پلأپۊچان

Wikipedia جي
پلأپۊچان
کۊللي ايطلاعات
کار
پختن (fa) ترجمه
storage (en) ترجمه ویرایش مقدار در Wikidata

پلأپۊچان یا مطبخ یته اۊتاق یا بينه‌اي اۊتاق ٚ جي هيسه گه پلأپۊچي یأ غذاچاکۊني ره، سره یا تجاري تأسيسات ٚ مئن کارأیتن بۊنه. یته ايسٚکي مسکۊني پلأپۊچان مئني-قشر ٚ مئن، عۊمۊما کله یأ سينکي گرم أ سرد ٚ آو ٚ روٚش ٚ جي بأني یخچال أ طاق أ کابينت-ه دپيچاره. پۊر خانٚوارؤن مایکرؤوٚیو أ ظرفشۊر أ دئبأخي ايلئکتٚرٚکي لوازم‌خؤنه-ني دأرن. پلأپۊچانؤن ٚ اٚصلي ايستفاده‌أن غذا ٚ وارندۊتن أ تهيه یأ چاگۊدن (بأني تيندار ٚ کارؤن ٚ اٚنجؤم ظرف شۊردن ٚ مۊسؤنچي) هيسن. اۊ اۊتاق یا فضا مۊمکنه ناهارخؤري (یا کۊچئه غذایي وعده‌أن صۊبؤنه مۊسؤن)، سرگرمي یاگه ليواس‌شۊري رأن کارأیتن بؤبۊن. پلأپۊچان ٚ طراحي یأ ساجش یته پيلا واجار دۊنیا مئن هيسه.

تجاري پلأپۊچانؤن مثلا رستۊرانؤن، کافه‌تریا'ن، هۊتلؤن، ويمارگه‌‌أن، یؤمۊجشي یأ کاري اماکن، سالدات‌خؤنه‌أن أ مؤنا مؤسسات ٚ مئن مؤجۊد هيسن. ايته‌چي پلأپۊچانؤن عۊمۊما پيلاتر هيسن أ مئتتر أ سنگين‌تر تجهيزات ٚ دارا هيسن. مؤنه ره یته پيلا رستۊران مۊمکنه پيلاچي یخچالي یته اۊتاق ٚ اٚبعاد ٚ اٚرأ یاگه یته پيلا تجاري ظرفشۊري-ماشين ٚ دارا بؤبۊن. گاگلف تجاري پلأپۊچانؤن ٚ تجهيزات مثلا رستۊراني سينک ٚ جي خؤنه مئن‌-أني ايستفاده بۊنه ايندؤني گه سهۊلت ٚ ايستفاده یأ قوي مؤنيني دأرن.[۱][۲]

پيشأکته کيشورؤن ٚ مئن تجاري پلأپۊچانؤن به طؤر ٚ کؤللي عۊمۊمي بٚیداشت ٚ قوانين ٚ مشمۊل هيسن. اۊشؤن رج به رج عۊمۊمي بٚیداشت ٚ مۊتٚصددئن ٚ جي واويني بۊنن أ درصۊرتي گه بٚیداشتي ايلزامات-ه بنأ-زاکۊن ٚ طبق رعایت نؤنن، پؤلمپ بۊنن.

سربسؤن[دچينواچين]

  1. https://web.archive.org/web/20190330022733/https://www.homedecorexpert.com/the-pros-and-cons-of-using-a-commercial-sink-at-home.html
  2. "The commercial kitchen at home: pros and cons"