شَله مؤن

Wikipedia جي
پرش به ناوبری پرش به جستجو

شَله مؤن' ایتَا شهر جه اوستان گیلان شهران در ایسِه. اَ شهر بخش مرکزی شهرستان لنگؤرۊد میئَن نَهَأ[۱]

بر اساس سرشوماری سال ۱۳۹۰ شله مؤن جمعیت برابر با ۵٬۱۸۴ نفر بو.[۲]

شَله مؤن مسیر رودسرلنگرود و گیلانه خورتاو دۊرۊن قرار بیگیفته و تشکیل بۊبۊسته جه محله‌ئان: بالا محله، بیجارپشت محله، خالجیر، سیدعلی کیا، قاضی محله و شوره باغ(-شروع باغ) ایسِه.

ایسم[دچينواچين]

اَ شهر ایسم اول به صورت شَله مؤن بو، که نام اصلی و درست اَ شهر ایسه و یعنی جایی که اونه میئَن شَلِه(نوعی کرم ابریشم) پرورش دِهیدی و مؤن هم پسوند مکان ایسه.

بعداً او زمات کی خاسید اَسامی شهرانه ثبت بوکونید اونه ایسم به اشتباه به شلمان ثبت بوبوسته.

زِوان و مَردۊم[دچينواچين]

اَ شهر مَردۊم گیلک ایسید و اۊشانه زِوان هم گیلکی ایسِه.

کشاورزی[دچينواچين]

«بِج» عمده محصول شَله مؤن ایسه و پرورش نوغان هم اویِه رونق خاصی دره. اراضی شلمان، جه نوع اراضی جیردی(جلگه‌ای) گیلان محسوب بِه که به دلیل مساعدی شرایط اقلیمی، خاک‌ و دسترسی منابع آب، ایتَا مکان مهم فعالیت کشاورزی ره ایسه و اونِه زمینان مئن ای سری محصولات مثل بج، چِئی، شَله، انواع سبزی، صیفی و مرکبات کشت بِه. وارِش‌ئان قوی اوخر شهریور و اوایل پِئیز واستی هر سال اَ ماه‌ئان دورون روخانان طغیان کونیدی که باعث وارد بوستن خسارات به کشاورزی زمینان و طبیعت بِه.

بازار محلی شَله مؤن[دچينواچين]

اَ شهر دوشنبه بازار هم، قریب به ده سال ایسِه که روج‌ دوشنبه و باخی گیلانی بازاران مانِستَن اَ شهر مرکز دورون برپا بِه.به جز اَ بازار، شَله مؤن دائمی بازار هم جه رونق فراوانی برخوردار ایسِه و کشاورزان بخشی جه خوشان محصولاته، مغازه‌ئان جلو فروشیدی. اَ بازار محل، خیابان شهرداری جه اوساده بوبوسته و به اول خیابان ورودی قاضی محله بیافته.

شَله مؤن دیدني مکانان[دچينواچين]

جه دیدني مکانان اَ شهر تانیم به باغ فلات -فلاحت(باغ کشاورزی)و مسیر شله‌مؤن رۊخان ایشاره بۊکۊنیم. هَأتویَم باغات توت و بیجاران و امام زاده شاه اؤلیا جِه باخي دیدني منطقه‌ئان ایسِن.

شَله مؤن روخان[دچينواچين]

شَله مؤن روخان جه کوه‌ئان البرز سرچشمه بیگیفتِه و جه کوه و جیردی مناطقان گوزره و آخرم کاسپی‌دریا دورون فیوِه. اَ روخان، شَله مؤن به دوته بخش خورخوسی(غربی) و خورتاوی(شرقی) تقسیم کونه. قاضی محله، سید علی کیا و خالجیر خورتاب بخش، و مرکز شهر «بازار»، بیجارپشت محله و بالا محله، خورخوس بخش میئَن نَهَئید.

بواسطهٔ شَله مؤن روخان قبلا «صید ماهی»، ایتَا جه راهان امرار معاش عدهٔ زیادی از منطقه اهالیون بو، اما اَ روج‌ئان با کاهش استخوانی و غضروفی ماهیان، صید تنها برخی گونهٔ ماهیان، اونَم به صورت تفننی اونه دورون انجام گیره.

اَ روخان در ورود به جلگه در عرض کمی در بستر آب‌رُفتی عریضی جریان دره. جه حدود چند صد مِتِر بوجورتر جه شَله مؤن پورد، محور جادهٔ لنگرود- رودسر رو، بستر رودخانه تنگ با دیوارهٔ نسبتاً بلند ایسه. جنس بستر در اَ ناحیه مارن ساحلی ایسه. بعد اَ ناحیه، روخان در مسیری از سنگان دانه‌ریز، با پیچ‌وخمان زیاد تا کاسپی دریا جریان دره.

شَله مؤن خشتي پۊرد[دچينواچين]

«خشتی پۊرد، شَله مؤن ٚرۊخان رؤ قرار دره.جه أ پۊرد که ظاهراً چارته دهنه دِشتي، آثاری در ۱۰۰ متري پۊرد نِسا(جنوب) فانرسِه به شَله مؤن زمین فوتبال دیده به.

  1. اطلس گیتاشناسی استان‌های ایران، تهران ۱۳۸۳خ.
  2. قالب:یادکرد وب