قالب:ویکیپدیا:دؤجین‌ببؤ وانیویس/ماه ۲۰۱۳/۰۸

Wikipedia جي

ه. لويی. رابينؤ (Rabino Hyacinth Louis) ايتا اينگليسي ديپلمات بو كی ايرانˇ مئن ايسا بو (1877-1950 م). علاوه بر سياسي كاران ايتا پيله مورخ و ايران‌‌شناس بو كی خوجير كيتاب و مقاله‌ زياد بينيويشته داره كی اوشانˇ موضوع واگرده به ايرانِˇ تاريخ و سياست و ادب. رابينو بينيويشته‌ٰن ویشتر مربوط به گيلان به. هنˇ واستي گيدی رابينو دونیا مئنˇ ايتا جه پيله گیلان‌شناسان ايسه. رابينؤ سال 1950 پاريسˇ مئن بِمَرده.

خانواده تبار[دچينواچين]

رابينؤ خانواده ريشه واگرده به كورتئميگليا (Cortemiglia)، پيئمؤنˇ (Piemont) مئن. پانزدهی قرنˇ میان، ا خانواده جی، بعضی شیدی به بؤرگؤمال (Borgomal)، آلبا (Alba) مئن. سال 1619، کؤلؤنل بارتؤلؤمئؤ (Bartolomeo) ايتا تيكه بؤرگؤمالˇ زمينانه دوک مانتو (Mantu) جا فگيره. سال 1830، جيواني رابينؤ (Jioanui Rabino) کی ا خانواده آخرين نماينده بو، اینگیلیسˇ مئنˇ زيندگي گودنˇ واسی، ايتاليا جی بشؤ.