سمند سریر
سریر ایتَأ تشریفاتي اۊتۊل جه ایران خودرو چاکۊده‌ئان ؤ جه انواع سمند ایسه.
اي زمات هئچ تشريفاتي یا لۊکسˇ اۊتۊلي ايران مئن ننأبۊ ؤ هأنه واسي ایران خودرو شرکت به فکر چاکۊدن ايتأ تشریفاتی اۊتۊل با ایجاد تغییر هۊ معمولی سمند رۊ دکفت.
سمند سریر جه نظر ظاهری دقیقاً مثل سمند LX ایسه أ تفاوت أمرأ کي بر أ اۊتۊلˇ طۊل ۳۰ سانتیمتر ایضافه بۊبؤسته کي أ فاصله جۊلؤئي ؤ عقبي درˇ وسط ايجاد بۊبؤسته بۊ ؤ اۊنه نتيجه هم أن بۊ کي عقبي سرنشين ره ويشتر فضا ايجاد گۊدي. سمند سرير ماتۊر xu7jp4L4 نام دأره کي پارس elx أمرأ مۊشترک ايسه. هأتؤیم آلؤمينيۊمي رينگ ؤ پهنˇ تایر، جه ديگر مشخصات أ اۊتۊل ايسه کي اۊتۊلˇ تعادل حفظ واسي پیچ‌ئان سر اضافه بۊبؤسته. أ اۊتۊلˇ دۊرۊن جه آبچين طرح چرم استفاده بۊبؤسته دره کي اۊنه ظاهر خۊجیرتر کۊنه. در اۊتۊلˇ عقبي قسمت ؤ هر جۊلؤئي صندلي پۊشت، ایتَأ کۊچي نمایشگر LCD نَهَأ کي با استفاده جه سیستم پخش VCD ؤ MP3 مردۊم تانئستيد کي فلمان مورد نظر اۊتۊل دۊرۊن بیدیند.
هأتؤیم بر حسب سفارش عقبي صۊندؤق مئن ايتَأ یخچال هم نصب بؤستی. دۊ ته سینی باز شو هم عقبي سرنشینان ره صندلي دۊرۊن نصب کۊدید. دران دستگيرت رنگ به رنگ نقره‌ای تغییر ؤ ایتأ جعبه سی دی عقبي قسمتˇ دورون وجۊد دأشتی. سمند سریرˇ طۊل ۴۷۱ سانتیمتر ؤ اۊنˇ عرض ۱۷۲ سانتیمتر ایسه.