داغداغان
Däqdäqän (celtis australis)
i där viştar manäteqe mootadele kuhestonon o darranə meen o be surate tak där dee bunan. däqdäqänə gulon kuştay o aspe zeenə o vahärə meen dee bunə; sar äxaram ni şaftə murson meevə daanə kə itə nuxodə andäzə isə. inə koravi form meevə no tä donza milimetr tul o itə bulandə päyak daanə kə unə älbälu murson koonə. meeve putanə pasi xuşka banə o çin o çuruk viginə. meevə banafşe mutamäyel bə siyä isə o kuravi maqz kə xaşen isə daanə. meevə viştar rasenə zamat kurkdär isə.
meevə paizə aväxir o zumsonə sar xujir baputärə o şanə unə çeen. maamulan hammatə valgon bakalsə pasi meevanə juma koonan. i zamat meevə kämilan xuşkə o unə daştan äsonə. bazron tä du säl xu hayäti qudratə daanan o hatman vä itə yak sälə doura dar hälate esterähat yä ämädəgi bugzaronan o bazin bəkärdə baban.
bazron şanə raqiq asid sulfurikə meen be muddatə si tä şas daqiqə şurdan o bazin oue amrə şurdan o saräxaram ni unə payn daqiqə oueähakə meen şurdan tinə xujir timär babi. ni şanə je esträfikäsiyun, yaksäle bə istəfädə gudan.