Wikipedia:دؤجئه وانويس/۲۰۱۸/۰۶
باشگاهˇفرهنگي ورزشيˇملوانˇنيرۊی درياييˇبندر انزلی ديلمي سالˇ۱۵۴۳(۱۳۴۸ ه.ش) تأسيس بؤبؤسته، ألبته فقط فوتبالˇرشته مئن. اۊنˇحامي ناوبان کریم رستگاري راد بۊ کي اۊ زمات رياستˇتربيت بدنيˇنيرۊی درياييˇأنزلي اۊنˇدست دۊبۊ. مؤربي أنˇشينم بهمن صالح نیا بۊ کي معرۊف ايسه به گيلانˇفۊتبالˇپئر و خۊدشم ملوانˇبازيکؤن بۊ.
صالح‌نيا کي أنزلي مدرسه'نˇمئن مألم ورزش بۊ، اي جرگه خۊ شاگردانˇأمرأ باشگايأ چاکۊد. ملوان خۊ کارأ کيشورˇدانش‌آمۊزي مۊسابقه'ن ؤ اؤستاني مۊسابقه'نˇجا سراگيفته ؤ خيلي زۊد خؤره فأرسانئه کيشورˇلیگ دسته اول و جه هۊ أول خۊ خؤرم نتيجه'نˇأمرأ بتانسته خؤره تاوده کانۊنˇتوجهاتˇمئن.
ملوان جه ۱۳۵۲ همه‌تا ايرانˇليگانˇمئن ايسابۊ تا أنکي سالˇ۷۵ أولين وار بکفته بيجير. ملوان سالˇ۷۸ ايوارده بکفته ؤ هنده سالˇ۸۱ سوؤمين دفأ بکفته. ملوان هر سه سفره واگردسته بۊجؤر أما سالˇ۹۵ خۊ چائارؤمين سۊقۊطه تجرؤبه بۊکۊده ؤ تا هأسأم کرأ ليگˇيکˇمئن تۊپ زئندره.
تۊمامˇأ تفاسيرˇأمرأ ملوان بتانسته خؤره ايتا کارنامه‌ی مؤثبت چاکۊنه. ملوان تا سالˇ۱۳۸۰ ایرانˇبئترين تيمˇشأرستاني بۊ. ألبته بعدن سپاهان ؤ فولاد خوزستان ملوانأ ببرديدي رؤتبه‌ی سوؤم...دۊمباله