ تئاتر دۊرۊن فعاليت کۊنه. تام هاردي بازيگري أنˇ شين ويشتر بازي کۊدن فلمان لاک، مۊوارز، أفسانه، برانسؤن، کندۊ، دانکرک، واگردسته، تۊرˇ مکس: خشمˇ جاده، تاريکي شوالیه ويريزه، تلقین ؤ ونؤم مئن معرۊف ايسه.
ادوارد تۊماس تام هاردي، ۱۵ سپتامبر ۱۹۷۷ هأمرسميت لندن دۊرۊن به دۊنیا بامؤ ؤ أني برت ؤ چپس هاردي تک زاک ايسه. اۊنˇ مار نقاش ؤ جه ايرلندي نژاد ايسه ؤ اۊنˇ پئر رمان ؤ کمدي نيويسه ؤ اينگيليس شين ايسه. تام هاردي خؤ ابتدائي تحصيله لندن دۊرۊن تۊمامه گۊده ؤ خۊ بازيگري مدرک جه "لندنˇ دراما کالج" فيگيته. تام هاردي "گري الدمن" خۊ قهرمان معرفي بۊگۊده ؤ گه کي خۊ بازيگري دۊرۊن هم اۊنه جه الگؤ اۊساده. تام هاردي ۱۹۹۸ˇ سپتامبر ما دۊرۊن به لندنˇ دراما مرکز بۊشؤ ؤ آنتونی هاپکینزˇ شاگرد بۊبؤسته ؤ أ آکادمي دۊرۊن، بازيگري رشته مئن تحصيل بۊگۊده ؤ بازيگري متؤدان بامۊخته. تام هاردي خۊ أولي مؤفقيت زماتي بدست باورده کي ايتأ تيلويزيؤني رقابتˇ دۊرۊن بخترين سۊپر مدلˇ جائزه بۊبؤرده. سال بعد (۲۰۰۰) هاردي بتانسته جان جانؤوکˇ نقش براران جرگه دۊرۊن کي ايتأ کۊچي سرىال استيون اسپيلبرگˇ کارگرداني أمرأ ايسه بازي بۊکۊنه. تام هاردي خۊ آکادمي تحصيله نصفه ولأ کۊده تا بتانه أ سرىال فلم اۊساني سر حضۊر بدأره. أ سرىال کي اۊنه ژانر دۊوؤمي جهاني جنگ ايسه باعث بۊبؤسته کي هاردي ويشتر بيده ببه ؤ هۊ سال دۊرۊن ايتأ ده جنگي فلم دۊرۊن کي اۊن نام سیا آله کفتن، ريدلي اسکاتˇ کارگرداني أمرأ ايسه بازي بۊگۊده.
تام هاردي سال ۲۰۰۲، "نمسيس" دۊرۊن کي ايتأ فلم جه سري "استار ترک" ايسه بازي بۊکۊده. أ فلم با أن کي جه لحاظ فرۊش مؤفق نۊبۊ ولي پۊر مثبتˇ نظر دریافت بۊگۊده ؤ تام هاردي بازي مؤرد توجه قرار بيگيته. هاردي سال ۲۰۰۳ˇ دۊرۊن چار ته فلم مئن نقش دأشتی ؤ ۲۰۰۴، لایه‌ئي کىکˇ دۊرۊن بازي بۊگۊده. سال ۲۰۰۳ تام هاردي "عربستان دۊرۊن آمان شاه بيمي" تئاترˇ دۊرۊن "راسۊ" نقشأ بازي بۊکۊده کي باعث بۊبؤسته دۊوارده مؤرد توجه ؤ تحسين قرار بيگيره...دۊمباله