گول ِ للیک
Gulə ləlik yä Gulə bism (robinia pseudo acacia)
i där ämrikä şi isə o je u, iränə esteppi mantaqanə jangalkäri vasi istəfädə banə. xäkə farsäyeşə daştan, bädşekan sättan o paräkande jangalkäriyonebə istəfädə banə. azotə tasbit kunandegi xäsiyatə vasi, xäkə purbär koonə. i där i päye isə du jensi gul daanə. aqäqiyä xuşei o ouzin gul, pillə o atri isə o xurdädmä meen titi koonə o paizə meen bapute meevə banə.
meevə, bulandə niyäm, su tä donza säntimetr tul o i tä du säntimetr arzə daanə kə unə rang qahvei kə surx zeenə isə o be surate çantə niyäm kə itə hamsän mehvarə doura gudan, dee banə. meevan paizə meen rasanan, ammä baazi vaxton paiz o zumsonam ni xälonə sar moonan. hattä väza boon o bazronə paxşa boonə pasiyam ni niyämə qaläfon därə sə moonə. aqäqiyä därə bazr morqonei o pahn o tire xurmei rang o barräq isə o payn tä da tə bazr i niyämə meen daanə. bazron putanə zamatə pasi o paiz o zumsonə meen paxşa banan. bazrə nämiye qovvə si tä sad darsad (mutevaset haftäd darsad) isə.
i där je şiş tä haş sälegi, bazr hadanə saräginə o harçan hammatə sälon bazr deenə, vali har da säl ibär purtar bazr deenə. bazronə şaanə putanə zamatə pasi meevanə niyämə amrə jumä gudan o ibçi xuşka gudan, bazin falakan daan o zarbe zeenə yä bujäri amrə uşonə je meevə sivä gudan. çun bazronə pustə siftə, bäyad hale nakaştə uşonə timär gudan. bazronə şanə pur zamat, xuşkə jä meen daştan. timäroni kə bäyad babi, kamtar je i säat bazronə asid sulfurikə meen daxisonen va yä uşonə muxtalef zamatə meen, juşə ou meen isə.
vä gutan kə juz bazrə käştanə amrə, päjuş o rişejuş amream ni şaanə ziyäta gudan.