ارنست بلؤخ
ارنست بلؤخ (آلماني أجي: Ernst Bloch) (۱۸۸۵ˇ ژۊئيه ما هشتؤمˇ بيچئک؛ آلمانˇ لۊدویگزهافئنˇ ميئن — ۱۹۷۷ˇ اۊت ما چارؤمˇ بمۊردأک؛ تؤبينگئنˇ ميئن) يته مارکسيستي فيلسۊف بۊ.
زيوش
[دچينواچين]بلؤخ آلمانˇ راين-لندˇ لۊدويگزهافنˇ ميئن بيچئه بۊبؤ، اۊن يته جۊهۊد خؤنواده تنأ زأک بۊ يؤ اينˇ پئر آلمانˇ راه-آهنˇ اداري وابينˇ ميئن کار گۊد. ارنست مۊنيخˇ دانشگه ميئن فلسفه ؤ روانشناسي ؤ ورتزبۊرگˇ دانشگه ميئن فلسفه ؤ سياست ؤ مۊسيقي خؤند. مۊنيخˇ دل، تئؤدؤر ليپزˇ شاگرد بۊ يؤ سالˇ ۱۹۰۸ خۊ پايان-نامه رساله-أ راجع به هاينريش ريکرت ؤ نؤکانتي-گيري بنويشت. ۱۹۱۲ برلين بۊشؤ يؤ جؤرج زيملˇ کلاسؤن-ه شرکت بؤده. اؤره جؤرج لۊکاچˇ أمرأ ريفئقأبؤ يؤ کس-کسˇ أمرأ هايدلبئرگ بۊشؤن ؤ ماکس وبر-ه ملاقات بؤدن ؤ تا ۱۹۱۴ هؤره بيسأن. بلؤخ أولي جهاني جنگˇ سرأگيتنˇ پس آلمان أجي جيويشته يؤ بۊشؤ برن (تۊيˇ سۊئيس). اؤره رؤزا لۊکزامبۊرگˇ تفکر أجي ويشته شناق پيدؤده يؤ اينˇ صلح‌خازي-ه پرستي؛ أمما أللأني مارکسيسم-ه توجه نگۊد ؤ جنگˇ تمنأبؤنˇ پسي وگرسه آلمان ؤ لايپزيکˇ دانشگه ميئن فلسفه درس بدأ. بلؤخ برعکسˇ اۊ فيلسۊفؤني گه هيتلرˇ دؤره ميئن آمريکا-ه کۊچ بؤدن، خۊرخۊسي آلمانˇ جا وگرسه خۊرتؤيي آلمان-ه. اۊن يه-مدت اؤره بيسأ تا اينکه حزبي مواضعˇ أمرأ کلله به کلله بۊخؤرده ؤ هأنده وگرسه خۊرتؤو-ه.[۱]
سربس
[دچينواچين]- ↑ بحثی دربارهٔ روح و جایگاه آن در کاخ فلسفی هگل، جواد طباطبايي وبجيگه.