تيرانا

تيرانا نام محلي نام Tiranë (آلبانيايي) Tirona تاريخ تأسيس ٚ زمات ۱۶۱۴ ايداري تخسيمان کيشور آلباني جؤرتر تخسيمان Tirana municipality (en) پایتخت   لیست… شهرستان تیرانا (fa) — Tirana municipality (en) — آلباني (۱۹۹۱ – ) — شهریارنشین آلبانی (fa) (۱۹۲۰ – ۱۹۲۵) — Albanian Republic (en) (۱۹۲۵ – ۱۹۲۸) — پادشاهی آلبانی (۱۹۲۸-۱۹۳۹) (fa) (۱۹۲۸ – ۱۹۳۹) — جمهوری سوسیالیست خلق آلبانی (fa) (۱۹۴۶ – ۱۹۹۱) حۊکۊمت شأردار/فرماندار Erion Veliaj (en) (۲۰۱۵ – ) جۊغرافي باره پيلئکي ۴۱٫۸ km² بۊلندي ۱۱۰ متر جمعيت جمعيت ۴۱۸٬۴۹۵ (سرشماری (fa) ) جۊزئي ايطلاعات پؤستي کؤد 1001–1028 تيلفۊن ٚ پيش‌شۊماره 4 جۊغرافي کؤد 3183875 پلاک ٚ کؤد TR وبجيگا tirana.al (آلبانيايي زوان، اينگيليسي زوان)

تيرانا (آلبانيايي زوان ٚ مئن: Tirona) آلباني پایتخت ؤ پيله شأر ايسه. أ شأر آلباني کيشور ٚ مرکز نهأ ؤ کۊه ؤ تپه أ شأر-أ دؤرأگۊده. تيرانا خۊرتاو، دجتي کۊه نهأ ؤ خۊرخۊس ٚ جه ني آدریاتيک ٚ دریا-یأ فأرسه. تيرانا دۊرۊن، ايته سال ٚ مئن ۲۵۴۴ ساعت خۊر ٚ سۊ دتاوه ؤ أ شأر اۊرۊپا گرم ؤ مرطۊب ٚ شأر محسۊب به. مؤدرن ٚ تيرانا شأر-أ ۱۶۱۴ ميلادي سال ٚ مئن، سليمان پاشا برجيني گه ایته آلبانيايي ژنرال بۊ چأگۊده. اۊ زمات آلباني، عۊثماني ايمپاتۊري شين بۊ. تيرانا ناحيه، آهین ٚ زمات ٚ جه تا هأسأ هميشک مسکۊني بۊ ؤ تاريخ‌دانان ايحتمال دهده گه أ شأر تاولانتي مردۊم ؤ ايليريا کارکيايي مرکز بۊ. ايليريا ؤ رۊم ٚ جنگ ٚ پسي، رۊم أ ناحيه-أ ايليريا جه فگیته ؤ ايته طۊلاني دؤره رۊم ٚ شين بۊ. خۊرخۊسي رۊم ٚ انحلال ٚ پسي، أ شأر بيزانس ٚ ايمپراتۊري یا هۊ خۊرتاوي رۊم ٚ ايمپراتۊري شين بؤبؤست ؤ چار قرن ٚ ره أ ايمپراتۊري تابع بۊ. أ شأر تا بيستؤمي قرن رؤنق نأشتي ولي ۱۹۱۲ مئن گه آلباني کيشور، عۊثماني ايمپراتۊري جه مۊستقل-أ بؤسته، لؤشنيه کؤنگره تيرانا شأر-أ آلباني پایتختي وأسي دؤجه ؤ تيرانا رؤشد بۊگۊده ؤ رؤنق بیگيته. تيرانا آلباني کيشور ٚ سياسي، ايقتصادي ؤ فرهنگي مرکز ايسه ؤ آلباني دؤلت أ شأر ٚ مئن مۊستقر ايسه. أ شأر ۲۰۲۲ مئن اۊرۊپا أورنایان ٚ پایتخت ٚ جایزه-أ فگيته.