ديواروز

ديواروز ىا ديوارˇوز ىکته قديمي شاعره کي مستˇمرد نؤمي بۊ ؤ چارؤمي قرنˇ شي ايسه.

نؤمˇ بنه

مستˇمرد خأس بۊشۊن أمير عضدالدؤلهٔ ديلمي دئن ؤ وختي بدئه اينه را ندئنن اينˇ باغˇ ديواره فچکسه ؤ نگهبانؤن اينه بىتن ؤ ببردن أميرˇ ورجه. اؤره گيلکي شعر خؤنه ؤ أمير اينه دۊخؤنه ديواروز.

زيندگي

طبرستانˇ تاريخˇ مئن اينˇ زيندگي ايتؤ بمأ دأنه: "اينˇ هر دۊ ته لقب (ديوارˇوز ؤ مستˇمرد) اين وأسي بۊ کي تبرستان أجي بۊشؤ بغداد تا بۊشۊن شاهنشا عضدالدؤلهٔ ديلمي خدمت ؤ هۊتؤکي دابه... علي پيرۊزه (عضدالدؤله دربارˇ شاعر) فۊرۊز بمأ ؤ خۊ حال ؤ هدفه اين ئبه بۊته. علي پيرۊزه وختي اينˇ شعرˇ سليس بؤن ؤ خؤبئه بدئه ؤ بۊدؤنسه کي عضدالدؤله کي فاضله اينˇ شعر ؤ گب أجي جذب بنه ؤ خۊشˇ جاجيگه عضدالدؤله ورجه خرابأبنه، اينه هأى سرگرم گۊد کي حضرت پۊر گته ؤ تي مۊسؤن چئه هلئه نشناخته، فرصتˇ سر ؤ ديراگۊده خۊ ورجه قبۊل کؤنه؛ تا شاىد تبري شاعر ئبه غؤربت چتين دککئه ؤ اۊنأجي (علي پيرۊزه) اجازه هأگيره ؤ وگرده.

چن ماه دوأرسه پسي، (ديواروز) خۊ همشهري حسادته بفأمسه. ىک رۊز کي عضدالدؤله شراب خؤري وأسي ىکته باغˇ مئن بنيشته بۊ، بۊشؤ دۊأىته باغˇ حصاره فشکسه ؤ ايواشى اۊ طرف دکته ؤ دار ؤ گۊلؤنˇ مئن دخۊته... ىک نفر اينه بدئه ؤ بىته ؤ بزن بگير أجي اينه واپۊرسئه تۊ کيسي ؤ چره اي کاره بۊدي؟ شاعر هراى بۊده ؤ امان بخأسه. سرصدا عضدالدؤله گۊش برسئه. واپۊرسئه. |ؤجا بدأن. بۊته: اينه بأرين مي ورجه.

...خۊش ؤ علي پيرۊزه نقله اين ئبه بۊته ؤ خۊ قصيده' اين ئبه بۊخؤنده. عضدالدؤله اينˇ گبˇ زۊر ؤ تازگي أجي مات بۊمؤنسه ؤ بۊته: دۊرؤ گۊني! تي مۊسؤن چي أجي اي جۊر گب عجيبه!... بازين خۊ دؤرˇوره نيگابۊده ىکته کنيزه بدئه بۊته أگه اي شعره ديگري جي خۊدتˇ نؤمي نزي، اي کنيز ئبه ىکته شعر بگۊ. گۊنه:

کۊوؤ سؤدره نيله بداؤ آىئن

واديم گته ديم اي مردمۊن وؤشاىئن

خيري نيهؤن کرد ؤ نرگس نؤماىئن

ئى خيري خۊبي داوستي وأراىئن

گۊي خۊرئشي به اين ؤ بؤمداىئن

ئى درىا وأ نيمي وأ نيۊمه آ آىئن