اوکالیپتوس
Okalîptus
î dar usturalîya bumî dar îsê o xu eslî cîga min, ce tund ruşd o pur kuluft daron bê hîsab henê. çun îşonê ruşdê suret zîyatê, hî çen qernê min, vîşterê ca dunya min, keşt benen. î zemet vîşterê caon dunya min, pur cengelkarî cê î daronê gunê encom gînê. okalîptusê daron cê hodudê penca salê pîş îronê min varîd o keşt bubon. î daronê keşt, şumal o conubê min xucîr semer deşt.
î daronê gul etrî o zerdê reng îsê kê eselê sîftal unê pur tevecco koonê. gulon veharê evaxîr o twsenê ser di benen (baxî ce î gunen, ostova germê menteqenê min, guldehî dwrê her veqtê sal îdamê dinê o baxî gunenê min guldehî fesl ferq koonê). miven kepsule moonen o îşonê endazê, şîş ta bîsopeyn mîlîmitr îsê kê pur rîzê bezr înê min henne. kepsul, nukdar kuriî şîkl îsê o beputê mivê qehveî ya surx îsê. şe guten herçî kepsulê endazê pîlter bebî, unê minî bezron nî pîlteren. guldehî zemet o eqlîmî şerayet o gune nwê vesî, bezron îtê muxtelîf zemet salê min resenen.
okalîptusê daron ce de ta ponze salegî pesî, mivê o bezr dinen. kepsulen, putenê pesî vaze benen o bezron cê uşonê min bîrîn kelnen. bezron resinê pesî, badê emrê pexşe benen.
va guten kê î daron bezr, rîşecuş o saqecuşê emrê zîyate benen.