وبمۊج

Wikipedia جي

وبمۊج ىا وبمج{سربس خأنه امما ندأنه!} (اينگيليسي مئن: Web browser ) ىته کاربردي نرمبزار هيسه جهاني وبˇ اطلاعاتي سربسؤنˇ وأچرسنˇ ره ؤ اۊشؤنˇ بازىابي ؤ ارائه ره. ىته اطلاعاتي سربس، ىۊ.آر.ئل (URL)ˇ همرأ شناخته بۊنه که تۊنه وب ولگ ؤ ويدئؤ ؤ دئباخي اطلاعاتي جۊرؤنه شامل بؤبۊن.[۱]

هرچند وبمۊجان جهاني وبˇ دسرسي ره طراحي بؤبؤن امما اۊشانˇ جي شأنه به سيستم فاىلانˇ پرونده'ن دسرسي دأشتن ؤ ىا وب سرورانˇ اطلاعاته که خصۊصي شبکه'نˇ مئن نأن دس فأرسئن.[۲]

جۊرˇ ديگه شأنه گۊتن کي وبمۊج، ىته برنامه هيسه گه سرويسهأدأنگرؤن واخؤأکؤنه کي اينترنتˇ کارگيرؤن چي بخأسته'ن. وبمۊج ضرۊري ترين اينترنتي نرمبزار هيسه که کاري کؤنه کي کارگيرؤن بۊتؤنن وبˇ ولگؤنه وأچرن ؤ مؤفيد اطلاعاته هأگيرن. در واقع ىته برنامه ايسه که کارگيره قادرانه وبˇ سٚنٚدؤنˇ وؤته[۳] بخؤنه ؤ تاتاىئنه[۴] بىنه.[۵]

کارأىتنˇ سهم وبمۊجان جي، برطبق StatCounter

وبمۊجانˇ مئنأ خۊجيرترينان فاىرفاکس ؤ اينترنت اکسپلؤرر ؤ گۊگل کؤرؤم ؤ اؤپرا ؤ سفري هيسن.[۶]

اي رۊزؤن وبمۊجان تۊنن ئچ.تي.ئم.ئلˇ وبˇ ولگانه نماىش بدن. أسأ وبمۊجˇ هدفه شأنه ايته واگۊىه گۊتن: ئچ.تي.ئم.ئلˇ سندانه خؤندن ؤ اۊشانه نماىش دأن.[۷] وبمۊجان، ئچ.تي.ئم.ئلˇ تگانه نشؤن ندنن، ولي اۊشانه کارأگيرن تا مشخص بؤنن که سندان چۊر ؤ چۊته نماىش بدأ بؤبۊن.[۸]

سربس[دچينواچين]

  1. اينگيليسي ويکي جي گيتن بؤبه
  2. اينگيليسي ويکي جي گيتن بؤبه
  3. وؤت | text | پيشنهاد ورگي http://v6rg.com/?p=1584
  4. تاتاىي | image, picture | پيشنهاد ورگي | http://v6rg.com/?p=1584
  5. سيستمهای اطلاعات مدیریت پیشرفته. دکتر سرلک ؤ حسن فراتی. انشارات پیام نور
  6. اينگيليسي ويکي جي گيتن بؤبه
  7. http://www.w3schools.com/html/html_intro.asp
  8. http://www.w3schools.com/html/html_intro.asp