پس‌وگرد (۲۰۰۳ فيلم)

پس‌وگرد (رۊسي مئن: Возвращение) ىته رۊسي فيلم آندری زياگئنسيف ٚ چاؤدأر ۲۰۰۳ مئن هيسه. فيلم دۊ ته وچه درباره هيسه گه اۊشؤن ٚ پئر دؤنزأ سال ٚ پسي وگردسه ىأ ايسه خأنه سۊ رۊز ٚ ره اۊشؤن-ه تفريح بؤبۊره. اي فيلم ونيز ٚ فيلم ٚ فستيوال ٚ مئن بؤتۊنسه زرن شير ٚ جاىزه-أ وأهينه.

داستؤن

مردي دؤنزأ سال ٚ پسي خؤنه-أ وگردنه؛ جاىي گه اۊن ٚ زنئه خۊ دۊ ته پسر ٚ همرأ (وانيا ىأ آندره) زيندگي دره. وچه‌‌أن هيچ شناغي پئر ٚ جي ندأرن أ حتی نؤدؤنن گه اي بند ٚ مئن اۊن کۊىه هيسأ بؤ ىأ ايسه کۊىه جي وگردسه. مئتتر وچه (آندره) پئر ٚ هيسأبؤن ٚ جي خۊشحال هيسه ىأ دره دا اۊن ٚ رضاىت-ه جلبأکۊنه. ولي کۊچتر وچه مشکۊک بؤبه ىأ تازه‌‌بۊمأ مردؤنه-أ اعتمادي ندأره. پئر اصرار دأره گه وچه‌أن-ه دۊ-سۊ رۊز یته تفريحي سفر بؤبۊره. راغ ٚ مئن پئر أ وانيا مئنأ تتريج تنش پيشأنه.  پئر ىته کم‌حرف، مرمۊز أ تۊند ٚ مردؤنه هيسه گه وچه‌أن-ه خۊشۊنت، زأن-گنس، اٚلکۊل ٚ واخؤردن أ چتن ٚ کارؤن ٚ ره ايجبار کۊنه. اۊن اۊشؤن-ه ىته مترۊک ٚ جزيره مئن بؤره ىأ ايصرار دأره اۊشؤن یته بۊرجک ٚ جي جؤر بؤشۊن. وانيا امتناع کۊنه ىأ پئر ٚ خازشؤن-ه اٚنجؤم ندنه آخرپس-ه...

سربس

Wikipedia contributors، «The Return (2003 film)،» Wikipedia, The Free Encyclopedia, http://en.wikipedia.org/w/index.php?title=The_Return_(2003_film)&oldid=482564007 (accessed May 24, 2012).