سنوبر
senoubar (populus)
senoubaron itə kulli nom je däroni isə kə uşonə "populus" duxänan. i däron pur manäteq dunyä meen je sard yä xuşkə muhiton, harjäi kə ou banay, dee banan. senoubaron, uşonə äson ziyäta boonə vasi kə qalame amrə anjom ginə o işonə pillə boonan zut anjom ginə, hin väsi i däronə je pur roşd däronə dunyä hisäb abenan.
i däron du päye o uşonə nar o mäddə gulon, ouzin o bulandə şätunon guläzinonə murson isan. i şätunon kə gulonə xuşonə amrə daanan, zumsonə aväxir tä vahärə sar paydä banan o leqähə pasi, meevə banan. i däronə bazron, vahärə aväxir o tousanə sar puçanan. meevan kapsule murson isan kə duttə tuli şekäfə amrə väza banan o har kapsul, çantə rizə doonə daanə. i bazronə amrə pur kurkoni hanna kə uşonə paxşa boonə vasi bə dard xonə. çun bazron pur riz isan, hatman vä meevanə u zamat kə kapsulon xaanan başkofan, je däron baçe baban o garmə utäq yä gulxone meen banan tä titi bukunan o bazin bazronə, uşonə kurkonə amrə dar abenan.
bazronə şaanə kurkonə amrə daştan. senoubarə bazronə hayäti daväm kam isə o uşonə pur muddat daştanə vasi vä je xäs raveşon o sardxonei imkänät istəfädə gudan. senoubaronə şanə je säddə raveşə amrə kə qalamezani isə ziyäta gudan. hin vasi je işonə bazr faqat tahqiqäti mutälee o durggiri (kə pur anjom ginə) istəfädə banə.
ironə meen muxtalef senoubaroni hanna kə şumälə meen, kişvarə sard yä garmäə mantaqan, bäqon o ruxone kanäron dee banan. çantə gunanə nom aspe palt (şumälə meen), tabrizi, kabude, sepidär (mootadel mantaqanə meen) o pad (xuzastonə garmə mantaqan o junub) isə.