مانلي
مانلي ايته أفسانه‌اي آوزئو مؤجۊد ايسه کي اۊن ٚ سر ؤ بۊجؤر تنه مٚل ٚ انسان-أ مأنه ؤ اۊن ٚ بيجير تنه ماهيان-أ مأنه. مانلي هأتؤ ني به عنوان ايته گيلکي قشنگ ٚ نام کؤران ٚ ره رائج ايسه. مانلي أفسانه‌ئن ؤ داستانان ٚ مئن مأمۊلن أتؤ تؤصيف بۊبؤسته کي دریا ساحل ٚ ورجأ شأ اۊن-أ دئن ؤ اۊن ٚ ايته دس ٚ مئن شانه دره ؤ خۊ مۊ-یه شانه زئندره ؤ اۊن ٚ اۊىته دس ٚ مئن ني آىنه دره. اي سري قصه‌ئن ٚ مئن مانلي آتي تفاقان-أ جه پيش دينه، گاگلف خۊ نيرۊ-یه کي ماورايي ايسه آدمان-أ بخشه ؤ گاگلف ني آدمان تۊغامند به ؤ اۊشان-أ دریا جير بؤره تا اۊشان ٚ أمرأ زيوش بۊکۊنه. مانلي سيرن ٚ أمرأ کي ايته یۊناني أفسانه‌اي مؤجۊد ايسه پۊر شباهت دأره.[۱]
مانليان ويشتر أفسانه‌ئن ٚ مئن ايته مهربان ؤ مثبت ٚ شخصيت ايسده ولي گاگلف نيويشتنکسان خۊشان اي سري داستانان ٚ مئن ني مانلي-أ منفي شخصيت ٚ أمرأ خلق بۊکۊدده کي اۊشان ٚ کادؤ بدىمني آوِرِه، أگر ناراحت ببد دریا مئن طۊفان ايجاد کۊنئده ؤ اۊشان ٚ دئن، خبر جه پاراخۊت ٚ دمردن دنه. اي سري جه مانليان راىن ٚ رۊخان ٚ لؤرلای مأنستن کي ايته آلماني داستاني شخصيت ايسه مالاىان ؤ ملوانان-أ فريفتيدي ؤ اي سري دئه ني اينگيليس ٚ زنؤر ٚ کليسا مانلي مأنستن مردان-أ گۊل زئدي ؤ دریا جير بؤرديد تا اۊشان ٚ أمرأ بزيون.[۲][۳]
کۊچي مانلي داستان ٚ دۊرۊن کي هانس کریستین أندرسن ۱۸۳۶ سال ٚ مئن اۊنه بينيويشته أتؤ نقل بۊبؤسته کي مانليان-أ جخترأ شه کي آدمان نتانن اۊشان ٚ مانستن آو ٚ جير تنفس بۊکۊند ولي برخي رواىتان ٚ مئن ني أتؤ گده کي مانلي ايته بخش جه خۊ نيرۊ ؤ توانايي-أ به انسان بخشه تا بتانه خۊ مانستن آو ٚ جير نفس بکشه ؤ اۊن ٚ أمرأ زيوش بۊکۊنه. مانلي أفسانه ويشتر دابان ٚ مئن جه آشۊريان ؤ بابِل ٚ تمدؤن تا دئبار ٚ ىۊنان شأ دئن. اي سري اۊرۊپايي أفسانه‌ئن ٚ مئن مانلي تانه آدمان-أ به اۊشان ٚ ناجه فأرسانه ؤ ژاپؤن ٚ مئن ني مأرۊف ايسه کي مانلي گۊشت تانه باعث جواني ؤ أبدي زيوش ببه.
._Funchal,_Madeira.jpg)
برخي گده أ خيالي آوزئو-أ چأکۊدن اي سري آوزئو پستانداران ٚ وأسي، دۊگانگ ٚ مأنستن بۊ کي دریا ساحل ٚ ورجأ خۊشان ٚ زاکان-أ شير فدأدي ؤ اۊ زمات آدمان ٚ مأنستن جلوه بۊکۊده بؤن.
سربس[دچينواچين]
- ↑ https://web.archive.org/web/20080513031257/http://encarta.msn.com/encyclopedia_761568767/Mermaid.html | عنوان = پری دریایی | تاریخ بازدید = ۲۰ فروردین ۱۳۸۷ | سال = ۲۰۰۷ | ناشر = دانشنامه انکارتا (آنلاین) | زبان = انگلیسی | archiveurl = https://web.archive.org/web/20080513031257/http://encarta.msn.com/encyclopedia_761568767/Mermaid.html | archivedate = ۱۳ مه ۲۰۰۸ | dead-url = yes }}
- ↑ Zennor, Cornwall, Eng.
- ↑ http://www.britannica.com/eb/article-9052153/mermaid | عنوان = پری دریایی | تاریخ بازدید = ۲۰ فروردین ۱۳۸۷ | سال = ۲۰۰۸ | ناشر = دانشنامه بریتانیکا | زبان = انگلیسی}}