لی
Li yä le där (ulmus)
i jens, çantə bä arzeş gunə daanə kə şanə je malj o oujä näm burdan kə je bä arzeş o sanati gunan bə hisäb hanan. i däron i päyə isan o viştar işonə titen du jensi isan (yaani itə titi, ham nar o ham mäddə andomə daanə). işonə titen, vahärə meen o piş az ikə işonə valgon dar bay, dar hanan o inə meevanam aväxirə vahär rasanə. meevə bäldär fanduqei isə kə mäi pulakə murson şaffäf o zarifə o fanduqe bazr, kuştay barjastege monə kə vasat yä pulakə joor hanna. bazr kuştaykə o itə kuştäy adasə monə. i däron je javoni vaxt, yani haş tä ponza sälegi bazr deenan, vali har du tä su säl i bär pur bazr deenan.
närvan däronə bazrə, şanə hu vaxti kə barase, zaminə sar juma gudan. bazr pur zarif o sabuk isə o bädə amre surati paxşa banə. ito isə kə itə aftoui rujə meen kə vä bädam nanay, xälonə faläkan dahan o inə bazronə fiçen.bazronə xuşka gudan o işonə bälonə judä gudanə vasi, bäyad deqqat babi kə i bazron be jir o joor boonə damä hassäs isan o işonə javonəzani äsib inə.