سۊوتؤن

Wikipedia جي

سۊوتؤن (رسمي نام: سوباتان) ايته جه گيلان ٚ رۊستایان ايسه کي جؤرا مئن دره ؤ کرگانرۊد ٚ بخش ؤ تالش ٚ شأرستان توابع جه ايسه.

  

جۊغرافي جيگا[دچينواچين]

سۊوتؤن ايته جه گيلان ٚ دئني جيگایان ايسه کي ليسار ٚ شأر أمرأ ۲۲ کيلؤمتر، هشتپر جه ۳۶ کيلؤمتر ؤ نئؤر ٚ دریاچه جه ۲۱ کيلؤمتر فاصله دأره. سۊوتؤن جه خۊرتاو به ليسار ٚ أنبۊ دامان، جه خۊرخۊس به نئؤر ٚ دریاچه، جه کلسيا به ليسار ٚ رۊخان ؤ خطبه سرا جؤردي ؤ جه نسا ور ني به آسبؤمؤر ؤ جؤکندان ٚ دهستان فأرئسه.

سۊوتؤن ٚ دۊرۊن تقريبا صد ته خانوار زيوده کي مۊختلف فصلان ٚ مئن أ عدد تغيير کۊنه. سۊوتؤن پۊر جه خاني ايسه کي خنک ؤ تازه آو اۊن ٚ ساکنان ره فراهم کۊنه. أ منطقه دۊرۊن چند ته دئبار ٚ قبرستان نهأ کي ويشتر جه هٚزار سال قدمت دأرده ؤ نشان دهه کي انسان ٚ سکۊنت أ منطقه مئن به سالان دۊر واگرده.

سۊوتؤن ٚ نام[دچينواچين]

أ رۊستا نام جه دۊ ته واجه سۊ به مأني گۊلپر ؤ وتؤن کي مأني رشد کۊدن دهه تشکيل بۊبؤسته ؤ سۊوتؤن یعني ايته جيگا کي گۊلپر ٚ گياه اۊن ٚ مئن فراوان رشد کۊنه. گۊلپر جه معرۊف ٚ دارۊئي گياهان، سۊوتؤن ؤ اۊن ٚ أطراف مئن ايسه. سۊوتؤن ٚ واجه جه تالشي زوان بيگيفته بۊبؤسته ؤ ايته گيلاني أصيل ٚ واجه ايسه ؤ تالشان هسأ ني خۊشان ٚ مئن جه أ نام استفاده کۊنئده کي نشان دهه سوباتان أ رۊستا ره نام درستي نيه ؤ وارداتي ايسه ؤ سۊوتؤن صحيح ايسه.

تاتايي‌ئن[دچينواچين]

سربس[دچينواچين]