راش
räş (fagus orientalis)
räşə där şumälə jangalonə meen je nazare bulandi o qutr, xujir isə o inə çubam ni bä arzeş isə. räşə däron taqriban arzəşdär tarin jangal, şumälə meen isan o i jangalonə çub, pur sanati be hisäb hanə. i däron i päyə isan o işonə nar o mäddə gulon jə hamdigar judä isan. i däron si tä çel säləgi, bazr hadenan. avvali sälonə meen işonə bazr dehi kam isə o panjä şas säləgi meen farävon o xorum bazr hadenan. vä gutan kə i däron har sälə bazr handenan; balki har su tä şiş säl i bär xujir meqdar o munäsib bazr hadenan. räşə gulon inə valgonə amrə bahärə sar dee banan o päizə sar işonə mäddə titi, baputə meevə banan.
räşə meevə, rizi fanduqani isə kə itə tifdär piyälkakə meen faşurda o kämilan bapşunekə. i tifdär piyälkə, duvvum nime, päizə meen, hu zamati kə bazron rasanan, çär tə tuli şekäfə amrə bäzä banə o inə kuştay bazron tabiatə meen paxşa banan. räş däronə bazronə juma gudanə väsi şanə işonə bakalsə kapsulonə jumä gudan o işonə meeni bazronə vitan. juma gudanə natarkasə kapsulonə amrə şanə işonə xuşka gudan o işonə bazronə birin ardan.
nämiye tavänə bazron panjä tä haftäd darsad isə o har kilu bazrə meen taqriban panjhizär tä dahizär donə hanna o işonə umr haodudə şiş mä isə. bazronə juma gudanə pasi uşonə afoue jelou neenan tä xuşka ban. läzim isə kə har çan ruz i bär uşonə jir o joor gudan. bäyad muräqib bon kə bazron xayli xuşka naban. bazronə daştanə vasi tä vahärə digar şanə uşonə itə mässe läye jir ke namdär o läye läye isə şas tä navad ruj xusanen. i jur nigahdäri noui timäre qabl az käşt bazre bə isə. bazronə mässanə läyanə ji dar baardə pasi, i şabonə ruj ouə meen daxisonan o bazin uşonə kärnan.