تام هاردي

Wikipedia جي
پرش به ناوبری پرش به جستجو

تام هاردي
ايته تاتايي ادوارد تۊماس هارديˇ جه

تام هاردي، سأن ديگؤ، ونؤم ٚ فئلم ٚ اکران ٚ مئن

أصلي نام ادوارد تۊماس هاردي
فعاليتˇ زمينه سينما
مليت اينگيليس، بريتانيايي
بزارۊج ۱۵ سپتامبر ۱۹۷۷
بزاجيگا هأمرسميت، لندن، اينگيليس
زيوشˇ جيگا لندن، اينگيليس
کار بازيگر، تهیه بۊکۊنکس، مدل
کار گۊدنˇ سالان ۲۰۰۱-هسأ
پئر ؤ مار چپس هاردي، أني برت
همسران سارا وارد (۱۹۹۹-۲۰۰۴)

شارلؤت راىلي (۲۰۱۴-هسأ)

زيوشˇ شريکان رىچل اسپيد (۲۰۰۵–۲۰۰۹)
زاکان ۳

ادوارد تۊماس هاردي (اينگيليسي زوؤن-أ جي: Edward Thomas Hardy؛ ۱۵ سپتامبر ۱۹۷۷) ايته اينگيليسي بازيگر ايسه کي سينما ؤ تئاتر ٚ زمينه‌ئن ٚ دۊرۊن فعاليت کۊنه. تام هاردي بازيگري أن ٚ شين ويشتر بازي کۊدن فلمان لاک، مۊوارز، أفسانه، برانسؤن، کندۊ، دانکرک، واگردسته، تۊر ٚ مکس: خشم ٚ جاده، تاريکي شوالیه ويريزه، تلقین ؤ ونؤم مئن مأرۊف ايسه.

زيوشˇ أوائل[دچينواچين]

ادوارد تۊماس تام هاردي،[۱] ۱۵ سپتامبر ۱۹۷۷[۲] لندن ٚ هأمرسميت ٚ دۊرۊن[۳] به دۊنىا بامؤ ؤ أني برت ؤ چپس هاردي تک زای ايسه.[۴][۵][۶] اۊن ٚ مار نقاش ؤ جه ايرلندي نژاد ايسه ؤ اۊن ٚ پئر رؤمان ؤ کؤمدي نيويسه ؤ اينگيليس ٚ شين ايسه.[۷] تام هاردي خؤ ابتدائي تحصيل-أ لندن ٚ دۊرۊن تمان-ه کۊده ؤ خۊ بازيگري مدرک-أ لندن ٚ دراما کالج ٚ جه فگيته.[۸][۹] تام هاردي گري اؤلدمن-أ خۊ قهرمان معرفي بۊکۊده ؤ گه کي خۊ بازيگري دۊرۊن ني اۊن-ه جه الگؤ اۊساده.[۱۰][۱۱]

هۊنري زيوش[دچينواچين]

۱۹۹۸-۲۰۱۰[دچينواچين]

تام هاردي ۱۹۹۸ˇ سپتامبر ما دۊرۊن لندن ٚ دراما مرکز ٚ مئن بۊشؤ ؤ آنتوني هاپکينز ٚ شاگرد بۊبؤسته ؤ أ آکادمي دۊرۊن، بازيگري رشته مئن تحصيل بۊکۊده ؤ بازيگري متؤدان-ه بامۊخته. تام هاردي خۊ أولي مؤفقيت-أ زماتي بدست باورده کي ايته تيلويزيؤني رقابت ٚ دۊرۊن بئترين سۊپر مؤدل ٚ جائزه بۊبؤرده.[۱۲] سال بعد (۲۰۰۰) هاردي بتانسته "جان جانؤوک" ٚ نقش ٚ أمرأ "براران ٚ جرگه" دۊرۊن کي ايته کۊچي سرىال استيون اسپيلبرگ ٚ کارگرداني أمرأ ايسه بازي بۊکۊنه.[۱۳] تام هاردي خۊ آکادمي تحصيل-أ نصفه ول بۊکۊده تا بتانه أ سرىال ٚ فئلم اۊساني سر حضۊر بدأره. أ سرىال کي اۊن ٚ ژانر دۊوؤمي جهاني جنگ ايسه باعث بۊبؤسته کي هاردي ويشتر بيده ببه ؤ هۊ سال ٚ دۊرۊن ايته دئه جنگي فئلم ٚ مئن کي اۊن ٚ نام "سیا شاهين ٚ کفتن"، ريدلي اسکات ٚ کارگرداني أمرأ ايسه بازي بۊگۊده.

تام هاردي سال ۲۰۰۲، "نمسيس" ٚ دۊرۊن کي ايته فئلم "استار ترک" ٚ سري جه ايسه بازي بۊکۊده. أ فئلم با أنکي فرۊش ٚ لحاظ ٚ جه مؤفق نۊبۊ ولي پۊر مثبت ٚ نظر دریافت بۊکۊده ؤ تام هاردي بازي مؤرد توجه قرار بيگيته.[۱۴] هاردي ۲۰۰۳ سال ٚ دۊرۊن چار ته فلم مئن نقش دأشتی ؤ ۲۰۰۴، لایه‌ئي کىکˇ دۊرۊن بازي بۊکۊده.

۲۰۰۳ سال، تام هاردي "عربستان ٚ دۊرۊن آمان شاه بيمي" تئاتر ٚ دۊرۊن "راسۊ" نقش-أ بازي بۊکۊده کي باعث بۊبؤسته دۊواردئه مؤرد توجه ؤ تحسين قرار بيگيره.[۱۵]

تام هاردي ۲۰۰۸ سال ٚ مئن، "برانسؤن" ٚ فئلم ٚ دۊرۊن چارلز برانسؤن ٚ نقش-أ بازي بۊکۊده. أ فلم بر اساس چارلز برانسؤن ٚ زيوش ٚ سر چأکۊده بۊبؤسته. چارلز برانسؤن ايته اينگيليسي مؤجرم ايسه کي ويشتر خۊ عمر-أ زندان ٚ مئن بۊگذرانه ؤ "بريتانیا خشن‌ترين زنداني" عنوان-ه دارا ايسه. تام هاردي أ زنداني نقش-أ بازي کۊدن ٚ وأسي خۊ وزن-ه ۱۹ کيلؤ شکلات ؤ شيريني خۊردن ٚ أمرأ بۊجؤر بۊبؤرده تا اۊن ٚ هيکل أ زنداني مأنستن ببه.[۱۶] هاردي أ بازيگر-أ چند بار زندان ٚ دۊرۊن ملاقات بۊکۊده تا اۊن ٚ أمرأ آشنا ببه ؤ بتانه اۊن ٚ نقش-أ بئتر بازي بۊکۊنه. أ دۊ نفر هأ ملاقاتان ٚ دۊرۊن همديگر ٚ أمرأ رفق بۊبؤستد ؤ چارلز برانسؤن جه أنکي چۊتؤ هاردي بتانسته خۊ هیکل ؤ ديم ؤ صدا-یه أن ٚ مانستن بۊکۊنه تعجب بۊکۊده بۊ. بعد أنکي برانسؤن ٚ فئلم اکران بۊبؤسته أ فئلم-أ زندان ٚ مئن چارلز برانسؤن ٚ ره پخش بۊکۊدد ؤ برانسؤن أ فئلم ٚ جه استتقبال بۊکۊده ؤ بۊگۊته «فکر نۊکۊنم هئکس بتانسته بي مي نقش-أ أتؤ تام هاردي مأنستن دقيق ؤ عالي بازي بۊکۊنه». أ فئلم منتقدان ؤ مردۊم ٚ مثبت ٚ نظر ٚ أمرأ مواجه بۊبؤسته ؤ تام هاردي رایه پيله‌تر فئلمان ؤ سرىالان ٚ مئن باز بۊکۊده. هاردي "بريتانیا مستقل فئلم" ٚ جه، بئترين مرد ٚ بازيگر ٚ جائزه-یه چارلز برانسؤن ٚ نقش ٚ بازي کۊدن ٚ وأسي فگيته.

هاردي سال ۲۰۰۹ "گيتن ٚ سرىال" ٚ دۊرۊن فِرِدي نقش ٚ أمرأ بازي بۊکۊده ؤ شارلؤت راىلي همبازي بۊبؤسته. هأ سال هاردي "بادگير ٚ جؤردیان ٚ سرىال" ٚ دۊرۊن کي بر اساس ايته رؤمان هأ نام ٚ أمرأ چأکۊده بؤسته بۊ، بازي بۊکۊده ؤ ايوار دئه شارلؤت راىلي أمرأ کي هسأ اۊن ٚ زنأى ايسه همبازي بۊبؤسته.

تام هاردي سال ۲۰۱۰ ايته تئاتر ٚ دۊرۊن کي اۊن ٚ نام "سۊرخ ٚ دراز ٚ راشي" ؤ اۊن ٚ کارگردان فیلیپ سیمور بۊ بازي بۊکۊده.[۱۷][۱۸] هاردي هأ سال ٚ مئن ايته جه کريستؤفر نؤلانˇ آثار دۊرۊن کي اۊن ٚ نام "تلقين (Inception)" بۊ، "ايمس (Eames)" نقش-أ بازي بۊکۊده. أ فئلم ٚ ژانر علمي-تخىؤلي ايسه ؤ ايته جه بئترين کريستؤفر نؤلان ٚ اثران شناخته به. هاردي أ فئلم ٚ مئن سينما پيله بازيگران ٚ أمرأ، لئؤناردؤ دي کاپريؤ، کيلين مۊرفي، مارىؤن کۊتيار، جؤزف گؤردؤن لويت، الن پىج ؤ ماىکل کىن ٚ مانستن همبازي بۊبؤسته. أ فئلم چار ته اؤسکار ٚ جائره بۊبؤرده ؤ IMDB دۊرۊن ۲۵۰ ته تاريخ ٚ برتر ٚ فئلمان مئن رؤتبه ۱۴ دارا ايسه.

تام هاردي، لندن، تلقينˇ فلمˇ اکرانˇ مئن

۲۰۱۱-هسأ[دچينواچين]

۲۰۱۱ سال، تام هاردي ايته دئه مؤفق ٚ فئلم ٚ مئن کي اۊن ٚ نام "مۊوارز" ايسه بازي بۊکۊده. أ فئلم ٚ ژانر رزمي-درام ايسه ؤ درباره ايته دريايي نيرۊ تفنگدار ايسه کي بعد أنکي به خۊ کشور واگرده، شه خۊ پئر ورجأ تا أن ٚ پئر کي قبلا خۊدۊش ورزش کۊدي اۊن-ه شرکت کۊدن ايته رزمي مسابقه وأسي تمرين بدنه ؤ بعدا فأمه کي وا خۊ برار ٚ أمرأ کي مالي مشکلان ٚ وأسي مۊوارزه-یه رۊی باورده رقابت بۊکۊنه. أ فئلم ني ايته جه ۲۵۰ ته تاريخ ٚ برتر ٚ فئلم IMDB مئن ايسه. هاردي خۊ بازي وأسي أ فئلم ٚ مئن ايته اؤسکار ٚ جائزه ره کانديد بۊبؤسته.

سال ۲۰۱۲ تام هاردي ايته دئه جه کريستؤفر نؤلان ٚ فئلمان ٚ مئن کي اۊن ٚ نام "تاريکي شواليه ويريزه" ايسه بازي بۊکۊده. تاريکي شواليه ويريزه آخري فئلم جه "بتمن ٚ سۊتائي مجمۊعه" ايسه. هاردي أ فئلم ٚ مئن، "بىن" ٚ نقش ٚ أمرأ کي ايته ضد قهرمان ؤ بتمن ٚ مقابل ٚ نخش ايسه ظاهر بۊبؤسته ؤ بتانسته ايوار ده سينما پيله بازيگران ٚ أمرأ، گري اؤلدمن، کريستين بىل، أن هأتأوی، مارىؤن کۊتيار، مؤرگان فريمن ؤ جؤزف گؤردن لويت ٚ مأنستن همبازي ببه. هأ سال، هاردي "بي قانۊن" ٚ فئلم ٚ مئن ني فارست باندؤرانت ٚ نخش ٚ أمرأ حضۊر بيافته.[۱۹]

۲۰۱۴ سال، هاردي "پيکي بلاىندرز" ٚ سرىال-أ اۊن ٚ دۊوؤمي فصل ٚ جه بپیوسته ؤ فصلان ۲،۳،۴،۵ مئن "ألفي سالامانز" ٚ نخش-أ کي ايته یهۊدي گنگستر ايسه بازي بۊکۊده.

تام هاردي، تؤرنتؤ، کندۊ فئلم ٚ اکران ٚ مئن

۲۰۱۵ سال ٚ مئن تام هاردي کي گلف گلف خۊ درخشان بازي أمرأ مؤفق ٚ فئلمان ٚ مئن بازيگري اؤجˇ نۊقطه-یه فأرسه بۊ خۊ کار-أ بازي کۊدن لئؤ دميدؤف ٚ نخش "زاى ۴۴" ٚ فئلم ٚ مئن ادامه بدأ. أ فئلم ٚ پس ني راني ؤ رجي کرى نخشان ٚ أمرأ کي دۊ ته دۊقؤلۊ خلافکار ايسده "أفسانه" فئلم ٚ دۊرۊن بازي بۊکۊده.[۲۰] هأ سال ٚ مئن "تۊر ٚ مکس: خشم ٚ جاده" فئلم کي اۊن چأکۊدن ٚ مرحله ۵ سال طۊل بکشه بۊ جرج میلر ٚ کارگرداني أمرأ اکران بۊبؤسته. أ فئلم ٚ مئن تام هاردي، مکس رؤتانسکي ٚ نخش-أ بازي بۊکۊده[۲۱][۲۲] ؤ شارليز تيرؤن ٚ أمرأ کي أ فئلم ٚ مئن "ايمپؤرتر فيۊریؤزا" نخش-أ بازي بۊکۊده، همبازي بۊبؤسته. أ فئلم منتقدان ٚ مثبت ٚ نظر ٚ أمرأ مواجه بۊبؤسته.[۲۳][۲۴] تۊر ٚ مکس ۱۰ ته جائزه ره نامزد بۊبؤسته ؤ ۶ ته جه اۊشان بۊبؤرده. أ فئلم گيشه دۊرۊن ۳۷۴ ميلیؤن دؤلار فرۊش بۊکۊده[۲۵] [۲۶]ؤ ايته جه بئترين أکشن ٚ فئلمان سينما تاريخ ٚ دۊرۊن ايسه. أ فئلم ايته جه ۲۵۰ ته تاريخ ٚ برتر ٚ فئلمان IMDB مئن ني ايسه.

تام هاردي، کن ٚ فستيوال، جؤرج ميلر ؤ شارليز تيرؤن ٚ أمرأ، ۲۰۱۵

هاردي هۊ سال ٚ دۊرۊن واگردسته فئلم ٚ مئن، جان فیتزجرالد ٚ نخش ٚ أمرأ حضۊر بیافته ؤ ايواردئه لئؤناردؤ دي کاپریؤ همبازي بۊبؤسته کي هيۊ گلاس ٚ نخش-أ أ فئلم ٚ مئن دشتي. واگردسته ژانر وسترن-درام ايسه ؤ اۊن ٚ کارگردان الخاندرؤ گؤنسالس اينیاريتؤ، مکزيکي فئلمنامه-نيويس ؤ کارگردان ايسه. هاردي خۊ بازي وأسي أ فئلم ٚ دۊرۊن نامزد بخترين مکمل ٚ نقش ٚ اؤسکار ٚ جائزه بۊبؤسته.[۲۷]

۲۰۱۷ سال، تام هاردي "تابۊ سرىال" ٚ مئن کي ايته بريتانیايي تلويزيؤني مجمۊعه ايسه، جىمز کزاىه ديلىني نخش-أ بازي بۊکۊده. تام هاردي أ سرىال ٚ دۊرۊن اۊنا چاپلين ٚ أمرأ کي چارلي چاپلين ٚ نوه ايسه همبازي بۊبؤسته. تام هاردي أ سرىال-أ خۊ پئر ٚ کۊمک ؤ استيون ناىت ٚ أمرأ چأگۊده.[۲۸]

۲۰۱۸ سال، رؤبن فيشر، تام هاردي بازي کۊدن "ونؤم" ٚ فئلم ٚ ره دعوت بۊکۊده. ونؤم ايته جه مارول ٚ ضد قهرماني فئلمان ايسه. أ فئلم ٚ عملکرد باکس آفيس ٚ دۊرۊن خؤب بۊ ؤ قرار ايسه اۊنه دۊمباله چأکۊده ببه.[۲۹][۳۰]

خۊصۊصي زيوش[دچينواچين]

تام هاردي تا خۊ بيس سالئگي أوائل کۊکائين ؤ الکؤل-أ اعتياد دأشتي ولي بتانسته خؤره جمع بۊکۊنه ؤ ۲۰۰۳ سال ٚ جه خۊ اعتیاد-أ ترک بۊکۊده. هاردی ۲ ژانویه ۱۹۹۹ مئن "سارا وارد" ٚ أمرأ کي فئلم ٚ تهيه کۊدنکس ايسه ايسمار بۊکۊده ولي چار سال ٚ پس همديگر ٚ جه جۊدا بۊبؤستد. ۲۰۰۳ تا ۲۰۰۴ جه، هاردي ليندا پارک ٚ شريک بۊ کي ايته کره‌اي بازيگر ايسه. هاردي ۲۰۰۵ سال ٚ جه رىچل اسپيد ٚ أمرأ کي ايته کارگردان ايسه رابطه دأشتي ؤ ايته پسر ني دأرده کي اۊن ٚ نام «لۊئیس تۊماس» (متولد ۲۰۰۸) ايسه. ۲۰۰۹ سال ٚ دۊرۊن اۊشان ٚ رابطه ۴ سال پس تمن-ه بؤسته. هۊ سال ٚ مئن تام هاردي شارلؤت راىلي أمرأ دۊ ته سرىال ٚ دۊرۊن کي اۊشان ٚ نام "گيتن" ؤ "بادگيرˇ جؤردیان" ايسه همبازي بۊبؤسته ؤ أ دۊ نفر پنج سال ٚ پس ۲۰۱۴ جۊلای ٚ مئن ازدواج کۊنده. هسأ تام هاردي ؤ شارلؤت رالي دۊ ته زاک دأرده.

فئلم شيناسي[دچينواچين]

فئلم[دچينواچين]

سال نام نقش نکته
۲۰۰۱ سیا آله کفتن لنس تؤمبلي
۲۰۰۲ استار ترک: نمسیس شينزؤن
۲۰۰۳ فرضي استراؤ
۲۰۰۳ مي نۊقطه تام
۲۰۰۳ متوسط دؤز کشنده مت
۲۰۰۴ لایه‌ئي کىک کلارکي
۲۰۰۶ مينؤتؤز تئو
۲۰۰۶ ماري أنتؤنت رامؤنت
۲۰۰۶ صحنه‌ئاني جنسي ماهیت أمرأ نوئل
۲۰۰۷ سىل زاک
۲۰۰۷ دأبلىۊ دلتا زد پير جکسؤن
۲۰۰۷ وراثت پئر
۲۰۰۸ ايوارکي مۊشت رادرز
۲۰۰۸ راک ان رؤلا هندسام باب
۲۰۰۸ برانسؤن چارلز برانسؤن
۲۰۰۹ کؤد ماىکلز
۲۰۰۹ قلدران ميمي لدر
۲۰۰۹ کامل دۊکتۊر کۊتا فيلم
۲۰۱۰ تلقين ايمز جزو آی‌-ام-دي-بي ۲۵۰ برترˇ فلم
۲۰۱۱ سرجنت اسلاوتر، مي پيله برار دن کۊتا فلم
۲۰۱۱ Tinker Tailor Soldier Spy ریکي تار
۲۰۱۱ مۊوارز تامي ريؤردن کانلن جزو آی‌-ام-دي-بي ۲۵۰ برترˇ فلم
۲۰۱۲ أن ىعني جنگ تاک هانسن
۲۰۱۲ تاريکي شوالیه ويريزه بین جزو آی‌-ام-دي-بي ۲۵۰ برترˇ فلم
۲۰۱۲ بي قانۊن فارست باندؤرانت
۲۰۱۳ لاک ايوان لاک
۲۰۱۴ کندۊ باب ساگينؤفسکي
۲۰۱۵ زای ۴۴ لئؤ دميدؤف
۲۰۱۵ تۊرˇ مکس: خشمˇ جاده مکس راکاتانسکي جزو آی‌-ام-دي-بي ۲۵۰ برترˇ فلم
۲۰۱۵ لندنˇ جاده مارک
۲۰۱۵ أفسانه رؤنالد کری / رجينالد کری
۲۰۱۵ واگردسته جان فيتزجرالد
۲۰۱۷ دانکرک فاریر
۲۰۱۷ رؤجایانˇ جنگ: آخري جدي FN-926
۲۰۱۸ ونؤم ادي برۊک / ونؤم
۲۰۱۹ فؤنزؤ آل کاپؤن در حال چأگۊدن
۲۰۲۰ ونؤم ۲ ادي برۊک / ونؤم در حال چأگۊدن

تلويزيؤني مجمۊعه[دچينواچين]

سال نام نقش نکته
۲۰۰۱ برارانˇ جرگه جان جانؤوک دۊ ته قسمت مئن
۲۰۰۵ کؤلديتز جک رز
۲۰۰۵ ملکه رابرت دادلي سۊ ته قسمت مئن
۲۰۰۵ گيدئونˇ کؤر آندره تلويزيؤني فلم
۲۰۰۶ أليف آندرؤمدا ره جان فلمينگ تلويزيؤني فلم
۲۰۰۶ سوئيني تاد متي
۲۰۰۷ خشمˇ شنل جک دانلي ۵ ته قسمت مئن
۲۰۰۷ اؤليور تۊیيست بيل سایکس
۲۰۰۷ استۊوارت: زيوش به عقب استوارت شورتر تلويزيؤني فئلم
۲۰۰۸ بادگیرˇ جؤرديان دۊ ته قسمتˇ مئن
۲۰۰۹ گيتن فردي چار ته قسمتˇ مئن
۲۰۱۳ خلافˇ جنگ خۊدۊش دۊ ته قسمت / أ سرىالˇ تهيه بۊکۊنکس ني بۊ.
۲۰۱۴ پيکي بلاىندرز ألفي سالامنز فصل ۲،۳،۴،۵
۲۰۱۶ تابۊ جىمز کزاىه ديلىني

جائزه‌'ن[دچينواچين]

سال کار جائزه نتیجه
۲۰۰۳ استار ترک: نمسيس ساترنˇ جائزه، بخترين مکملˇ نقش مردˇ بازيگر نامزد
۲۰۰۴ عربستان دۊرۊن آمان شاه بيمي لاؤرنس اؤليويرˇ جائزه، بخترين جديدˇ بازيگر نامزد
۲۰۰۸ استۊوارت: زيوش به عقب بريتانیا تلويزيؤنˇ جائزه بخترين أولˇ نقش بازيگر نامزد
۲۰۰۹ گيتن بخترين مردˇ بازيگر نامزد
۲۰۰۹ برانسؤن بريتانیا مستقل فئلمˇ جائزه - بخترين أولˇ نقش مردˇ بازيگر برد
۲۰۱۰ برانسؤن بريتانیا ايونينگ استانداردˇ جائزه - بخترين أولˇ نقش مردˇ بازيگر نامزد
۲۰۱۰ برانسؤن لندنˇ منتقدانˇ فئلمˇ أنجؤمنˇ جائزه - بريتانیا سالˇ بازيگر نامزد
۲۰۱۰ برانسؤن ويليج فئلمانˇ نظرسنجي جائزه - بخترين أولˇ نقش مردˇ بازيگر نامزد
۲۰۱۰ تلقين فۊنيکس فئلمˇ منتقدانˇ أنجؤمنˇ جائزه - بخترين بازيگر نامزد
۲۰۱۰ تلقین واشينگتؤنˇ منتقدانˇ أنجؤمنˇ جائزه - بخترين بازيگري جرگه
۲۰۱۰ تلقین اسکريمˇ جائزه - بخترين بازيگر فرار کۊدن (جه زندان) نقشˇ مئن برد
۲۰۱۱ تلقین بفتا جوائز - سينما نؤ رؤجا برد
۲۰۱۱ تلقین ام-تي-وي سينمايي جائزه نامزد
۲۰۱۱ تلقین مردۊمˇ منتخب بازيگر نامزد
۲۰۱۱ تلقین سأترنˇ جائزه - بخترين مکملˇ نقش مردˇ بازيگر نامزد
۲۰۱۱ Tinker Tailor Soldier Spy بريتانیا مستقل فئلمˇ جائزه - بخترين مکملˇ نقش مردˇ بازيگر نامزد
۲۰۱۲ مۊوارز ام-تي-وي جائزه، بخترين مۊوارزه وأسي جۊئل أجرتؤنˇ أمرأ (جؤئل أجرتؤن أمرأ) نامزد
۲۰۱۲ مۊوارز ستلایتˇ جائزه - بخترين مردˇ بازيگر نامزد
۲۰۱۲ مۊوارز نؤجوانان منتخبˇ جائزه نامزد
۲۰۱۲ تاريکي شوالیه ويريزه نؤجوانان منتخبˇ جائزه نامزد
۲۰۱۳ تاریکي شوالیه ويريزه ام‌-تي-وي جائزه - بخترين تبهکار نامزد
۲۰۱۳ تاريکي شوالیه ويريزه ام‌-تي-وي جائزه - بخترين مۊوارزه کريستين بیلˇ أمرأ نامزد
۲۰۱۳ لاک بريتانیا مستقل فئلمˇ جائزه - بخترين أولˇ نقش مردˇ بازيگر نامزد
۲۰۱۴ لاک لؤس آنجلسˇ منتقدانˇ أنجؤمنˇ جائزه - بخترين مردˇ بازيگر برد
۲۰۱۴ لاک اۊرۊپا فئلمˇ جائزه - بخترين أولˇ نقش مردˇ بازيگر نامزد
۲۰۱۵ کندۊ لندنˇ منتقدانˇ فئلمˇ أنجؤمنˇ جائزه - بريتانیا سالˇ بازيگر نامزد
۲۰۱۵ أفسانه بريتانیا مستقل فئلمˇ جائزه - بخترين بازيگر برد
۲۰۱۶ واگردسته اؤسکار جائزه - بخترين مکملˇ نقش مردˇ بازيگر نامزد
۲۰۱۶ واگردسته دالاس‌ فورت وورثˇ منتقدانˇ أنجؤمن - بخترين مکملˇ نقش مردˇ بازيگر نامزد
۲۰۱۶ واگردسته واشينگتؤنˇ منتقدانˇ أنجؤمنˇ جائزه - بخترين مکملˇ نقش مردˇ بازيگر نامزد
۲۰۱۶ واگردسته منتقدانˇ منتخب فئلمˇ جائزه - بخترين مکملˇ نقش مردˇ بازيگر نامزد
۲۰۱۶ واگردسته ام‌-تي-وي جائزه - بخترين منفي نقشˇ بازيگر نامزد
۲۰۱۶ واگردسته لندنˇ منتقدانˇ فئلمˇ أنجؤمنˇ جائزه - بخترين مکملˇ نقشˇ بازيگر سال مئن نامزد
۲۰۱۶ تۊرˇ مکس: خشمˇ جاده منتقدانˇ منتخب فئلمˇ جائزه، بخترين أکشنˇ بازيگر برد
۲۰۱۶ تۊرˇ مکس: خشمˇ جاده ام‌-تي-وي جائزه، بخترين مۊوارزه (شارليز تيرؤنˇ أمرأ) نامزد
۲۰۱۶ أفسانه لندنˇ منتقدانˇ فئلمˇ أنجؤمنˇ جائزه، سالˇ بازيگر برد
۲۰۱۶ تۊرˇ مکس: خشمˇ جاده، أفسانه ؤ واگردسته لندنˇ منتقدانˇ فئلمˇ أنجؤمنˇ جائزه - بريتانیا سالˇ بازيگر برد
۲۰۱۸ دانکرک AACTA جائزه، بخترين مکملˇ نقش مردˇ بازيگر نامزد
۲۰۱۸ تابۊ ستلاىتˇ جائزه، بخترين بازيگر نامزد

سربس[دچينواچين]

  1. https://www.telegraph.co.uk/active/8722690/Tom-Hardy-timeline.html |title=Tom Hardy timeline |work=The Daily Telegraph |date=25 August 2011 |accessdate=15 January 2014}}
  2. http://www.glamourmagazine.co.uk/celebrity/biographies/tom-hardy%7Ctitle=Tom Hardy biography - Celebrity A-Zs GLAMOUR.com|publisher=Glamour.com UK|accessdate=30 June 2013}}
  3. https://www.telegraph.co.uk/travel/ultratravel/9889047/Tom-Hardys-Travelling-Life.html |title=Tom Hardy's Travelling Life |work=The Daily Telegraph |date=18 April 2013 |accessdate=15 January 2014}}
  4. http://www.taipeitimes.com/News/feat/archives/2010/07/07/2003477285/3 |title=From misfit to Mad Max |work=Taipei Times |date=9 January 2014 |accessdate=15 January 2014}}
  5. http://entertainment.timesonline.co.uk/tol/arts_and_entertainment/film/article5846093.ece | location=London | work=The Times | title=A tough life for Bronson actor Tom Hardy | first=Kevin | last=Maher | date=5 March 2009}}
  6. https://www.theguardian.com/film/2010/jul/04/tom-hardy-actor-film-inception | location=London | work=The Guardian | title=Tom Hardy: the rake's progress | first=Alice | last=Fisher | date=4 July 2010}}
  7. http://uk.ign.com/articles/2002/12/09/an-interview-with-tom-hardy | publisher=IGN | title=An Interview with Tom Hardy | first=Steve| last=Head |accessdate=4 June 2011 |date=9 December 2002}}
  8. http://www.biography.com/people/tom-hardy-21369405#synopsis%7Cpublisher=Biography.com|accessdate=25 June 2015}}
  9. https://www.telegraph.co.uk/culture/film/8723292/Tom-Hardy-interview-Real-life-blows-that-shaped-my-acting.html |accessdate=31 December 2018 |agency=The Telegraph}}
  10. http://www.shortlist.com/entertainment/films/meet-tom-hardy%7Ctitle=Meet Tom Hardy|last=Dickens|first=Andrew|website=ShortList|access-date=23 February 2017|date=2011-09-18}}
  11. http://www.digitalspy.com/movies/interviews/a340536/tinker-tailor-soldier-spy-tom-hardy-video-interview-gary-oldman-is-my-hero/%7Ctitle='Tinker, Tailor, Soldier, Spy' Tom Hardy video interview: 'Gary Oldman is my hero'|last=Reynolds|first=Simon|date=16 September 2011|work=Digital Spy|access-date=23 February 2017}}
  12. http://www.ew.com/article/2012/08/23/tom-hardy-modeling-contest-gary-oldman%7Caccessdate=25 June 2015|work=Entertainment Weekly|date=23 August 2012}}
  13. http://screencrush.com/way-back-when-tom-hardy/%7Caccessdate=25 June 2015|publisher=screencrush.com|date=8 November 2012}}
  14. http://www.ew.com/article/2012/07/30/is-tom-hardys-star-trek-nemesis-screen-test-better-than-the-finished-film-video%7Caccessdate=25 June 2015|work=Entertainment Weekly|date=30 July 2012}}
  15. http://www.olivierawards.com/winners/view/item98547/olivier-winners-2004/%7Cpublisher=olivierawards.com%7Caccessdate=25 June 2015}}
  16. http://www.empireonline.com/features/buffed-up-actors/default.asp |accessdate =8 December 2009}}
  17. http://nwitimes.com/entertainment/columnists/offbeat/article_94b1759b-5493-569d-a55a-ef77869b1644.html%7Ctitle=OFFBEAT: Goodman Theatre's 'The Long Red Road' is brilliant masterpiece|last=Potempa|first=Phillip|date=24 February 2010|publisher=nwi.com|accessdate=22 March 2010}}
  18. http://newcitystage.com/2010/02/22/review-the-long-red-roadgoodman-theatre/%7Ctitle=Review: The Long Red Road/Goodman Theatre|last=Hieggelke|first=Brian|date=22 February 2010|work=Newcity Stage|accessdate=22 March 2010}}
  19. http://latimesblogs.latimes.com/movies/2010/12/tom-hardy-shia-labeouf-wettest-county.html%7Ctitle=Shia LaBeouf and Tom Hardy will be bootleggers|first=Steven|last=Zeitchik|work=Los Angeles Times|date=7 December 2010|accessdate=10 February 2011}}
  20. = https://www.imdb.com/title/tt3569230/%7Ctitle = Legend imbd|website = }}
  21. http://www.newyorker.com/magazine/2015/05/25/high-gear-current-cinema-anthony-lane%7Ctitle="Mad Max: Fury Road" Review|date=25 May 2015|access-date=15 June 2017}}
  22. http://moviesblog.mtv.com/2009/12/01/exclusive-mad-max-speaks-bronson-star-tom-hardy-on-his-coming-game-changer/%7Cpublisher=MTV%7Caccessdate=3 March 2011}}
  23. https://www.usatoday.com/story/life/movies/2015/05/14/tom-hardy-gives-new-life-to-mad-max-fury-road/27135973/%7Caccessdate=16 July 2015|work=USA Today|date=14 May 2015}}
  24. https://web.archive.org/web/20150518020039/http://canadaam.ctvnews.ca/movie-reviews/review-mad-max-fury-road-an-out-of-control-reboot-1.2373935 |url-status=dead |archive-date=18 May 2015 |accessdate=16 July 2015 |publisher=canadaam.ctvnews.ca |date=15 May 2015}}
  25. http://www.rottentomatoes.com/m/mad_max_fury_road/%7Cpublisher=rotten tomatoe|accessdate=16 July 2015}}
  26. http://www.boxofficemojo.com/movies/?id=furyroad.htm%7Cpublisher=box office mojo|accessdate=16 July 2015}}
  27. http://www.oscars.org/oscars/ceremonies/2016%7Ctitle=The 88th Academy Awards (2016) Nominees and Winners|accessdate=14 January 2016|publisher=Academy of Motion Picture Arts and Sciences (AMPAS)}}
  28. http://tvline.com/2015/11/23/tom-hardy-taboo-fx-drama-cast-game-of-thrones-actors/%7Caccessdate=11 August 2018|publisher=TVLine|date=23 November 2015}}
  29. https://www.cbr.com/tom-hardy-signed-three-venom-movies/%7Ctitle=Tom Hardy Is Signed for Three Venom Movies|date=25 August 2018|work=CBR|access-date=29 August 2018|language=en-US}}
  30. https://www.msn.com/en-us/movies/video/tom-hardy-signed-for-three-venom-films/vi-BBMvOti%7Ctitle=Tom Hardy signed for three Venom films|website=www.msn.com|language=en-US|access-date=29 August 2018}}