أجديها
أجديها ايته أفسانه‌اي مؤجۊد ايسه کي ويشتر فرهنگان ؤ مليتانˇ مئن رائج ايسه ؤ أفسانه'ن مئن ايته ويجکˇ جيگا دره.
تؤصيف[دچينواچين]
أجديها جه مأرۊفˇ أفسانه‌اي ؤ اؤسطۊره‌اي مؤجۊدان ايسه کي گلف بيده بۊبؤسته کي ايته فرهنگ ؤ مليتˇ مئن جه أ مؤجؤد گبي نمانه. أجديها ايته پيله حىوان ايسه کي اۊنˇ ظاهر خزنده'ن مانه ؤ ويشتر داستانانˇ مئن تانه پرواز بۊکۊنه ؤ خۊ دهان جه تٚش تاواده. خۊرخۊسي فرهنگˇ مئن أجديها ايته منفي شخصيت دره ؤ ويشتر زمات ايته بدذاتˇ حیوان تؤصيف به کي خأىه آدمان-ه أذئت بۊکۊنه ولي خۊرتاوˇ کشورانˇ فرهنگˇ مئن برعکس خۊرخۊس، أجديها ايته مقدسˇ مؤجۊد ؤ پاکي نماد ايسه کي پۊر دانيش ؤ معرفت دره ؤ جه ماورايي قۊدرت برخؤردار ايسه.
أفسانه'ن ؤ دابانˇ مئن[دچينواچين]
أجديها جانوري ايسه کي دئبارˇ دابانˇ مئن ايجائي ويراني نماد ؤ آبادي نماد ني بۊ.
بابِليانˇ تمدنˇ مئن أجديها جهانˇ شرۊع أمرأ مرتبط بدانسته بۊبؤسته. بابلˇ أفسانه مئن، تياماتˇ الهه کي ايته أجديها ؤ ظلمˇ نماد بۊ، مردۊک اۊن-ه بۊکۊشته ؤ ظلم ؤ بدي اۊنˇ مردن أمرأ تۊمامه بؤسته.
دئبارˇ مصرˇ مئن مردۊم رۊخانان طغیان-ه أجديها أمرأ مرتبط دانستده. چینˇ مئن أجديها ايته مقدسˇ حىوان ايسه ؤ خأىليان اۊن-ه پرستيدي ؤ وارشˇ نماد محسۊب به. أجديها چينيانˇ ويشترˇ جشنانˇ مئن ني حضۊر دره.
أجديها تينار أفسانه‌اي مؤجؤدي ايسه کي تۊمام دابان ؤ مردۊمانˇ أفسانه مئن ايته ويجکˇ جيگا دره ؤ جه آمريکا ؤ اۊرۊپا کلسيا تا آسیا خۊرتاو شأ اۊن-ه دئن.
فرهاد عسکري کي ايته محقق ؤ فیلسۊف ايسه گه کي أ مؤجۊد داميشکˇ زمات، واقعا زيوش گۊدي ولي نأ أتؤ کي أفسانه'ن ؤ داستانان مئن تؤصيف بۊبؤسته، ولکي ايته پيله لانتي ظاهر أمرأ ىاته بؤستي.
سربس[دچينواچين]