چارلز ديکنز
| چارلز ديکنز |
|---|
چارلز جان هۊفام ديکنز (اينگيليسي مئن: Charles John Huffam Dickens) جه پيله ترين اينگيليسي نيويشتنکسان بؤ گه سال ۱۸۱۲ مئن به دۊنيا بۊمأ ؤ سال ۱۸۷۰ بمۊرده. چارلز ديکنز خۊ زيويش ٚ مئن خئلي محبۊبيت به دس بيأرده ؤ اۊن ٚ مأرۊف آثاران ٚ جي، دیوید کاپرفیلد، پيلا ناجئن، الیور تويست ؤ دۊ شأرˇ داستؤن-ه شأنئه نؤم بؤردن.
زينديگي نؤمه[دچينواچين]
زأکي ؤ نؤجۊواني[دچينواچين]
چارلز ۷ فوريه ۱۸۱۲ لندپؤرتˇ مئن چئه بۊبؤ، جان ديکنز اۊن ˇ پئر بؤ گ گٚري نيرۊ مئن کارگۊد، چارلزˇ پئر يته بئديکاري جؤر بيأرد ؤ اۊن ˇ کار جايي ئبه برسه کي مجبۊر بۊبؤ زيندان بۊشئه. چؤنگه چارلزˇ پئر زيندان بۊشؤبؤ مجبور بۊبؤ گه ۱۱ سالگي جي کار بؤنه، چارلز تا اۊ زمت گه پئر زيندان ˇ جي آزادا بۊن کار گود تا اۊنگه پئر آزادا بؤ يؤ چارلز بؤتۊنس هندئه مدرسه بۊشۊن.
رۊزنؤمه نيگاري ؤ ايجتيمائي کۊنشؤن[دچينواچين]
چارلز مدرسه' گه تۊمؤنأ گۊد يته ويکالتي دفترˇ مئن کار هأگيت ؤ اۊيه کار گۊد زماتی دوأرس ؤ چارلز تصميم بگيت رۊزنؤمه نيگار وکه ؤ بۊبؤ، چارلز کم کمه خۊ علاقه' دؤمبال بؤشؤ يؤ علاوه بر رۊزنؤمهˇ مئن نيۊيشتن رؤمان نيۊيسئم سرأگيت ؤ اۊنˇ رؤمانان خئلي مأروفا بؤن، ديويد کاپرفيلد، دۊ شأرˇ داستؤن، اليور تويست، کيريسمسˇ سؤرۊد ؤ پيلا ناجئن ٚ مۊسؤن.
ازديۊاج[دچينواچين]
چارلز سال ۱۸۳۶ مئن کاترين هوگاتˇ أمرأ ازديۊاج بؤگؤد ؤ اۊشؤن، دأ ته زأک بيأردن. ولي ايمه کسن ٚ جي سيوا وکتن.
مۊردن[دچينواچين]
چارلز خؤندنˇ تۊقامند بؤ يؤ أندي گه کيتاب خؤند، شؤوؤن نۊخؤت ؤ خؤتن ˇ جا مطالعه گۊد، با اۊنگه پيجشکؤن اۊن-ه هؤشدار بدأن گه خأن ويشتر ايستراحت بؤني، چارلز گۊش ندأ ؤ خؤندن ئبه ايدامه دأ تا اۊنگه اۊن ٚ جؤن(جسم) ويش جه أندازه وأکت. چارلزˇ مۊردنˇ عيللت'ني ديلˇ سيکته بؤ.
تيندار ٚ وانويسؤن[دچينواچين]
سربس[دچينواچين]
- https://fa.wikipedia.org/wiki/%DA%86%D8%A7%D8%B1%D9%84%D8%B2_%D8%AF%DB%8C%DA%A9%D9%86%D8%B2
- https://en.wikipedia.org/wiki/Charles_Dickens
- https://fidibo.com/books/author/%DA%86%D8%A7%D8%B1%D9%84%D8%B2-%D8%AF%D9%8A%D9%83%D9%86%D8%B2
- https://web.archive.org/web/20200609075319/https://clipo.tv/video/NfZJ