Wikipedia:تغيير مسير
تغيير مسير چيسه و به چه دردی خوره؟
[دچينواچين]ويکی‌پديا ای اجازهٰ امه‌ره هدئنه کی هر زمات کسی يه‌ته صفحه مئن بوشؤ، خودکار يه‌ته صفحه ديگره هدايت ببی و ای کاره گونن: تغيير مسير.
مثلن مومکنه کسی «دريای کاسپين» صفحه آدرسه بشی و به صورت خودکار هدايت ببی به «کاسپين» ِ صفحه.
گاگلف مومکنه يه‌ته موضع چن‌ته اسم بداری. مثلن دريای کاسپين، خزر، مازندران و.... شأ يه‌ته عونوان ِ واسی مقاله نيويشتن و باخی عونوانؤنه هدايت کودن به ای مقاله.
يا گاگلف مومکنه يه‌ته عونوانه چن‌جور بنويسن يا غلط املايی امره بنويسن. ای‌جور زماتؤن شأ او صفحاته هدايت کودن به حالت دوروس. کی اگه مثلن کسی Gilaki واسی واکوج‌دموج بئوده، هدايت ببی به Giləki.
گاگلف يه‌ته دراز ِ اسم، مخفف يا اسم اختصاری دأنه. لازمه کی «تغيير مسير» جه استفاده ببی.
«تغيير مسير» جی استفاده کودن، باعث بونه کی ويکی‌پديا مئن واموج‌دموج (search) راحت‌تر و موفق‌تر ببی و ده يه‌ته عونوان ره چن‌ته مشابه مقاله بنويشته نبی و انرژی و زمات هدر نشی.
چوتؤ تغيير مسير بديم؟
[دچينواچين]فرض بکونيد خأنيد هرکسی صفحه x مئن شونه، خودکار هدايت ببی به صفحه y. کافيه کی صفحه x مئن تايپ بکونيد: #REDIRECT [[y]] ده هيچی ننويسيد. هی کد وسه کی موخاطبه ببری به صفحه y.
چه تغيير مسيرؤنی دوروس نين و وا حذفأ بن؟
[دچينواچين]1) اگه موخاطبه سردرگوم بکونی. مثلن نوا «دريا» صفحهٰ هدايت کودن به «دريای کاسپين». چون دريا خوره تعريف و مقاله جودا دأنه.
2) اگه توهين محسوب بی. مثلن دوروس نيه کی «جنايتکار» صفحهٰ تغيير مسير بديم به «صدام» يا «هيتلر». ای کار نه منطقی ايسه و نه علمی.
3) اگه به موخاطبه به صفحه‌ای هدايت بکونی کی هنوز چاکوده نوبؤ و وجود ندأنه، دوروس نيه.