سیاکلˇ تفاق
سياکلˇ تفاق گه سياکلˇ عمليات، سياکلˇ حماسه ؤ سياکلˇ چريکي قيام يا سياکلˇ جۊمبش أن دۊخؤندنن سازمان چریک‌های فدایي خلق ایرانˇ هوادارؤنˇ مۊسلحانه حمله سياکلˇ ژاندارمري پاسگه' بۊ. اي حمله ۱۳۴۹ بهمن ما ۱۹ به هدفˇ آزاد گۊدنˇ يته دسگير بۊبؤ عضو أنجام بۊبؤ. اي درگيري ميئن ۳نفر چريکؤنˇ جي بمۊردن ؤ ۱۰نفر دسگير ايمأ اعدامأبؤن. يان ريشار ؤ نيکي کدي قؤلي اي واقعه، أولي مۊسللحانه حرکت سياسي أهدافˇ أمرأ ايرانˇ زماتين تارئخˇ ميئن محسۊب بۊنه.[۱]
گيلک شاعرؤنˇ شعرˇ دل[دچينواچين]
مأمدولي مظفري منطقه مئن ديکؤندار بۊ يؤ در جريانˇ عمليات قرار دأشت. اۊن خۊشˇ خؤجير دؤبيتي مئن به-نؤمˇ قشنگ أفتؤ؛ کاکۊ تيۊکؤن أجي گۊنه به اۊ کس گه دؤنه کاکۊ کؤرأى ؤ قشنگ أفتؤ چيسه. کاکۊ يته نۊشؤن بۊ ؤ ايشارت دأنه به اي گه اسکندر رحيمي ؤ ايرج نيري هي مسير أجي حميد أشرف-ه ببۊردن جؤر. ؤ بعضي چريکؤن خۊدي غفۊر حسنپۊر معتقد بۊن گه اي منطقه لؤنک - ديلمانˇ جادده سر واکۊده-چۊشم دأنه هين ئبه عملياتˇ سرأگيتنˇ ويسين وابرازه. مأمدولي مظفري خۊ فايلˇ صؤتي مئن، سراگيتنˇ پسي اي شعر-ه تقديم کؤنه به نيريˇ عزيز.[۲]
قشنگ أفتؤ بزأ کاکۊ تيۊکؤن-ه
سۊرخˇ چاشؤ وأرگنته اي گيلؤن-ه
ونألين گيلکؤن اۊ أبر ؤ باد-ه
بيئى هأنده ببۊره چاشؤؤن-ه
سربس[دچينواچين]
- ↑ Nikki R. Keddie, Yann Richard. Modern Iran: Roots and Results of Revolution. ۲۰۰۶، ISBN 0-300-12105-9, ۹۷۸۰۳۰۰۱۲۱۰۵۶، ۲۲۰.
- ↑ https://www.youtube.com/watch?v=dwdz8gzQtME