أدل

Wikipedia جي
پرش به ناوبری پرش به جستجو

أدل
ايته تاتايي أدل لؤري بلۊ أدکينز ٚ جه

أدل خۊ سۊوؤمي کؤنسرت ٚ مئن، ۲۰۱۶

أصلي نام أدل لؤري بلۊ أدکينز
فعاليت ٚ زمينه مزقان
مليت اينگيليسي
بزارۊج ۱۹۸۸ مه ۵
بزاجيگا لندن، اينگيليس
کار خانشگر، مزقان‌چأکۊن
کار گۊدن ٚ سالان ۲۰۰۶-هسأ
پئر ؤ مار مارک ايوانز، پني أدکينز
همسران سيمؤن کؤنکي (۲۰۲۱-۲۰۱۶)
زاکان ۱
وبجيگا adele.com

أدل لؤري بلۊ أدکينز[۱] (‎/əˈdɛl/‎؛ ۱۹۸۸ ٚ مئی ٚ ۵ ٚ مئن بچئه بؤبؤ) بريتانيایي خؤندنکس ؤ مزقؤن‌چاکۊن هيسه. بريت ٚ فناوري ؤ نمایشي هۊنرؤن ٚ مدرسه ٚ جي فارغ‌التحصيل بؤؤن ٚ پسي ۲۰۰۶ ٚ سال ٚ مئن، أدل ايکس‌ال رکؤردينگز ٚ همرأ یته مزقؤني قرارداد دؤبسئه. ۲۰۰۷ ٚ سال ٚ مئن، اۊ بريت ٚ منتقدؤن ٚ جایزه' هگيت ؤ بي‌بي‌سي نظرسنجي ٚ برنده بؤبؤ. ۲۰۰۸ ٚ سال ٚ مئن اۊن ٚ أوولي آلبؤم، «۱۹» منتشرا بؤ. اي آلبؤم ۸ پلاتين بريتانيا ؤ سۊ پلاتين آمريکا مئن گواهي‌نؤمه دأره. گرمي ٚ پنجاؤیکؤمي مراسم ٚ مئن ۲۰۰۹ ٚ مئن، أدل بئترين تازه هۊنرمند ؤ بئیترين پاپ ٚ مزقؤن ٚ اجرا زۊنؤنه خانشگر ٚ توسط ٚ جوایز-ه وأیئه.

أدل خۊ دۊوؤمي آلبؤم، «۲۱»-ه ۲۰۱۱ ٚ أوایل ٚ مئن منتشر-ا گۊد. اي آلبؤم بريتانياٰ آلبؤمان ٚ پۊر-فؤرۊش‌ ترين ليست ٚ مئن، طۊلاني‌ترين صدرنشيني ٚ رکؤرد-ه  بزأ ؤ اي رکؤرد گينس ٚ کيتاب ٚ مئن ثبتا بؤ. اي آلبؤم أدل ٚ أوولي آلبؤم ٚ جي ويشتر مؤفقيت کسب بؤگۊد ؤ أدل اي آلبؤم ٚ همرأ مؤفق وکت ۶ ته گرمي هأیره، من جۊمله سال ٚ بئیترين آلبؤم ٚ جایزه' گه گرمي ۲۰۱۲ ٚ مئن هگيت. اي آلبؤم بريتانيا تاريخ ٚ چارؤمي پۊر-فؤرۊش‌ ٚ آلبؤم هيسه ؤ دۊنیا مئن ۳۰ ميليۊن نۊسخه ٚ جي ويشتر فرتن بؤبه. ۲۰۱۳ ٚ مئن أدل اسکای‌فال ٚ آهنگ ٚ ره اسکای‌فال فئلم ٚ مئن (یته فئلم جیمز باند ٚ سري فئلمؤن ٚ جي) گؤلدن گلۊب ؤ اۊسکار ٚ جایزه'ن-ه بئیترين وؤت ٚ وأسئه دریافت بؤگۊد.[۲][۳]

یته ۳ ساله وقفه پسي، أدل خۊ سۊوؤمي آلبؤم، «۲۵»-ه ۲۰۱۵ ٚ نؤوامبر ٚ ۲۰‌اؤم ٚ مئن منتشر بؤگۊد. اي آلبؤم ويشترين فۊرتن ٚ رکؤرد، أوولي هفته مئن-ه آمريکا ايجؤنأبؤ ايالتؤن ؤ بريتانيا مئن بيشکنئه ؤ جهان ٚ مۊسيقي جداول ٚ مئن صدر-ه خۊ شي بؤگۊد. تخمين بزأ بۊنه گه حؤدۊد ٚ ۱۰۰ ميلیۊن أدل ٚ آلبؤمان ؤ تک‌آهنگؤن ٚ جي دۊنیا مئن فؤرۊش بؤشئه ؤ أدل دۊنیا پۊر-فؤرۊش ترين هۊنرمندؤن ٚ جي هيسه.[۴]

شخصي زيوش[دچينواچين]

أدل أدکينز ۱۹۸۸ مئی ۵ مئن، لندن ٚ تاتنهام ٚ محله دۊرۊن دۊنیا بأمؤ. اۊن ٚ پئر مارک ايوانز ؤ ولز ٚ شين بۊ ؤ اۊن ٚ مار پني أدکينز نام دشتي ؤ اينگيليس ٚ شين بۊ. أدل تک زای ايسه ؤ اۊن ٚ مار خۊ ۱۸ سالگي مئن زای باورده. اۊ زمات کي دۊ ساله بۊ اۊن ٚ پئر اۊشان-ه بنا ؤ بۊشؤ ؤ أدل ٚ مار اۊن-ه پيله کۊده. اۊن ٚ مار ايته مؤبل چأکۊني کارگا مئن کار کۊدي تا خۊ خانواده خرج-أ درباوره. أدل خۊ ۹ سالگي مئن خۊ مار ٚ أمرأ لندن ٚ جه بۊشؤ برایتؤن ٚ شأر، ولي دۊ سال دئه دۊوارده لندن-أ وأگردستد ؤ خۊرخۊسي نؤروۊد ٚ مئن کي ايته جه لندن ٚ محله‌ئن ايسه ساکن بۊبؤستد. أدل اۊ زمات کي هله مأرۊف نۊبؤسته بۊ براکول ٚ مئن کي ايته جه هأ محله پارکان ايسه گيتار زئي ؤ شعر خاندي. أدل خۊ چار سالگي جه خۊ استعداد-أ بفأمسته ؤ خؤره گلف خاندي. اۊ زمات کي کۊچي زاک بۊ اسپایس گرلز ٚ طرفدار بۊ ؤ أ جرگه باعث بۊبؤسته کي أدل خانشگري علاقمند ببه. ۲۰۱۲ سال ژانويه جه أدل سایمؤن کؤنکي أمرأ کي ايته خیريه مسئۊل ايسه آشنا بۊبؤسته. اۊشان بأزين دۊته زای باوردد کي اۊشان ٚ نام آنجلؤ ؤ سایمؤن ايسه.[۵] اۊشان چند سال ٚ پس ؤ ۲۰۱۹ مئن اعلام بۊکۊدد کي اي سري شخصي مسئله‌ئن ٚ وأسي خأیده جۊدا ببد ؤ ۲۰۲۱ سال ٚ مئن ني طلاق بيگيفتد.[۶]

أدل جه اۊ زماتي کي مار بۊبؤسته خۊ هؤنري فعاليت-أ کم بۊکۊده ولي اۊن ٚ درآمد کم-أ نۊبؤسته ؤ دۊته کارخانه صاحب ايسه کي اۊشان ٚ جه ني پۊر درآمد دره. أدل گه کي اۊن ٚ زاکان اۊن ٚ زندگي اؤلويت ايسده ؤ خأیه کي خۊ وخت-أ کامل اۊشان ٚ ره بنه. ۲۰۱۵ سال ٚ ژانويه مئن أدل ٚ ثروت ۱۸۰ ميليۊن دؤلار بۊ ؤ تروتمندترين خانگشري بۊ کي اۊن ٚ سند ۳۰ سال ٚ جه بيجيرتر بۊ.


حرفه[دچينواچين]

۲۰۰۸ تا ۲۰۱۰: ۱۹ ٚ آلبؤم ؤ تجاري مؤفقيتؤن[دچينواچين]

أدل یته اجرا ۲۰۰۹ ٚ مئن

أدل چارما خۊ فارع التحصيلي پسي، دۊ ته ترانه «آنلاین ٚ هؤنران ٚ نشريه» ره اۊسه بۊکۊده ؤ پيشتر ني ايته آهنگ ٚ دمؤ-یه کي خۊ کلاس ٚ پرؤژه ره چأکۊده بۊ خۊ ايته جه رفئقان-أ فدأ. أدل ٚ رفئق أ آهنگ-أ ايته ايجتماعي شبکه دۊرۊن کي اۊن ٚ نام Myspace بۊ اۊسئه بۊکۊده ؤ هأن باعث بۊبؤسته کي اۊن ٚ کار بيده ببه ؤ ريچارد راسل کي XL Recordings ناشر ؤ ريئيس بۊ، أدل-أ ايلجار ٚ وأسي بخاسته. أدل أول أ درخواست ٚ ره مشکۊک بۊ چؤن أ شرکت-أ نشناختي ؤ فقط Virgin Records أمرأ آشنا بۊ، ولي بأزين بۊشؤ ؤ ايته بۊگۊ بيشتاو أ شرکت ٚ أمرأ أنجام بدأ ؤ آخرپسي بۊشؤ XL مئن ؤ خۊ خانشگري کار-أ حرفه‌اي شرۊع بۊکۊده. أدل ايته مؤدت ٚ پس، ريچارد راسل ٚ دس ٚ جير خۊ مزقان ٚ دانش ٚ سطح-أ بۊجؤر بۊبؤرده ؤ خانشگري فند ؤ ليم-أ اۊن ٚ جه بامۊخته. ۲۰۰۷ سال ٚ مئن أدل «Daydreamer» آهنگ-أ ايته جه بي بي سي شبکه برنامه‌ئن ٚ مئن ايجرا بۊکۊده کي اۊن ٚ أولي جدي تجرؤبه خانشگري مئن بۊ. بأزين ني هۊ ۲۰۰۷ سال ٚ مئن أدل «Homtown Glory» آهنگ-أ کي خۊ ۱۶ سالگي مئن بينيويشته بۊ بيرۊن فدأ.

۲۰۰۸ ٚ سال ٚ مئن أدل ٚ «۱۹» ٚ آلبؤم منتشر بؤبؤ. چۊن گه أدل خۊ ۱۹ سالکي مئن اي آلبؤم-ه ضبط بؤده، اي آلبؤم ٚ نؤم-ه بنأ «۱۹». «۱۹» أدل ٚ أوولي استؤديؤئي آلبؤم هيسه. اي آلبؤم ۲۰۱۱ ٚ مئن، با اينگه حلأ ۳ سال اۊن ٚ انتشار ٚ جي دوأرسه بؤ، سال ٚ چارؤمي پۊر-فؤرۊش آلبؤم ۲۰۱۱ ٚ مئن بريتانيا مئن بؤبؤ.[۷][۸]


أدل نؤنزه‌ سالگي مئن خۊ صؤتي تاران ٚ خۊنريزي دؤني، ددار عمل وکت ؤ در نتيجه چنته اۊن ٚ کنسرتؤن کنسل بؤبؤن، أمما أدل خۊ گزمه‌دارؤن (طرفداران)  ٚ جي معذرت بخأس ؤ قؤل بدأ کامل ٚ بهبۊد ٚ پسي خۊ کنسرتؤن-ه برگۊزار بؤنه.

یته زواله أدل ٚ همرأ، أدل ٚ أوولي تۊر-کنسرت بؤ گه در حيمایت ٚ أز «۱۹» ٚ آلبؤم برگزار بؤبؤ.

۲۰۱۱-۲۰۱۴[دچينواچين]

أدل ایته ايجرا آمريکا سياتل ٚ مئن، ۲۰۱۱

أدل ۲۰۱۱ ژانويه ۲۴ مئن، أدل خۊ دۊوؤمي آلبؤم-أ کي اۊن ٚ نام «۲۱» بۊ مؤنتشر بۊکۊده ؤ گه کي أ آلبؤم-أ خۊ نامزد جۊدا بؤستن ٚ جه الهام بيگيته. «Someone Like You» أ آلبؤم ٚ مأرۊف‌ترين آهنگ ايسه کي ۲۰۱۱ سال ٚ مئن ايته گرمي جائزه-یه بئترين اي نفره پاپ ٚ ايجرا وأسي بۊبؤرده ؤ آمريکا مزقان ٚ چارت ٚ مئن ني چن‌ته هفته ره اۊن ٚ رؤتبه أول بۊ. أ آلبؤم ۱۸ هفته ره بريتانيا أولي پۊرفرۊش ٚ آلبؤم بۊ ؤ أدل أولين زني ايسه کي أ رکؤرد-أ بزئه. أ آلبؤم آمريکا مئن ني ۱۳ هفته ويشترين فرۊش-أ دشتي. ۲۱ آلبؤم، دۊنيا ۲۴ کشور مئن أولي رؤتبه-یه فرۊش ٚ مئن کسب بۊکۊده ؤ سرجمع ۳۱ ميليۊن نۊسخه بۊفرۊخته. أ آلبؤم ۳ ميليۊن ؤ ۸۰۰ هيزار فرۊش ٚ أمرأ، ۲۰۱۱ سال ٚ مئن ويشترين فرۊش-أ بريتانيا مئن دشتي. أدل أ آلبؤم ٚ انتشار ٚ پيش أتؤ مأرۊف نۊبۊ ؤ ۲۱ آلبؤم باعث بۊبؤسته کي أدل مردۊم ٚ مئن ويشتر بشناخته ببه.

أدل ۵۴اُمي گرمي مراسم ٚ دۊرۊن کي ۲۰۱۲ سال ٚ مئن برگۊذار بۊبؤسته، ۶ ته گرمي جائزه-یه بۊبؤرده ؤ أولي زني ايسه کي بتانسته ايته شو ٚ مئن أندر جائزه فگيره.

۲۰۱۵-۲۰۱۷[دچينواچين]

أدل آمريکا تۊر ٚ مئن، ۲۰۱۶

أدل ۲۱ آلبؤم ٚ مؤفقيت ٚ پس، دئه چار سال ٚ ره هئچ آلبؤمي فندأ ؤ چن‌ته تکي آهنگ ٚ سر کار بۊکۊده. ۲۰۱۵ آگؤست ۲۷ مئن بيلؤرد اعلام بۊکۊده XL Recorfings کي أدل ٚ ناشر ايسه خأیه اۊن ٚ تازه آلبؤم-أ ۲۰۱۵ نؤومبر ٚ مئن مؤنتشر بۊکۊنه.[۹] أدل ني هۊ سال ٚ اؤکتؤبر ۲۲ مئن بۊگۊته کي اۊن ٚ بعدي آلبؤم نؤومبر ٚ مئن بيرۊن آیه. اؤکتؤبر ۲۳ مئن ايته آهنگ «Hello» نام ٚ أمرأ أدل ٚ جه مؤنتشر بۊبؤسته کي اۊن ٚ آینده آلبؤم ٚ أولي آهنگ بۊ. أ آهنگ مؤنتقدان ؤ مردۊم ٚ مثبت ٚ نظر ٚ أمرأ مواجه بۊبؤسته ؤ ويشتر ٚ کشوران ٚ مزقان ٚ چارت ٚ مئن أولي رؤتبه-یه فگيته ؤ ويشتر جه اي ميليۊن نؤسخه ني بۊفرۊخته.[۱۰]

«۲۵» آلبؤم آخرپسي ۲۰۱۵ نؤومبر ۲۰ مئن دۊته شرکت XL Recordings ؤ Columbia Records ايلجار ٚ أمرأ بيرۊن بامؤ. أ آلبؤم ٚ نام ني دۊ ته قبلي آلبؤمان ٚ مأنستن جه أدل ٚ سند اۊ زمات ٚ مئن کي آلبؤم-أ چأکۊدن دۊبۊ بيگيته بۊبؤسته. ۲۵ آلبؤم، ۱۱ ته آهنگ ٚ أمرأ مؤنتشر-أ بؤسته ؤ اۊن ٚ طرفداران-ه کي چن سال رافا ايسابۊد راضي بۊکۊده. أ آلبؤم خۊ انتشار ٚ أولي هفته مئن اينگيليس ٚ دۊرۊن ۸۰۰ هيزار نؤسخه بۊفرۊخته. ۲۵ آلبؤم هۊ سال ٚ مئن ۱۷،۴ ميليۊن نؤسخه فرۊش ٚ أمرأ، ۲۰۱۵ سال ٚ پۊرفرۊش‌ترين آلبؤم بۊبؤسته.[۱۱] أدل ۲۰۱۶ سال ٚ مئن ايته جهاني تۊر بنأ ؤ ۲۵ آلبؤم-أ زنده مختلف کشوران ؤ شأران ٚ مئن بخانده. أدل ۲۰۱۶ بريت ٚ مراسم ٚ مئن چن ته جائزه بۊبؤرده کي اۊشان ٚ جه شأ بريتانيا سال ٚ آلبؤم ؤ سال ٚ آهنگ-أ ايشاره کۊدن.[۱۲]

۲۰۱۸ تا هسأ[دچينواچين]

أدل جه ۲۰۱۸ سال خۊ چارؤمي آلبؤم ٚ سر کار کۊدن دۊبۊ. اۊن ۲۰۱۹ مئی ۵ مئن خور بدأ کي اۊن ٚ پنجؤمي آلبؤم «۳۰» نام ٚ أمرأ آماده بؤستن دره ؤ اۊن ٚ سبک درام اند بیس (Drum and bass) ايسه کي ايته جه الکترؤنيک ٚ مزقان ٚ سبکان ايسه. أدل بأزين بۊگۊته کي أ آلبؤم ۲۰۲۰ سپتامبر ٚ مئن بيرۊن آیه ولي دئرتر بۊگۊته کي کؤرؤنا ويرۊس ٚ وأسي أ آلبؤم ٚ انتشار تأخير خۊره ؤ اۊن ٚ زمات دۊواردئه اعلام به.

سربس[دچينواچين]

  1. https://web.archive.org/web/20121108013416/http://www.nicolefrehsee.com/wp-content/uploads/2011/08/R1070Adele.pdf
  2. cite web|url=https://www.telegraph.co.uk/culture/music/music-news/10502550/Grammy-nominations-2014-David-Bowie-among-Robin-Thicke-and-Jay-Z.html%7Ctitle=Grammy nominations 2014: David Bowie among Robin Thicke and Jay-Z|last=Agencies|date=7 December 2013|via=www.telegraph.co.uk}}
  3. https://www.webcitation.org/6DZOQ92zN?url=http://oscar.go.com/nominees
  4. https://en.wikipedia.org/wiki/Adele
  5. cite web|url=https://www.huffingtonpost.com/2012/10/21/adele-baby-boy-simon-konecki_n_1855810.html%7Ctitle=Adele's Baby Boy: Singer Welcomes Son With Simon Konecki|date=21 October 2012|via=Huff Post}}
  6. Cite web|url=https://www.elle.com/culture/celebrities/a27238870/why-adele-simon-konecki-split/%7Ctitle=Why Adele and Simon Konecki Ended Their Seven-Year Relationship|last=Bailey|first=Alyssa|date=2019-04-23|website=ELLE|language=en-US|access-date=2019-05-20}}
  7. http://www.bbc.co.uk/persian/arts/2012/01/120102_l41_music_album_sales_fell_2011.shtml
  8. یادکرد وب | تاریخ بازبینی=۳ ژانویه ۲۰۱۲ | عنوان=فروش ۱۷۸ میلیون تک‌آهنگ و ۲۶ میلیون آلبوم در بریتانیا در سال ۲۰۱۱ | ناشر=بی‌بی‌سی فارسی | نشانی=http://www.bbc.co.uk/persian/arts/2012/01/120102_l41_music_album_sales_fell_2011.shtml | تاریخ=۱۲ دی ۱۳۹۰ | کد زبان=fa | archiveurl=https://web.archive.org/web/20120104074336/http://www.bbc.co.uk/persian/arts/2012/01/120102_l41_music_album_sales_fell_2011.shtml | archivedate=۴ ژانویه ۲۰۱۲ | dead-url=no}}
  9. cite web|last1=Rayne|first1=Naja|title=Adele's New Album Due Out in November": Report|url=http://www.people.com/article/adeles-new-album-set-for-november-release?xid=socialflow_facebook_peoplemag%7Cwebsite=People%7Cdate=27 August 2015|accessdate=28 August 2015|archiveurl=https://web.archive.org/web/20150924070903/http://www.people.com/article/adeles-new-album-set-for-november-release?xid=socialflow_facebook_peoplemag%7Carchivedate=۲۴ سپتامبر ۲۰۱۵|dead-url=no}}
  10. (cite news|title=Adele's 'Hello' Is Fastest Video to Hit 1 Billion Views on Vevo|url=http://www.billboard.com/articles/news/6844159/adele-hello-fastest-video-one-billion-views-vevo%7Cpublisher=Billboard%7Cdate=19 January 2016|accessdate=۱۲ مه ۲۰۱۶|archiveurl=https://web.archive.org/web/20160121172540/http://www.billboard.com/articles/news/6844159/adele-hello-fastest-video-one-billion-views-vevo%7Carchivedate=۲۱ ژانویه ۲۰۱۶|dead-url=no}}
  11. (cite web|title=Global Music Report|url=http://www.ifpi.org/downloads/GMR2016.pdf%7Cpublisher=International Federation of the Phonographic Industry|accessdate=12 April 2016|archiveurl=https://archive.is/20160730180434/http://www.ifpi.org/downloads/GMR2016.pdf%7Carchivedate=۳۰ ژوئیه ۲۰۱۶|dead-url=no}}
  12. (cite news|title=Brit Awards 2016: Adele dominates with four awards|url=http://www.bbc.co.uk/news/entertainment-arts-35656227%7Cagency=BBC%7Cdate=25 February 2016|accessdate=۱۲ مه ۲۰۱۶|archiveurl=https://web.archive.org/web/20160402213452/http://www.bbc.co.uk/news/entertainment-arts-35656227%7Carchivedate=۲ آوریل ۲۰۱۶|dead-url=no}}