کادوسی

Wikipedia جي
پرش به ناوبری پرش به جستجو

کادوسیون

واسیلی ولادیمیر بارتولد یه تا از روس مستشرقون خوب کتاب میون « ایران تاریخی جوغرافیا» نویسه:" قدیمون گیلان مردوما کادوسیون تشکیل دینه که هخامنشیونه جا اطاعت نوکوردن. ایشون یا یه قسمت از ایشونا ، گیل هم دوخوندنه که گیلان خو ناما ایشون نامه جا داره. شرق گیلانم ماردان یا اماردان زندگی کوردن که سفیدرودا ایشون واستی آمارد دوخوندن.

ارمنییون خوشون کتابون میون ایشونا " کاتی شیان " دوخونن. و بنوشتن که ایشون یه تا پیلا قبیله بان.

دیاکونوف ایشون درباره نویسه: ماد پادشاهی ایشونا نتونست مطیع بوکونه. اما کوروشه جا اطاعت بوکوردن.

بعضی کتابون میون ایشونا آریایی ندونن.

احمد کسروی یه تا مقاله میون " کادوسیون، کادوشان، تالشان" بنوشته که تالشون ایشون اخلافن. و تالش منطقه احتمالن ایشون حکومتی قلمرو بیه.

اما بعضی مورخون مث راولینسون، سفید رود دره شمال و جنوبو و طارم و خلخالا ایشون وطن دونن.

مشیر الدوله پیرنیا " باستانی ایران " کتاب میون، یونانی مورخون قوله جا نویسه: " کادوسیون مردومی بن که گیلان میون زندگی کوردن. برخی گوئن ایشون تالشون جدن . تالش یونانی ترجمه ی تالوشه. کادوسیونا برخی محققون ایرانی بومیون دونن که پیش از اینکه آریاییون ایران بان- گیلان و آذربایجان شمال شرقی میون زندگی کوردن.

منبع[دچينواچين]

کتاب گیلان – جلد اول- انتشارات گروه پژوهشگران ایران – چاپ دوم- زمستان 1380 خورشیدی