مصطفى خىاطي

Wikipedia جي
پرش به ناوبری پرش به جستجو

مصطفى عمر خىاطي ىکته تۊنسي نيويشتنکس ؤ کۊنۊشگر ؤ مؤورخ ايسه.

زيندگي[دچينواچين]

خىاطي، سيتۊاسيۊنيسمˇ بىنألمللˇ مئن ىکته أصلي عؤضو بۊ کي بازۊن چۊن حس گۊد وظيفه دأنه خۊ زۊر ؤ تؤنشه بنئه فلسطينˇ رهاىي وأسي، سيتۊاسيۊنيستؤنˇ جي استعفا بدأ.[۱]

سيتۊاسيۊنيستˇ بىنلملل[دچينواچين]

وختي گه خىاطي استراسبۊرگˇ مئن دانشجۊ بۊ، سيتۊاسيۊنيستؤنˇ نشريه' جي، راؤل ونئگئمˇ بنويشته'نأ جي اينˇ همرأ آشنا بنه. چن سور بازۊن، اين ؤ اينˇ رفيقؤن وختي ويشتر اۊشؤنˇ نشريه شماره'نه بۊخؤندن، خۊ رفيقؤنˇ همرأ تصميم بىتن خۊشؤنˇ دانشگا جامعه-شناسي اۊسته، آبراهام مۊلˇ سر ىکته عمليات انجؤم بدئن. آبراهام مۊل کسي بۊ کي خئلي ساىبرنتيکˇ جي دفاع گۊد. ايشؤنخأستن اينˇ کؤنفرانسه کي ۱۹۶۵ ميلادي، مارس، استراسبۊرگˇ مئن بنئه بهم دکالن. ايتؤ بۊ کي مؤکاتبه' جي، گي دؤبؤرˇ همرأ هماهنگ بۊدن ؤ ىکته تراکئت بنويشتن، "آؤلاکۊ ويترينˇ مئن" ؤ واتينأدأن. اي تراکئت باعث بۊبؤ اي دانشجؤن أول هيتؤ بازين رسمي بۊبۊن سيتۊاسيۊنيست. ايشؤن پيشتر ۱۵۳۹، "الجزاىر ؤ باخي کشورؤنˇ انقلابئنه خطاب"ˇ وؤته پخشأگۊده بؤن.[۲]


وؤت[دچينواچين]

الجزاىر ؤ باخي کشورؤنˇ انقلابئنه خطاب (۱۹۶۵ ميلادي | ۱۵۳۹)[۳]

  • طبقاتي جنگ، الجزاىرˇ مئن (۱۹۶۶ ميلادي | ۱۵۴۰)[۴] (گي دؤبؤرˇ همرأ[۵])
  • دأنيئل گرينˇ ألجزاىر (۱۹۶۶ ميلادي | ۱۵۴۰)[۶]
  • أسير کلمه'ن: پيشاشۊ ىکته سيتۊاسيۊنيستي فرهنگنامه به (۱۹۶۶ ميلادي | ۱۵۴۰)[۷]
  • راجه به دانشجۊىي زيندگي سۊتالي (۱۹۶۶ ميلادي | ۱۵۴۰)[۸]
  • ده رۊزي گه دانشگا' دپرکؤنئه (۱۹۶۷ ميلادي | ۱۵۴۱)

راجه به دانشجۊىي زيندگي سۊتالي[دچينواچين]

سال ۱۹۶۶ ميلادي نؤوامبر، وختي گه استراسبۊرگˇ دانشگا دانشجؤن، خۊشؤنˇ دانشجۊىي اتحاديه' راتؤدأن، سيتۊاسيۊنيستؤنˇ جي بخأستن کي استراسبۊرگˇ دانشگا نقد گۊدنˇ مئن ايشؤنه ىاور بدئن ؤ ايتؤ بۊبؤ کي راجه به دانشجۊىي زيندگي سۊتالي بنويشته بۊبؤ. هلئه هيچي نۊبؤ دانشجؤن تۊنداتۊند بۊشؤن ؤ اي جؤزوه' تحصيلي کۊمک هزينه'نأ جي ۱۰,۰۰۰ ته تکثير بۊدن ؤ ىکته جشنˇ مئن کي تازه تحصيلي سالˇ وأسي بىته بۊبؤ بۊ پخشأگۊدن.[۹]

وختي سال ۱۹۶۸ ميلادي اۊرۊپا مئن مى ۶۸ جۊمبش پيش بمأ، گي دؤبؤرˇ (ىکته دئه سيتۊاسيۊنيست) تماشا جامعه کتاب ؤ خىاطي راجه به دانشجۊىي زيندگي سۊتالي کتاب أجي نقلˇقؤل دؤجين گۊدن ؤ پاريس ؤ ىپاره ديگه شهرؤنˇ ديوارؤنˇ سر نيويشتن. [۱۰]

سيتۊاسيۊنيستؤنˇ جي سيوا بؤن[دچينواچين]

خىاطي سال ۱۹۶۹ ميلادي (۱۵۴۳ کۊرچ ما ۲۶) سيتۊاسيۊنيستؤنأ جي سيوا بۊبؤ ؤ خۊ استعفانامه مئن بنويشته کي بئتر دؤنه بۊشۊن عربي ملتؤنˇ انقلابي دپرکؤنˇ مئن حقسأى بۊکۊنه.[۱۱]


ويشتر بۊخؤنين[دچينواچين]

سربس[دچينواچين]

  1. مصطفى خىاطي استعفانامه. (اينگيليسي وگردؤن)
  2. بگۊبشتؤ مصطفى خىاطي همرأ (ژرار برئبي). ۲۰۱۴، ژۊيه ۴. وگردؤن: بهرۊز صفدري.
  3. Mustapha Khayati. Address to Revolutionaries of Algeria and all other Countries. Published clandestinely in Algeria as a pamphlet, July 1965.
  4. Mustapha Khayati. Class Struggles in Algeria. December 1965.
  5. بگۊبشتؤ مصطفى خىاطي همرأ (ژرار برئبي). ۲۰۱۴، ژۊيه ۴. وگردؤن: بهرۊز صفدري.
  6. Mustapha Khayati. The Algeria of Daniel Guerin. Internationale Situationniste #10 March 1966.
  7. CAPTIVE WORDS; Preface to a Situationist Dictionary.
  8. مصطفى خیاطی. درباره‌ی فقر و فلاکت در محیط دانشجویی. وگردؤن: بهرۊز صفدري.
  9. Vague, Tom (1997). Anarchy in the Uk: the Angry Brigade. Stirling: AK Press. pp. 13–14.
  10. René Viénet (1968). Enragés and Situationists in the Occupations Movement. (Translated by Loren Goldner and Paul Sieveking, New York: Autonomedia, 1992), sec.1
  11. مصطفى خىاطي استعفانامه. (اينگيليسي وگردؤن)