فرامرز دعایی
فرامرز دعایی (به دۊنيا بامؤ سال ۱۳۳۱ لشتˇ نشا مئن ، شمسي تقويم - ۱۵۲۵ يا ۱۵۲۶ ديلمي تقويم ) ايتأ خؤندنکس ، شاعر و سازنچي ايسه و پيله گئل خؤنشگر ايسه و اۊن ˇ سبک پاپ ايسه و گيلکان ميان خيلي محبوب ايسه؛ و اؤن ˇ مزقانان گيلکي زبان ايسه.اما اۊن تجربه ˇ بينيويششته-كس و کارگرداني و بازيگري تئاتر ˇ مئن را اۊن ˇ کارنامه ˇ هنري دره.
تۊضيحات ˇ زيوش ˇ فرامرز دعایی
[دچينواچين]اۊن سال ۱۳۳۱ شمسي تقويم و ۱۵۲۵ يا ۱۵۲۶ ديلمي تقويم بخش ˇ لشت نشا مئن توابع ˇ رشت ˇ جي گيلان ˇ اۊستان به دنيا بامو. ۵ سالگي ˇ جي اۊن ˇ استعداد رو ببوست. اۊن نوجواني ˇ جه نواختن ˇ سازˇ ويلن را توسط اۊن ˇ پئر نورالدين دعايي آموتٚ که دئبار نوازندگان ˇويلن ˇ جي ايسه بؤ. اۊن خو براران ˇ شاعرˇ امرأ (کيۊمرث و محمد و فرزاد) نزد ˇ پئر هنر آموتٚ و نفر ˇاول ˇ مزقان ˇلشت نشا مدرسان ببوست و رامسر ˇ اردۊ أ راه پيدا کۊد. ديپلم ˇ ادبي و دۊ زأک دره.
شروع ˇ کاران ˇ هۊنری
[دچينواچين]اۊن خو رسمي فعاليت راٚ مزقاني امرأ آغاز ˇ کۊد کي اۊن ˇ ناٚم شکايت ايسه و سال ۱۳۴۵ (شمسي تقويم) و سال ۱۵۳۹ يا ۱۵۴۰ (ديلمي تقويم) منتشر ببوست. اۊن هماٚن سال ˇ جا مزقاناني راٚ گيلکي زبان أ گيلان ˇ راديو مئن اجرا بۊکۊد که اۊن ˇ تۊن ˇ اۊخان خۊجير بؤ. کساني که اۊن ˇ جي همکاري بۊکۊدن منوچهر ویسانلو ویؤلؤن ˇ امرأ، احمد سیگارچی عۊد ˇ امرأ، هوشنگ افتخاری ضرب ˇ امرأ، داریوش علیزاده سنتۊر ˇ امرأ و جمشید مرادي ویؤلؤن ˇ امرأ اشاره کۊد.
سازنچي و شاعري
[دچينواچين]فرامرز دعايي سازنچي و شاعري مئن چند قطعه خو کارنامه دره.گولي جان ˇ مانستن که فريدۊن پۊررضا أن راٚ بۊخۊند.يا سازنچي و شاعري آلبوم ˇ ناز بداشته وأسي که جواد آراد بخت أن راٚ بۊخۊند.
نوازندگي
[دچينواچين]ايشؤن تٚنست ايپچي ضرب و سنتۊر بجنه اما خو تخصصي ساز ويلن ايسه.
هنده خؤنش مزقان توسط ˇدیگر خؤنشگران
[دچينواچين]سال ۱۳۹۳ شمسي تقويم و ۱۵۸۷ يا ۱۵۸۸ ديلمي تقويم ، مزقان ˇ بيا مره ياري بدن که فرامرز دعايي أن راٚ بخانده ، توسط ايتأ خؤنشگر به ناٚم شاهين نجفي هنده خؤنش ببؤست
اثران
[دچينواچين]پيشا ˇ انقلاب ˇ جي
[دچينواچين]- فاصله
- پیغام (فارسی و گیلکي)
- بهانه
- خاموش
- گرفتار
- فریده
- گولي جان
- مرا بزن حق داري
- مره تنها بنه‌اي
- اگه ميدس برسه
- بیا مره یاري بده(مزقاني که اۊن ˇ وسيله أ مشهۊر ببۊست)
- تی ناز مره بایه
- هیچي به دنیا نمانه
- مگه مگه می‌دیل خدا نره
- گول مریم
- به به به چي عجب یاد فقیران بکودي
- فصل بهار لاکوی
- فدایي (شعري شیون فومنی ˇ جي)
بعد ˇ انقلاب ˇ جي
[دچينواچين]۱۳۸۲ شمسي تقويم و ۱۵۷۶ يا ۱۵۷۷ ديلمي تقويم / زاکی جان / شعر و ملودي فرامرز دعايي ˇ جي /تنظیم استاد منوچهر ویسانلو / ناظرˇ ضبط آ شهاب آزادي وطن
۱۳۹۲ شمسي تقويم و ۱۵۸۶ يا ۱۵۸۷ ديلمي تقويم / نصیحت
۱۳۹۹ شمسي تقويم و ۱۵۹۳ يا ۱۵۹۴ ديلمي تقويم / چمخاله