جهانگير سرتيپ پۊر
| جهانگير سرتيپ پۊر | |
|---|---|
 جهانگير سرتيپ پۊر، فهيمه أکبر ؤ محسن أکبر ٚ أمرأ، ۱۳۳۴ سال ٚ مئن | |
| أصلي نام | جهانگير سرتيپ پۊر |
| زيوش ٚ جيگا | گيلان |
| دفن ٚ جيگا | رشت ٚ سلىمان داراب |
| کار | نيويشتنکس، ترانه سرا، بازيگر، سياستمدار |
| پئر ؤ مار | اسدالله یمين اسفندياري |
جهانگير سرتيپ پۊر (۱۲۸۲ آذر ۲، رشت ٚ سبز ٚ مىدان ٚ مئن - ۱۳۷۱ آذر ۷، تئران ٚ مئن) گيلاني ترانه سرا، نيويشتنکس، هۊنرمند ؤ سیاستمدار بۊ. جهانگير، أمير هدایت‌الله خان فؤمني نبيره‌ئن ٚ جه بۊ ؤ ۱۳۳۱-۱۳۳۳ سالان ٚ مئن رشت ٚ شأردار بۊ ؤ ملي شؤرا مجلس ٚ ۲۱ ؤ ۲۲ دؤره‌ئن مئن ني رشت ٚ نماىنده بۊ. سرتيپ پۊر ايران ٚ باستاني أثران ٚ حفاظت ٚ ملي سازمان ٚ مئن ني هیئت امنا عضو بۊ. سرتيپ پۊر تئاتر ؤ بازيگري مئن ني فعاليت کۊدي ؤ ايته جه گيلان ٚ فعال نيويشتنکسان ؤ محققان بۊ. ايته جه اۊن ٚ کيتابان کي «ویژگی‌های دستوری و فرهنگ واژه‌های گیلکی» نام دأره، پۊر جه گيلکي أصيل ٚ واجه‌ئن ايسه ؤ أولي کيتابي ايسه کي گيلکي دستۊر ٚ باره ايران ٚ مئن چاپ بۊبؤسته.